ورمان ساقشىلارى وتباسىلارىن ارالاپ ەكولوگيالىق ورتانى قورعاۋعا قاتىستى ۇگىت ماتەريالىن تۇسىندىرۋدە

وماربەك قىزىرقان ۇلى، جاڭيۇي حابارلايدى. تاياۋ كۇندەردەن بەرى ساۋان اۋداندىق قوعام حاۋىپسىزدىك مەكەمەسىنىڭ ورمان ساقشى بولىمشەسى قوعام حاۋىپسىزدىك تاراۋلارىندا كەزەكتە ورىستەتىلىپ وتىرعان «ساقشىلار بارلىق وتباسىلارىن ارالاۋ» قيمىلىمەن تىعىز ۇشتاستىرىپ، بۇقارا مەن ساقشىلاردىڭ ارا قاتناسىن ءتىپتى دە جاقىنداتىپ، سۇيىسپەنشىلىكتەرىن تەرەڭدەتە ءتۇسۋ ءۇشىن، قاراستى رايونىنداعى وتباسىلارىن ارالاپ، ولارمەن كەڭەس قۇرىپ، جولىققان قيىن ماسەلەلەرىن شەشۋلەرىنە كومەكتەسىپ، وتباسى مۇشەلەرى، كورشىلەر ارسىنداعى بەلەڭ بەرگەن قاقتىعىستاردى لايىعىندا شەشىم ەتىپ، حالىققا قولايلى شارالاردى شىن مانىندە تياناقتاندىرۋعا نەگىز قالادى. ورمان ساقشىلارى وسى رەتكى وتباسىلارىن ارالاۋ قيمىلى ارقىلى وزدەرىنىڭ قىزمەت كولەمىندەگى ورمان بايلىعىن، باعالى جابايى اڭ قۇستاردى، جابايى وسىمدىكتەردى قورعاۋ، ورمان ورتىنەن ساقتانۋ، كەزەكتەگى ىندەتتەن ساقتانۋعا قاتىستى زاڭ ساياساتتاردى بۇقارانىڭ كوكەيىنە ۇيالاتىپ، ولاردى ەكولوگيالىق ورتانى قورعاۋعا بەلسەنە اتسالىسۋعا شابىتتاندىردى.