ەگىنشىلىك مادەنيەتىن سەزىنىپ، قىزىل گەندى جالعاستىردى
حاليدا دالەلحان قىزى حابارلايدى. باس شۋجي شي جينپيڭنىڭ جاستارمەن جاس وسپىرىمدەر قىزمەتى جانە پيونەرلەر وتريادى قىزمەتى جونىندەگى ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتى تياناقتاندىرۋ جانە ەمدەۋ قىزمەتكەرلەرىنە قۇرمەت ٴبىلدىرۋ ٴۇشىن، 4 -ايدىڭ 10-،11-كۇندەرى، شيحۋ قالالىق وداق كوميتەتى «پارتيا تاريحىن ۇيرەنىپ، يدەيانى ٴتۇسىنىپ، قىزىل گەندى جالعاستىراتىن جاڭا داۋىردەگى جاقسى مۇشە بولۋعا قۇلشىنۋ»، «الاۋدى جالعاستىرىپ، قاھارماندارعا قۇرمەت ٴبىلدىرۋ» اتىنداعى جەلىلەس تاقىرىپتىق قيمىلى مەن ەمدەۋ قىزمەتكەرلەرىنىڭ پەرزەنتتەرىنە كوڭىل ءبولۋ قيمىلىن ورىستەتىپ، ٴار ۇلت جاستارى مەن ورەندەرىن اۋەلگى ماقساتتى ەستە بەرىك ساقتاپ، قىزىل گەندى جالعاستىراتىن جاڭا داۋىردەگى جاقسى ۇرپاقتاردان بولۋعا تاربيەلەدى.
قيمىلدا، ىندەتكە قارسى تۇرۋ ورىندارىنان كەلگەن 36 ەمدەۋ قىزمەتكەرى، شەكارا قورعانىس كوماندير-جاۋىنگەرلەرى، الەۋمەتتىك اۋماق جۇقپالى ىندەتتەن ساقتانۋ قىزمەتكەرلەرىنىڭ پەرزەنتتەرى بىرلىكتە، شيحۋ قالاسى جيۋجياندىر اۋىلى ەگىنشىلىك مادەنيەت باقشاسىنا كەلىپ، تۇسىندىرۋ ارقىلى، پيونەرلەر ەگىنشىلىك مادەنيەت باقشاسىن ەكسكۋرسيالاپ، ٴداۋىر وزگەرىسىن سەزىنىپ، ەگىنشىلىك مادەنيەتىنەن قىزىل گەندى قاراستىرىپ، اعا بۋىنداردىڭ قاجىرلىلىقپەن شارۋاشىلىق قۇرۋ جانە ٴورىس اشا العا ىلگەرىلەۋ تاريحىنان العا باسۋ كۇشىن قابىلدادى.
وقۋشى اينا ەرلان قىزى بىلاي دەدى: شيحۋ ەگىنشىلىك باقشاسىنا كەلىپ، جالعىز دوڭگەلەكتى اۆتوكولىكتى، قول شىراقتاردى كوردىم، اعا بۋىندار جاپالى ەڭبەك ارقىلى بىزگە تاماشا تۇرمىس جاراتىپ بەردى، سوندىقتان ٴبىز جاقسى ۇيرەنىپ، كۇن سايىن العا باسۋىمىز كەرەك.
ۇعىسۋعا قاراعاندا، جيۋجياندىر اۋىلى ەگىنشىلىك مادەنيەت باقشاسى ەگىس سايماندارى سارايى، ۇلتتىق سالت-سانا سارايى، بۇقارالىق اقىل-پاراسات سارايى جانە تاجىريبە سارايى بولىپ بولىنەدى، قول تراكتور، شىراق، تەسە، كونە تيىرمەن سياقتى «كونە بۇيىمدار» كوپتەگەن باعالى تاريحي ەستەمەلەردىڭ كۋاسى بولىپ، جاڭا جۇڭگو قۇرىلعاننان بەرگى شيحۋداعى ٴار ۇلت ديقاندارىنىڭ تۇرمىسىنداعى وراسان زور وزگەرىستەردى ايگىلەدى. پيونەرلەر ەكسكۋرسيالاپ، ۇيرەنىپ، امالياتتان وتكىزىپ، پيونەرلەردىڭ قوسىنعا كىرۋ سەرتىن قايتا ەسكە ٴتۇسىرىپ، سونداي اق ساقا اسكەرلەردىڭ توڭكەرستىك اڭگىمەلەرىن جانە ىندەتكە قارسى ءىزگى اڭگىمەلەردى تىڭداعاننان كەيىن، مۇرات-سەنىمىدەرى اناعۇرلىم بەكەمدەلە تۇستى.
وقۋشى تيان شى حان بىلاي دەدى: مەن بۇگىن جيۋجياندىر اۋىلى مادەنيەت باقشاسىنا كەلىپ، اعا-بۋىنداردىڭ جاپا-ماشاقاتتى ەڭبەكتەرىن سەزىندىم، ءارى كوپتەگەن جاڭا بىلىمدەردى دە ۇيرەندىم، ٴبىزدىڭ قازىرگى تۇرمىسىمىزدى بۇرىنعىلاردىڭ تۇرمىسىمەن سالىستىرۋعا بولمايدى، ولار كوپ جاپا ماشاقاتتى باستان وتكىزگەن، ٴبىز تاريحتى ۇمىتپاۋىمىز، قازىرگى تۇرمىسىمىزدى قاستەرلەۋىمىز، استىقتى قاستەرلەۋىمىز كەرەك.
وقۋشى جۋ شۇيياۋ بىلاي دەدى: اكەم شيپاگەر، شەشەم سەسترا، ولار وتە قاربالاس، مەن ادەتتە سىرتقا وتە از شىعامىن، وسى قيمىلعا قاتىناسقانىما قاتتى قۋانىشتامىن، قازىرگى تاماشا تۇرمىسىمىز وڭاي ـ وسپاق قولعا كەلمەگەن، ٴبىز ٴتىپتى دە جاقسى ۇيرەنىپ، كۇن سايىن العا باسۋىمىز كەرەك.
كوممۋنيستىك جاستار وداعى شيحۋ قالالىق كوميتەتى پارتيا باسشىلىق گرۋپپاسىنىڭ شۋجيى، كوممۋنيستىك جاستار وداعى كوميتەتىنىڭ شۋجيى جۋ شياۋۋىن بىلاي دەدى: پارتيا قۇرىلعاندىعىنىڭ 100 جىلدىق پارتيا تاريحىن ۇيرەنۋ تاربيەسىن وراي ەتىپ، پيونەرلەردىڭ اماليات بارىسىندا قىزىل گەندى تانۋىنا، قىزىل گەندى سانالى تۇردە جالعاستىرۋىنا، قىزىل گەننىڭ ىقپالىندا، العا باسىپ، جاقسى ۇرپاقتاردان بولىپ ەسەيىپ -ەرجەتۋىنە مۇمكىندىك جاسادىق.
شيحۋ قالالىق توعىسپالى اقپارات ورتالىعى
