بۇلبۇل احىمەت قىزى حابارلايدى. قاتىناس شىرعالاڭىنان ساقتانۋ قىزمەت تالابىن شىنايى تياناقتاندىرىپ، ءار ۇلت بۇقاراسىنىڭ حاۋىپسىزدىك تانىمى، زاڭعا بويسۇنۋ تانىمى مەن مادەنيەتتى بولۋ تانىمىن ۇزدىكسىز جوعارىلاتۋ ءۇشىن، جۋىقتا قابا اۋداندىق قوعام حاۋىپسىزدىگى مەكەمەسىنىڭ قاتىناس ساقشى ۇلكەن اترەتى قاراستى اۋماقتاعى كاسىپورىنداردا جول قاتىناس حاۋىپسىزدىگىن قورعاۋ جونىندە ۇگىت قيمىلىن ورىستەتتى.

قيمىلدا، حالىق ساقشىلارى ناقتىلى مىسال كەلتىرىپ ءتۇسىندىرۋ ارقىلى، قاتىناس شىرعالاڭى تۋىلۋىنىڭ سەبەبى جانە زاردابىن ءتۇسىندىرىپ، قاراپايىم دا ۇعىنقتى تىلمەن كۋالىكسىز كولىك جۇرگىزۋ، اراق ءىشىپ كولىك جۇرگىزۋ، بەلگىلەنگەن قارقىننان اسىرا كولىك جۇرگىزۋ، ارتىق ادام الىپ ءجۇرۋ، ارتىق جۇك باسۋ، حاۋىپسىزدىك بەلبەۋىن تاقپاۋ، ءجاياۋلار جولىمەن جۇرمەۋ قاتارلى زاڭعا قايشى ارەكەتتىڭ زالالىن ءتۇسىندىرىپ، قاتىناس قاعيداسىنا سانالىلىقپەن بويسۇنۋعا باستادى. سونىمەن بىرگە كاسىپورننان حاۋىپسىزدىك باسقارۋ جاۋاپكەرلىگىن قاتاڭ تياناقتاندىرىپ، قاتىناس حاۋىپسىزدىگى تاربيە كۋرسىن اشىپ، شوفەرلاردىڭ حاۋىپسىزدىك تانىمىن جوعارىلاتۋدى تالاپ ەتتى.

    كوپشىلىك ءبىر اۋىزدان بۇدان كەيىن دە قاتىناس قاعيداسىنا سانالىلىقپەن بويسۇنىپ، قاتىناس قاعيداسىنا قايشى ارەكەتتەردەن اۋلاق بولىپ، مادەنيەتتى قاتىناس ورتاسىن جاراتۋعا ۇلەس قوسامىز دەستى.