ينفورماتسيا اشكەرەلەۋ: mzjubao@cnr.cn

اۋىل اۋانى

«شۇعىلا»، «مۇرا» جۋرنالىنىڭ ۇگىت، تالقى قىزمەت گرۋپپاسى ماناسقا كەلدى

来源:جۇڭگو قازاق راديو تورابى     |责编:达吾力别克 |     发布日期: 2019-11-29 18:03

ەرىكتى ءتىلشى دالەلحان مۇقاتاي ۇلى حابارلايدى. 2019-جىلى 11-ايدىڭ 9-كۇنى «شۇعىلا»، «مۇرا» جۋرنالى ۇگىت، تالقى قىزمەت گرۋپپاسى ماناس اۋدانىنا كەلدى.

شينجياڭ قازاق ادەبيەتىندە جونىنەن العاندا تارالىمى كەڭ، وقىرمانى كوپ، شوقتىعى بيىك «شۇعىلا» جۋرنالى مەن شينجياڭ قوعامدىق عىلىمدار تۇرىندەگى 1-دارەجەلى «مۇرا» جۋرنالى ش ۇ ا ر ادەبيەت -كوركەمونەرشىلەر بىرلەستىگى جاعىنان شىعاتىن ەل ءىشى -سىرتىنا تارالاتىن ۇزدىك جۋرنالدار. شۇعىلا جۋرنالى مەملەكەتتىك «باعىبان» سيلىعىن، شينجياڭ مەرزىمدى جۋرنالدار سيلىعىن العان قوعامدىق عىلىمدار سالاسىنداعى ۇزدىك جۋرنال. شۇعىلا جۋرنالى مەن مۇرا جۋرنالى رەداكسياسى سان جىلداردان بەرى ءوز قالامگەرلەرى مەن وقىرماندارىنا كەزدەسۋ ۇگىت تالقى پىكىر الماستىرۋدى قىزمەت كۇن تارتىبىنە ەنگىزىپ كەلگەن بولاتىن. وسى رەتكى ۇگىت تالقى قىزمەت گرۋپپاسىنىڭ سانجى حۇيزۋ اۆتونوميالى وبلىسىنىڭ ماناس اۋدانىنا ات باسىن بۇرۋى ماناس قالامگەرلەرىنىڭ شابىتىن جانىپ سارا تۋىندى جاراتۋىنا تۇرتكى بولدى. «شۇعىلا»، «مۇرا» جۋرنالى ۇگىت تالقى جيىنى جارىم كۇندىك ۋاقىتپەن ماناس اۋداندىق ۇگىت ٴءى جيىن زالىندا ءوتتى. «شۇعىلا» جۋرنالىنىڭ باس رەداكتورى، مادەنيەت مۇقاتاي ۇلى مەن «مۇرا» جۋرنالى رەداكسياسىنان قاميىت زامەرحان ۇلى لەكسيا سويەپ قالامگەرلەردەن ۇسىنىس پىكىر الدى. ۇگىت تالقىنى ماناس اۋدانى اعارتۋ سالاسىنان اقىن كومپوزيتور جاپار بايدولين باسقاردى. ۇگىت تالقى جيىنىنا ماناس اۋدانىنداعى اقىن جازۋشىلاردان: جازۋشى سەرىك سەيتقازى، تاريحشى قاسەن نابيدوللا، ماقسۇت بەكەتاي ۇلى، كومپوزيتور سىلامبەك وشانباي، قارت اقىن جۇمابەك اباقاي ۇلى، حالىق اقىنى موناي جۇكەي قىزى، اقىن الىمجان تۇرىسبەك، جاس پروزيك مۇقامەت سەيىت، اقىن دالەلقان قاراقايوۆ، اقىن موشانباي اسان، اقىن، ءانشى كادىرقان باتەر ۇلى، جاس اقىن جاۋدات ساعدات، اقىن، ءتىلشى دالەلحان مۇقاتاي قاتارلى ۇسىنىسپەن شاقىرىلعان ءبىر ءء قالامگەرلەر قاتىناستى.

شۇعىلا جۋرنالى باس رەداكتورى مادەنيەت مۇقاتاي ۇلى «شۇعىلا» جۋرنالىنىڭ تاريحى، باسىپ وتكەن جولدارى ونداعى ءار جانرداعى شىعارمالار تۋرالى تەرەڭنەن تولعانىپ، جۋرنال ساپاسىن تىپتى دە جاقسارتۋ، وقىرمان تيراج سانىن مولايتىپ، جالپى حالىق كورە الاتىن، وقي الاتىن ورەگە جەتكىزۋ، سارا تۋىندىلاردى كوپتەپ جاراتىپ، اۆتورلاردىڭ شىعارمالارىنىڭ جارىق كورۋىنە قاراتا كۇش سالۋ، رەداكسيا قىزمەتىن شىنايى دا زاڭدى جاۋاپكەرشىلىك پەن ىستەۋدى، جۋرنال ساپاسى، شىعارما ومىرشەڭدىگى مەن بايلانىستىرىپ، رەداكسيا مەن اۆتورلار قارىم - قاتىناسىن كۇشەيتۋ، وقىرمان توپتاۋ سىندى مازمۇنداردى كەڭىنەن باياندادى، اۆتورلاردان «شۇعىلا»، «مۇرا» جۋرنالىنا بولعان ۇسىنىس پىكىرلەرىن قابىلداپ، ەستەلىك الدى. «مۇرا» جۋرنالىنان، قاميىت زامەرحان ۇلى دا مۇرا جۋرنالى تۋرالى تولعانا كەلىپ، جۋرنال ساپاسىنىڭ اۆتورلارمەن تىكە قاتىستى ەكەنىن تىڭ سارا تۋىندى جاراتۋ، ەل اراسىندا كومۋلى جاتقان اقىندار ايتىسى، اڭىز اڭگىمەلەر، شەشەندىك سوزدەر سۇبەلى تاريح، ءازىل -قاعىتپالار، قيسا -داستاندار سياقتى جاقۇتتاردى جيۋ، رەتتەۋ، جۋرنالعا بەرۋ جاقتارىندا اۆتولار مەن وي ءبولىستى. ۇگىت تالقى جيىنىندا اۋداندىق قوعامدىق عىلىم بىرلەستىگىنىڭ باستىعى دۇڭ انچۇڭ جولداس: «شۇعىلا»، «مۇرا» جۋرنالى رەداكسياسىنىڭ ماناس اۋدانىنداعى قازاق قالامگەرلەرمەن جۇزدەسىپ ۇگىت تالقى وزدىرىپ، ءوزارا پىكىر الماستىرۋى ماناس قازاق اقىن- جازۋشىلارىنىڭ سارا تۋىندى جاراتۋىنا، ماناس قازاقتارىنىڭ مادەنيەتى مەن ادەبيەتىنىڭ دامۋىنا ۇلكەن وراي، تاماشا باستاما بولدى، - دەدى تەبىرەنگەن كوڭىل كۇيىن جاسىرالماي.

سونىمەن بىرگە جۇڭحۋا حالىق رەسپۋبىليكاسى مەملەكەتتىڭ كەڭەستىڭ اقپارات كەڭسەسى قۇراستىرعان «شيىنجياڭعا قاتىستى ءبىر قانشا تاريحي ماسەلەلەر» اتتى كىتاپتى اقىن - جازۋشىلارعا تاراتىپ بەردى.

جارىم كۇنگە جالعاسقان ۇگىت تالقى جيىن تابىسپەن اقىرلاستى.

中央广播电视总台 央广网 版权所有

«شۇعىلا»، «مۇرا» جۋرنالىنىڭ ۇگىت، تالقى قىزمەت گرۋپپاسى ماناسقا كەلدى

ەرىكتى ءتىلشى دالەلحان مۇقاتاي ۇلى حابارلايدى. 2019-جىلى 11-ايدىڭ 9-كۇنى «شۇعىلا»، «مۇرا» جۋرنالى ۇگىت، تالقى قىزمەت گرۋپپاسى ماناس اۋدانىنا كەلدى.