تاياۋدا دۋتاي اۋىلى ورتا تازالىعىن جونگە سالۋ قيمىلىن ورىستەتىپ، ٴارقايسى قىستاقتاعى پارتيا مۇشەلەرى مەن بۇقارانى ۇيىمداسترىپ، جول جاعالاۋىنداعى قوقىر ـ قوقسىق، كەرەكسىز زاتتار مەن ارام شوپتەردى تازالاپ، قورشاعان ورتانى قورعاۋعا كەڭ كولەمدە ات سالىساتىن تاماشا ورتا قالىپتاستىردى.

    دۋتاي اۋىلى جايلاۋ جيدە قىستاعىنىڭ تۇرعىنى جوۋ رۇي بىلاي دەدى: پارتيا مۇشەسى بولعان ءبىز، پارتيا مۇشەلەرىنىڭ ۇزدىك ۇلگىلىك، باستاماشىلدىق رولىن ۇزدىكسىز ساۋلەلەندىرىپ، ورتا تازالىعىن جاقسى ىستەپ، تاماشا قونىستانۋ ورتاسىن جاراتىپ، جاڭاشا اۋىل ـ قىستاق ورتاسىن قۇرۋعا بارىنشا كۇش سالامىز.

    دۋتاي اۋىلى شاشي قىستاعىنىڭ تۇرعىنى شاڭ فۋ يۇ بىلاي دەدى: ءبىز ۇيىمىزدىڭ الدى ـ ارتىنداعى قوقىر-قوقسىقتاردى تازالاپ، ورتا تازالىعىن قورعاۋ قىزمەتىنە بەلسەنە ات سالىسامىز، قازىر تۇرمىسى شارت-جاعىدايىمىز جاقسى، تۇرمىس ساپامىز ٴار جاقتان جوعارىلادى.

    اۋىل ـ قىستاقتىڭ قونىستانۋ ورتاسىن رەتتەۋ ـ وڭاۋ قىزمەتىن ورىستەتۋمەن بىرگە، دۋتاي اۋىلى ٴۇنحات، راديو سياقتى ۇگىت قۇرالدارىنان پايدالانىپ، ۇگىت جۇرگىزىپ، قىستاق تۇرعىندارىن تاماشا قورشاعان ورتانى قورعاۋ تانىمىن ورناتۋعا جەتەكتەدى. سونىمەن بىرگە قىستاقتا تۇراتىن قىزمەت اترەتى بەلسەنە ات سالىسىپ، قىستاق تۇرعىندارىن قورشاعان ورتا تازالىعىن جونگە سالۋ ارەكەتى مەن باعالاۋ قيمىلىن ورىستەتۋگە مەرزىم بويىنشا ۇيىمداستىرىپ، ٴوزارا سالىستىرۋ، ٴوزارا ۇيرەنۋ بارىسىندا ولقىلىقتاردى تاۋىپ، كورىكتى مەكەندى بىرگە قۇردى.

    شيحۋ قالاسى شيڭيۋان سۋ ىستەرى شەكتى سەرىكتەستىگىنىڭ دۋتاي اۋىلى ياڭجياجۋاڭزى قىستاعىندا تۇراتىن قىزمەت اترەتىنىڭ ورىنباسار باستىعى جاڭ يانجۇن بىلاي دەدى: بۇدان كەيىن ءبىز جاۋاپكەرشىلىكتى كۇشەيتىپ، ٴاربىر وتباسىنىڭ تازالىق جاعىدايىنا قاراتا تەكسەرۋ جۇرگىزىپ، قورشاعان ورتا تازالىعىن جونگە سالۋ قىزمەتىن كۇش سالا ىلگەرلەتەمىز.

    بيىل جىل باسىنان بەرى، اۋىل ـ قالاشىق پارتكومدارى اۋىل ـ قىستاقتى گۇلدەندىرۋ ستراتەگياسى مەن پارتيا تاريحىن ۇيرەنۋ تاربيەسىن اتقارۋدى كەزەكتەگى ٴتۇيىندى قىزمەت رەتىندە مىقتى ۇستاپ، قونىستانۋعا قولايلى قىستاق قۇرۋدى جەتەكشى ەتىپ، قىستاق جاعىدايى مەن قىستاقتىڭ فۋنكتسيالىق ورنى جانە دامۋ بەتالىسىنا ساي، ٴتۇيىندى يگەرۋ، تۇتاستىرۋ، بولەكتەرگە اينالدىرۋ سىندى ىلگەرىلەتۋ ٴتاسىلىن قولدانىپ، اۋىل-قىستاقتىڭ قونىستانۋ ورتاسىن جونگە سالۋ قىزمەتىن جاپپاي ورىستەتتى.

    دۋتاي اۋىلدىق پارتكومنىڭ شۋجيى ساي جۇڭگاڭ بىلاي دەدى: بۇدان بىلايعى ٴبىز قونىستانۋ ورتاسىن رەتتەۋ ـ جونگە سالۋ قىزمەتىنە ۇزدىكسىز كۇش سالىپ، ٴار ايدا ۇش ارتىق قونىستانۋ ورتاسىن رەتتەۋ ـ جونگە سالۋ ارەكەتىن ورىستەتىپ، ٴار ۇلت بۇقاراسىن اۋلانىڭ ٴىشى ـ سىرتىنداعى التى ٴىستى ويداعىداي ىستەۋگە جۇمىلدىرىپ، جاراسىمدى، كورىكتى، باقىتتى شيحۋ قۇرۋعا ۇلەس قوسامىز.

شيحۋ قالالىق توعىسپالى اقپارات ورتالىعى