ينفورماتسيا اشكەرەلەۋ: mzjubao@cnr.cn

اۋىل اۋانى

ءزارۋ بولعان دەنساۋلىعىڭىزدى دارۋدەن تابىڭىز

来源:جۇڭگو قازاق راديو تورابى     |责编:阿依娜古丽|     发布日期: 2020-06-30 15:22


    بۇرلەن ماناپ قىزى


    «سەندە ءبىر كەرپىش دۇنيەگە، كەتىگىن تاپ تا بار قالان» دەمەكشى، تۇرمىس ورەمىز كۇننەن-كۇنگە جوعارىلاعان سايىن، رۋحاني دۇنيەنىڭ قاجەتىن قاناعاتتاندىرۋعا قۇلشىنىپ تا كەلەمىز. الايدا، «ءبىرىنشى بايلىق-دەنساۋلىق» ەكەنىن دە دەنساۋلىعىمىزدان اقاۋ شىققاندا بارىپ سەزىنىپ جاتامىز. وسىنداي بارشانىڭ باقىتتى تۇرمىسىنىڭ قامىن ويلاپ، جاڭا كاسىپ كوزىن اشىپ، تيجارات باستاعان ءدارۋ دەنساۋلىق كۇتىمدەۋ سالونىنىڭ قوجايىنى-ءامينا سۇلەيمەن قىزى ەدى. 


    دەنساۋلىق كۇتىمدەۋ بولسا دەنساۋلىق ساقتاۋداعى ماڭىزدى ءتۇيىن. اقاۋسىز، ۇزاق عۇمىر كەشىرەم دەيدى ەكەنسىز كۇتىمدەۋدەن ايىرىلا المايسىز. دەنساۋلىق كۇتىمدەۋ اۋرۋدان ساۋىعۋعا كومەگىن تيگىزۋدەن سىرت، دەنەنىڭ اۋرۋعا قارسىلىق قۋاتىن ارتتىرىپ، ءار ءتۇرلى اۋرۋلاردىڭ الدىن الۋعا دا پايدالى. قازىر، كۇن سايىن قاربالاس تۇرمىس ريتىمىنىڭ دەنساۋلىققا سالعان قىسىمى مەن ادامداردىڭ تۇرمىس ورەسىنىڭ بارعان سايىن جوعارىلاۋىنا بايلانىستى، كوپتەگەن ادامدار نازارىن دەنساۋلىق كۇتىمدەۋگە اۋداردى. ال، 14 جىل ءۇرىمجى مەن سانجى قالاسىنداعى جۇڭگوشا شيپاحانادا قىزمەت ىستەپ، دەنساۋلىق كۇتىمدەۋدىڭ ماڭىزىن تەرەڭىنەن تۇسىنىپ جەتكەن ءامينا قازاق حالقىنىڭ دەنساۋلىق كۇتىمدەۋ كاسىبىندەگى اقتاڭداقتىعىن تانىپ، ۇلتىمىزدىڭ دەنساۋلىق كۇتىمدەۋ تانىمىن جوعارىلاتسام، كۇتىنۋ بىلىمدەرىن جالپىلاستىرسام، حالىق دەنساۋلىق كۇتۋدىڭ يگىلىگىن كورسە دەگەن ماقساتپەن ءدارۋ دەنساۋلىق كۇتىمدەۋ سالونىن اشىپتى.


    «بارلىق ءىستىڭ باستالۋى قيىن» دەگەندەي، دۇكەن اشىپ، ساۋدا جۇرگىزىپ كورمەگەن ءاميناعا بۇل «باستاما» وڭاي بولمادى. ول دۇكەن ورنىن ىزدەۋ، دۇكەن اشەكەيلەۋ، دۇكەن اشۋ رەسميەتىن ءبىتىرۋ ت ب لاي دۇكەن اشۋدا كوپتەگەن قيىنشىلىقتارعا جولىقتى. ءبىراعىندا، «قيىن ءىس جوق جاھاندا، ىقىلاس قويعان ادامعا» دەگەندەي، وتباسىنداعى جاقىندارىنىڭ قولداپ-قۋاتتاۋىندا، باسقا دۇكەن اشقان كىسىلەردەن سۇراي ءجۇرىپ، قاتىستى ورىنداردىڭ كومەگىندە ءدارۋ دەنساۋلىق كۇتىمدەۋ سالونى ءساتتى جۇمىس باستاپ، قاريدار قابىلداي باستادى. 


    ول ءوزىنىڭ كوپ جىلدىق سەستىرالىق قىزمەت ىستەۋدەن جيناقتاعان تاجىريبەسى مەن سىرتتاي كۋرىستەرگە قاتىناسىپ ۇيرەنۋىنىڭ ناتيجەسىندە، قازىر دەنساۋلىق كۇتىمدەۋ سالونىنىڭ قىزمەت وتەۋ تۇرلەرىن ءشوپ دارىمەن بۋلاۋ، ايەلدەر بۋلاۋ، بۇكىل دەنەنىڭ نەرۆ ۇياشىقتارىن ۋقالاپ اشۋ، لوڭقا قويۋ، ارقانى تاراۋ، دەنەنىڭ ۋىتىن شىعارۋ، ءشوپ دارىمەن اياق بۋلاۋ، تۋىتتان كەيىنگى ءشوپ دارىمەن بەل تاڭۋ قاتارلى 7 تۇرگە جەتكىزدى. بۇنداعى نەرۆ ۇياشىقتارىن ۋقالاپ اشۋ، لوڭقا قويۋ، ارقانى تاراۋ، دەنەنىڭ ۋىتىن شىعارۋ ەر-ايەل، كارى-جاس دەمەي تۇگەل ۇيلەسەتىن كۇتىمدەۋ ءتۇرى بولىپ، حاريدارلاردىڭ قاجەتىنەن شىعا ءبىلدى. ال، ءشوپ دارىمەن بۋلاۋ، ءشوپ دارىمەن اياق بۋلاۋ ەمدەۋ ءتاسىلى حالقىمىزدا تۋىلۋ ىقتيمالدىعى ءبىرشاما جوعارى بولعان رەۆماتيزم، سۋىقتان بولعان بۋىن قابىنۋ، قول-اياق قاقساۋ سىندى اۋرۋلارعا وتە ءونىمدى بولىپ، الىس-جاقىننان كەلگەن حاريدارلاردىڭ القاۋىنا بولەندى. ايەلدەر بۇلاۋ، تۋىتتان كەيىنگى ءشوپ دارىمەن بەل تاڭۋ سىندى كۇتىمدەۋ تۇرلەرى ايەلدەر دەنساۋلىعىن كۇتىمدەۋگە جاقسى قىزمەت وتەۋمەن بىرگە، ايەلدەردىڭ دەنساۋلىعىنا كوڭىل ءبولۋ، دەنساۋلىعىن كۇتىمدەۋ تانىمىن جوعارىلاتۋىنا جول اشتى. بولاشاقتا كاسىپ ءتۇرىن كەڭەيتسەم، ءتىپتى دە جان-جاقتىلى قىزمەت وتەسەم دەگەن ويمەن ءامينا قۇرعاق ينە قويۋ، بەت تەرىسىن كۇتىمدەۋ قاتارلى كۇتىمدەۋ تۇرلەرىن قوسۋدى جوسپارعا ەنگىزدى.


    ءبىز ءامينانىڭ ىستەرىنە ساتتىلىك تىلەي وتىرىپ، قوعامدا ءتىپتى دە كوپتەگەن ادامدار دەنساۋلىق كۇتىمدەۋگە نازارىن اۋدارۋىن، ءوز دەنساۋلىعىنا كوڭىل ءبولىپ، دەنساۋلىعىن كۇتە ءبىلۋىن ءۇمىت ەتەمىز.

«ۇيرەنۋ جانە عىلىم» جۋرنال مەكەمەسى

中央广播电视总台 央广网 版权所有

ءزارۋ بولعان دەنساۋلىعىڭىزدى دارۋدەن تابىڭىز

دەنساۋلىق كۇتىمدەۋ بولسا دەنساۋلىق ساقتاۋداعى ماڭىزدى ءتۇيىن. اقاۋسىز، ۇزاق عۇمىر كەشىرەم دەيدى ەكەنسىز كۇتىمدەۋدەن ايىرىلا المايسىز. دەنساۋلىق كۇتىمدەۋ اۋرۋدان ساۋىعۋعا كومەگىن تيگىزۋدەن سىرت، دەنەنىڭ اۋرۋعا قارسىلىق قۋاتىن ارتتىرىپ، ءار ءتۇرلى اۋرۋلاردىڭ الدىن الۋعا دا پايدالى.