ينفورماتسيا اشكەرەلەۋ: mzjubao@cnr.cn

اۋىل اۋانى

الەۋمەتتىك اۋماقتاعى قارتتارعا جىلى مەيىرىمدىلىك تانىتتى

来源:جۇڭگو قازاق راديو تورابى     |责编:阿依娜古丽|     发布日期: 2019-11-08 09:16

سەرىك يمانقان ۇلى حابارلايدى. جاقىندا بۋرىلتوعاي اۋدانى باتىس اينالمالى جولى الەۋمەتتىك اۋماعىنىڭ قيمىل ورتالىعى قارتتاردى ىستىق مەيىرمەن قارسى الدى، الەۋمەتتىك اۋماقتاعى ەرىكتىلەر قوسىنى بىردە قارتتاردىڭ شاشىن الىپ ابىگەر بولسا ەندى بىردە قالاشىق ەمقاناسىنان كەلگەن اق حالاتتى پەرىشتەلەر قارتتاردىڭ قان قىسىمىن ولشەپ، اقاۋسىزدىق بىلىمدەرىنەن ۇگىت جۇرگىزىپ جاتتى، مىنە بۇل باتىس اينالمالى جولى الەۋمەتتىك اۋماعىنداعى ەرىكتىلەر قوسىنى قارتتار ءۇشىن ىستەگەن شاپاعات قيمىلى ەدى.


    الەۋمەتتىك اۋماقتاعى بۇقاراعا جىلى مەيىرىمدىلىك تانىتۋ قيمىلى بارىسىندا قارتتاردىڭ شاشىن الىپ بەرۋ، قان قىسىمىن ولشەپ بەرۋمەن بىرگە ولارعا اق تىلەك كارتوچكاسى، قولعاپ، موينسال، بايپاق سياقتى تۇرمستىق بۇيىمدارىن دا سيعا تارتۋ ەتتى. ونىمەن قويماي قارتتارمەن قىزۋ اڭگىمەدە بولىپ، ولاردىڭ قولداۋىنا يە بولدى، جۇزدەرىنەن اق كوڭىلى كونشىگەندىگىن بىلۋگە بولادى.


    الەۋمەتتىك اۋماق تۇرعىنى كۇڭ شيىقۇڭ قارت: الەۋمەتتىك اۋماقتاعى قىزمەت اترەتى، ەرىكتىلەر قوسىنى بولسىن بارلىعى بىزگە ىستىق ىقىلاسپەن قىزمەت وتەپ كەلەدى، مىنە وسىنداي باۋىرمال جانداردىڭ كومەگىندە، سوڭعى ومىرلەرىمىز ءتىپتى دە جاقسى بولاتىندىقىنا كوزىمىز جەتەدى،-دەدى تەبىرەنىپ.


    وسى الەۋمەتتىك اۋماقتىڭ ءبىرىنشى شۋجيى، قىزمەت اترەتىنىڭ باستىعى تولقىن ءسلامقان ۇلى: الەۋمەتتىك اۋماعىمىز ەجەلدەن قارتتاردى قۇرمەتتەۋ، قارتتاردى ايالاۋ پرينسىپىنە تاباندى بولىپ، قارتتارعا تاماشا تۇرمىس ورتاسىن سيلاپ، قولدان كەلەتىن جۇمستارعا كۇش سالا كومەكتەستىك، بۇدان كەيىن دە ەرىكتىلەر قىزمەت وتەۋ قوسىنى قيمىلىن ىشكەرلەي ەتەك الدىرىپ، الەۋمەتتىك اۋماقتاعى قارتتاردىڭ جۇرەگىن شاتتىققا بولەيتىن شارۋالاردى ىستەۋگە كۇش سالامىز،-دەدى.

中央广播电视总台 央广网 版权所有