ينفورماتسيا اشكەرەلەۋ: mzjubao@cnr.cn

اۋىل اۋانى

فوتو سۋرەتشىلەردىڭ جيىنى اشىلدى

来源:جۇڭگو قازاق راديو تورابى     |责编:古丽美热|     发布日期: 2020-01-09 14:46

 

قۇتىبي اۋدانىنان اداق شايمۇرات ۇلى حابارلايدى. سانجى وبىلستىق فوتو سۋرەتشىلەر قوعامى تاياۋدا 2019-جىلدىڭ سوڭعى جارىم جىلدىق قىزمەتتى قورتىندىلاۋ جانە 2020-جىلعى قىزمەت جوسپارىن ورتاعا قويۋ، كەزەكتى قوعامعا كوبەيتىپ مۇشە قابىلداۋ، ۇزدىك فوتوسۋرەتشىلەر مەن وزات كولەكتيۆ ورىنداردى سيلاپ-ماداقتاپ، جينعا قاتىناسقان فوتوسۋرەتشىلەردىڭ قولداۋننا يە بولدى.


بۇل فوتوسۋرەت قوعامى قۇرىلعالى كوپ جىل بولسادا بۇرىن باسشلىق القالارى ٴالسىز بولىپ، كولەمدى دامي الماعان بولاتىن. وتكەن جىلى ماۋسىم ايىندا جوعارعى ورىنداردىڭ بەكىتۋىمەن باسشلىق القالارىن قايتا جاڭادان سايلاپ، كەمەلدى ۇيىم ەتىپ قۇرىپ شىقتى. اتالعان قيمىلعا وبىلىس كولەمىندەگى 7 اۋدان، قالادان جينى 120 استام فوتوسۋرەتشى قاتىناسىپ، فوتوسۋرەت تارتۋ تەحنيكاسى تۋرالى ءوزارا تالقى وتكىزىپ، تىڭ ۇسىنس-پكىرلەردى ورتاعا قويىپ، الدا سارا تۋندىلار جاراتۋ جونىندە بەرىك سەنمدەرىن ٴبىلدىرىسىپ جاتتى.


بەلگىلى فوتوگىراف دۇرسبەك زاكەن ۇلى: مەن بۇل قوعامعا مۇشە بولۋ تۇرعىسنان الىپ ايتقاندا بۇدان بىلاي فوتواپارات كوزىن سوتسيالستىك قوعامنىڭ ٴتۇرلى ابزالدىلقتارىن، ءار ۇلىت حالىق بۇقاراسىنىڭ بەرەكەلى شاڭىراقتاعى باياشات تۇرمىسىنا، سان-سالالى كاسپتەرىنە، تىنىش تا، بەرەكەلى قوعامنىڭ دامۋىنا قاراي بۇرىپ، سونىمەن بىرگە ۇلتىمىزدىڭ كەيبىر بەيزاتتىق مادەنيەتىن سۋرەتكە تۇسرىپ، ونى باسقا ۇلتتارعا تانىسترىپ، ورتاق دامۋعا قاراي بەت الىپ، ءوز اۋدانمىزداعى، وبىلسمىزداعى، جۇيەدەن شينجياڭداعى كوركەم كورىنستەرمەن جاڭالىقتاردى دەر كەزىندە ەلمىز ٴىشى-سىرتىنا كەڭىنەن ۇگىتتەپ، سول ارقىلى بارلىق زەيىن-زەردەمىزدى سارا تۋىندى جاراتۋعا ارنايمىز- دەدى تەبىرەنستى كوڭىل كۇيىن باسا الماي.


اۋەسقوي فوتوشى لوگان: بۇل فوتوسۋرەت قوعامنىڭ قايتادان كەمەلدى بولىپ قۇرىلۋى وتە جاقسى بولدى. مەن وسى جولى بۇل فوتو سۋرەتشىلەر قوعامىنا رەسمي مۇشە بولىپ قابىلداندىم، ءارى بۇل جيىنعا كەلىپ قاتىناسۋ مەن ءۇشىن العاندا ۇلكەن ۇيرەنۋ ورايى بولدى، ۇيتكەنى كوپتەگەن اتىن ەستىپ جۇرگەن مىقتى فوتوشىلارمەن تانىستىم، بۇدان كەيىن فوتوسۋرەت تۇسىرۋ جاعىنداعى تەحنيكامدى بارعان سايىن جوعارلاتىپ، تارتىمدى تۋىندىلار جاراتۋعا بارىنشا قۇلشىنامىن،-دەدى.

سونىمەن قيمىلدىڭ سوڭى ٴتۇرلى ويىن-ساۋىق قيمىلىنا جالعاسىپ، اسىرەسە وتكەن جىلى قىركۇيەك ايىندا مەمىلەكەت بويىنشا شانشي ولكەسىنىڭ زى جوۋ قالاسىندا وتكەن كىلاسسيىك قىزىل اندەر جارىسىندا اعا جۇلدەگەر بولعان موري اۋداندىق ويىن-ساۋىق ۇيىرمەسنىڭ انشىلەرى ەركەبەك قوشان ۇلى مەن سانيا ونەرقان قىزىن ارناۋلى ۇسىنس ەتىپ، قوس تىلدە ءان سالعىزىپ، كەشتىڭ مەرەيىن اسىردى.

ۇعىسۋعا قاراعاندا بۇل فوتوسۋرەتشىلەر قوعامىنىڭ مۇشەلەرى باستاپقى 50 نەشە ادامنان قازىر 120 ادامعا جەتىپ، ۇلتمىزدىڭ فوتوشىلارى دا ازدان كوبەيىپ، بەلگىلى ساندى يەلەپ ۇلگىرىپتى.

 

 

中央广播电视总台 央广网 版权所有

فوتو سۋرەتشىلەردىڭ جيىنى اشىلدى

ۇعىسۋعا قاراعاندا بۇل فوتوسۋرەتشىلەر قوعامىنىڭ مۇشەلەرى باستاپقى 50 نەشە ادامنان قازىر 120 ادامعا جەتىپ، ۇلتمىزدىڭ فوتوشىلارى دا ازدان كوبەيىپ، بەلگىلى ساندى يەلەپ ۇلگىرىپتى.