تەكسەرۋ گرۋپپاسىنداعىلار قالالىق ساياسي كەڭەس پارتيا باسشىلىق گرۋپپاسىنىڭ شۋجيى، ورىنباسار ٴتوراعاسى ۋاڭ يۇڭ ـ اننىڭ سەرىك بولۋىندا، ىلگەرىندى ـ كەيىندى شيحۋ قالالىق مۇراجاي، شيحۋ قالالىق شينرۇنحى توقىماشىلىق شەكتى سەرىكتەستىگى، باسحۋ اۋىلى، شيداگۋ قالاشىعى سياقتى جەرلەرگە بارىپ، ناق مايداندا تەكسەرۋ ـ زەرتتەۋ جۇرگىزۋ، پىكىر الماستىرۋ، اڭگىمە ٴماجىلىس وتكىزۋ سياقتى فورمالار ارقىلى قالامىزدىڭ زەردەلى اۋىل شارۋاشىلىعىن ىلگەرىلەتۋ، تيجارات ـ ساۋدا ورتاسىن ساپالىلاندىرۋ، اۋىل ـ قىستاقتى گۇلدەندىرۋ سياقتى جاعدايلارىن ەگجەي ـ تەگجەيلى ۇعىستى.

ۇعىسۋعا قاراعاندا، 2016 ـ جىلدان بەرى، مارالباسى اۋدانى مەن شيحۋ قالاسى «شيحۋ قالاسى مەن مارالباسى اۋدانىنىڭ رايون ىشىندەگى سەلبەسىپ كەدەيلەردى سۇيەمەلدەۋ جۇلگەلىك كەلىسىمىنە» قول قويعاننان كەيىن، ەكى ورىن ءوز ارا ارتىقشىلىقتاردى ءبولىسۋ، ٴبىرىن ـ ٴبىرى تولىقتاۋ، ٴوزارا تيىمدىلىك جاساۋ، ۇزاق ۋاقىت سەلبەسۋ، بىرگە دامۋدى“ جەتەكشى پرينسيپ ەتىپ، «مارالباسى اۋدانىنىڭ قاجەتىن، شيحۋ قالاسىنىڭ دەمەۋىن» ناقتىلى بەتالىس ەتىپ، 5 جىلدان بەرى، ۇكىمەتتىڭ كومەگىن، كاسىپورىنداردىڭ سەلبەستىگىن، قوعامنىڭ كومەگىن، دارىندىلاردىڭ اۋىس-كۇيىسىن باستى مازمۇن ەتكەن سەلبەستىك ۇلگىسىن قالىپتاستىرعان.

 
    ەكسكۋرسيالاۋ، تەكسەرۋ ارقىلى ەكى جاق بۇدان بىلاي كەلىسىم بويىنشا قىزمەتتى بەلسەنە ورىستەتىپ، تۇرلىشە سالالارعا قاراتا ەگجەي ـ تەگجەيلى، ناقتلى جوسپار جاساپ، مارالباسى اۋدانىنىڭ ٴوندىرىس، جۇمىستانۋ، ەمدەۋ، وقۋ ـ اعارتۋ، مادەنيەت، ساياحات سياقتى 8 جاقتان رايون ىشىندە سەلبەسىپ دامۋىن سۇيەمەلدەپ، ەكى جاقتىڭ ٴوزارا كومەكتەسىپ، بىرگە دامۋىن جۇزەگە اسىراتىندىعىن ٴبىلدىردى.