شيحۋ حالىق ساقشىلارى مايتاۋ ـ كۇشار تاس جولىن شارلاۋ بارىسىندا ۇش قابىلاندى بايقادى
قالقابەك ماحسۇتحان ۇلى حابارلايدى. تاياۋدا شيحۋ قالالىق قوعام حاۋىپسىزدىگى مەكەمەسى قاتىناس ساقشى ۇلكەن اترەتى بايىنعۋ ورتا اترەتىنىڭ حالىق ساقشىلارى، مايتاۋ كۇشار تاس جولىنىڭ شيحۋ بولەگىندە شارلاۋ جۇرگىزۋ بارىسىندا، ٴۇش قابىلاننىڭ جالاما جارتاسقا ورمەلەپ شىعىپ بارا جاتقانىن كورىپ، دەرەۋ قول تەلەفون ارقىلى كەسكىنگە ٴتۇسىرىپ الادى، ۇعىسۋعا قاراعاندا، حالىق ساقشىلارى 2018 ـ جىلى 10 ـ ايدان بەرى، مايتاۋ ـ كۇشار تاس جولىنىڭ شيحۋ بولەگىنە شارلاۋ جۇرگىزۋ بارىسىندا، تۇڭعىش رەت 3 بىردەي قابىلاندى ٴبىر ۋاقىتتا بايقاعان.
سوڭعى جىلداردان بەرى، شيحۋ قالاسى «جۇڭحۋا حالىق رەسپۋبليكاسىنىڭ جابايى حايۋاناتتاردى قورعاۋ زاڭىن» جانە «جۇڭحۋا حالىق رەسپۋبليكاسىنىڭ قۇرلىقتا جاسايتىن جابايى حايۋاناتتاردى قورعاۋدى ەرەجەسىن» قاتاڭ اتقارىپ، جابايى حايۋاناتتاردى قورعاۋ تەبىنىن ارتتىرىپ، قاراستى رايونداعى جابايى حايۋاناتتاردىڭ تىرشىلىك ورتاسىن بارىنشا جاقسارتىپ، ٴتىرى ورگانيزمدەر توبىنىڭ ٴوسىپ-ٴوربۋىن، قاتارعا قوسىلۋ مولشەرىن كۇش سالا جوعارىلاتقان.
شيحۋ قالالىق توعىسپالى مەديا ورتالىعى
