ينفورماتسيا اشكەرەلەۋ: mzjubao@cnr.cn

اۋىل اۋانى

شيحۋ قالاسى قوسىننان شەگىنگەن اسكەرلەرگە قامقورلىق جاساپ تەگىن دەنساۋلعىن تەكسەردى

来源:جۇڭگو قازاق راديو تورابى     |责编:阿依娜古丽|     发布日期: 2021-10-16 22:17


قارقىنبەك ەركىن ۇلى حابارلايدى. «بۇقارا ٴۇشىن ناقتىلى ىستەر ىستەۋ» امالياتتىق قيمىلىنىڭ ىشكەرلەي ناقتىلانۋىن ىلگەرىلەتىپ، قوسىننان شەگىنگەن اسكەرلەر مەن قامقورلىق جاسالاتىن وبيەكتىلەرگە قىزمەت وتەۋ، قامتاماسىزداندىرۋ قىزمەتىن شىنايى جاقسى ىستەۋ ٴۇشىن، 10-ايدىڭ 12 ـ كۇنىنەن 14 ـ كۇنىنە دەيىن شيحۋ قالاسى اقىسىز دياگنوز قويۋ قيمىلىن ۇيىمداستىرىپ، ٴتۇيىندى قامقورلىق جاسالاتىن وبيەكتىلەر مەن قوسىننان شەگىنگەن اسكەرلەرگە ەمدەۋ جاعىنان اقىسىز قىزمەت وتەپ، ولاردىڭ تابىس سەزىمىن، باقىت سەزىمىن، داڭق سەزىمىن ۇزدىكسىز كۇشەيتتى.

10- ايدىڭ 13- كۇنى، جاڭا قالا رايونى كوشە ءىس باسقارماسى ۋىنجيڭ جولى الەۋمەتتىك اۋماعىندا، شينجياڭ رۇڭجۇن شيپاحاناسىنىڭ ەمدەۋ قىزمەتكەرلەرى جاڭا قالا رايونى كوشە ءىس باسقارماسى، نانيۋان كوشە ءىس باسقارماسى، باسحۋ اۋىلى، سونداي ـ اق كوشە ءىس باسقارماسىنداعى قوسىننان شەگىنگەن 70 نەشە اسكەرلەرمەن قامقورلىق جاسالاتىن وبيەكتىلەرگە اقىسىز دياگنوز قويىپ، ٴدارى ـ دارمەك، ىشپەك - جەمەك، جۇقپالى ىندەتتەن ساقتانۋ سومكەسى سياقتىلار بۇيىمداردى تەگىن تاراتىپ، ىقىلاستى قىزمەت كورسەتۋ ارقىلى كوپشىلىكتىڭ جاقسى باعاسىنا يە بولدى.


شيحۋ قالاسىنداعى قوسىننان شەگىنگەن اسكەر ليۋ ايجۇن بىلاي دەدى: ٴبىز ٴار دارەجەلى ۇيىمداردىڭ قوسىننان شەگىنگەن اسكەرلەرگە دەگەن قامقورلىعىن تولىق سەزىنىپ، شەكسىز قۋانىشقا بولەندىك، پارتيا مۇشەسى جانە قوسىننان شەگىنگەن اسكەر رەتىندە، قازىرگى قوعامنىڭ ٴتۇرلى تالاپتارىنا تولىق سايكەسىپ، باستاماشىلدىق رول اتقارۋىمىز كەرەك.


ۇعىسۋعا قاراعاندا، وسى رەتكى اقىسىز دياگنوز قويۋ قيمىلىن اۆتونوميالى رايوندىق قوسىننان شەگىنگەن اسكەريلەردى باسقارۋ مەڭگەرمەسى، شينجياڭ رۇڭجۇن شيپاحاناسى، شيحۋ قالالىق قوسىننان شەگىنگەن اسكەرلەردى باسقارۋ مەكەمەسى بىرلەسىپ وتكىزگەن بولىپ، گانحىزى قالاشىعى، جاڭا قالا رايونى كوشە ءىس باسقارماسى ۋىنجيڭ جولى الەۋمەتتىك اۋماعى جانە شيحۋ قالاشىعى سىندى 3 اقىسىز دياگنوز قويۋ ورنىن قۇرىپ، تەگىن ەمدەۋ، ٴدارى ـ دارمەك جەتكىزۋ قيمىلىن ورىستەتىپ، ناقتىلى ارەكەتتەرى ارقىلى قوسىننان شەگىنگەن اسكەرلەر ءۇشىن ساپالى قىزمەت كورسەتكەن.


شينجياڭ رۇڭجۇن شيپاحاناسى پارتكومىنىڭ ورىنباسار شۋجيى، ورىنباسار مەكەمە باستىعى لي جيگۋاڭ بىلاي دەدى: قامقورلىق جاساۋ ينجەنەرياسى، سالاماتتىق ارەكەتى ارقىلى ٴدارى ـ دارمەك جەتكىزۋ، اۋىل ـ قىستاق، قالاشىقتارعا بارىپ اقىسىز دياگنوز قويۋ قىزمەتى ارقىلى ٴبىز اسكەرلەردى تۇتاس قوعامداعى ەڭ ارداقتى كاسىپكە اينالدىرۋدى شىن مانىندە تياناقتاندىرىپ، پارتيا مەن ۇكىمەتتىڭ مەيىر ـ شاپاعاتىن ٴاربىر ادامنىڭ جۇرەگىنە شىنايى ۇيالاتتىق.


شيحۋ قالالىق قوسىننان شەگىنگەن اسكەرلەردى باسقارۋ مەكەمەسى پارتيا باسشىلىق گرۋپپاسىنىڭ مۇشەسى، ورىنباسار مەكەمە باستىعى سۇن زۇڭفاڭ بىلاي دەدى: بۇل ٴبىزدىڭ پارتيا تاريحىن ۇيرەنۋ تاربيەسى قيمىلىمىزدىڭ، قوسىننان شەگىنگەن اسكەرلەرگە ناقتىلى ىستەر ىستەۋىنىڭ جاندى بەينەسى، وسى رەتكى تەگىن دياگنوز قويۋ قيمىلىندا ٴتۇيىندى قامقورلىق جاسالاتىن 220 وبيەكتىگە جانە ٴبىر ٴبولىم قوسىننان شەگىنگەن اسكەرلەرگە تەگىن دياگنوز قويۋدى جوسپارلادىق، سوڭعى مەزگىلدە ءبىز وسىنداي قىيمىلدى جالعاستى ورىستەتەمىز.



شيحۋ قالالىق توعىسپالى مەديا ورتالىعى

中央广播电视总台 央广网 版权所有

شيحۋ قالاسى قوسىننان شەگىنگەن اسكەرلەرگە قامقورلىق جاساپ تەگىن دەنساۋلعىن تەكسەردى

ٴتۇيىندى قامقورلىق جاسالاتىن وبيەكتىلەر مەن قوسىننان شەگىنگەن اسكەرلەرگە ەمدەۋ جاعىنان اقىسىز قىزمەت وتەپ، ولاردىڭ تابىس سەزىمىن، باقىت سەزىمىن، داڭق سەزىمىن ۇزدىكسىز كۇشەيتتى.