10 ـ ايدىڭ 16 ـ كۇنى، ٴتىلشى شيداگۋ قالاشىعى اشۋ رايونىنداعى ەگىنشى جياڭ دىۋىننىڭ شىلان اتىزىنان قىپ-قىزىل شىلانداردىڭ تولىسا سامىسىپ، كوپتەگەن ساياحاتشىلاردى باۋراعانىن كوردى.

    ساياحاتشى فىڭ جۇڭ بىلاي دەدى: بۇل ارانىڭ ورتاسى دا جاقسى، كۇن نۇرى دا ٴبىرشاما جەتكىلىكتى، جەر ٴتۇزىلىسى كەڭ، بالالار مەن قارتتار وسى ارادا شىلان تەرىپ، كوپشىلىك بىرگە شاتتىققا شومدى. 

    كۇيتۇننەن كەلگەن ساياحاتشى ۋاڭ شۇنليان بىلاي دەدى: مىنا شىلاننىڭ ٴدامى ٴتىل ۇيىرەدى، كوپشىلىك وزدەرى ۇزۋ بارىسىندا شارۋالاردىڭ جاپا – ماشاقاتىن دا سەزىندى، مەن قازىر تاتىپ كورەيىن، بۇل شىلان ٴارى ٴتاتتى، ءارى سۋ قۇرامى ەرەكشە جەتكىلىكتى بولىپ وتە رازى بولدىم. 

    شيحۋ قالاسى شيداگۋ قالاشىعى اشۋ رايونى ادىرلى وڭىرگە ورنالاسقان، جاراتىلىستىق شارت جاعدايى جاقسى، توپىراق قۇرامىنىڭ سىلتىلىك دارەجەسى، لاستانباعان، ءبىر شاما قۇمايتتى جەر بولىپ، توپىراق قۇرامىندا مينەرال زاتتار مول بولعاندىقتان، شىلان ەگۋگە ۇيلەسەدى. 2013 ـ جىلى جياڭ دىۋىن شىعىس سولتۇستىكتەن شىلان ەنگىزىپ، ەگىمشىلىكتى دامىتا باستادى. قالاشىق پارتكومى مەن قاتىستى تاراۋلاردىڭ قولداۋىندا، جياڭ دىۋىن شيحۋ قالاسى كىلين ەرەكشە جەمىس ورمانى شەكتى جاۋاپكەرشىلىك سەرىكتىگىن قۇرىپ، ٴبىر تۇتاس باسقارىپ، ٴبىر تۇتاس ساتىپ جانە ٴبىر تۇتاس تەحنيكالىق قىزمەت وتەپ، شىلان ساپاسىنا كەپىلدىك ەتتى.

    شيحۋ قالاسى كىلين ەرەكشە جەمىس ورمانى شەكتى جاۋاپكەرشىلىك سەرىكتەستىگىنىڭ باس مەڭگەرۋشىسى جياڭ دىۋىن بىلاي دەدى: 8 جىل قۇلشىنۋ ارقىلى قازىر نەگىزىنەن تاجىريبە ٴساتتى بولدى. جيىنى 100 مۋدان استام جەرگە سىناق رەتىندە شىلان ەككەم، ٴار مۋ جەردىڭ ءونىمى 500 كيلوگرامعا جەتتى، شىلاننىڭ ٴدامى وتە جاقسى، ٴبىز كەپتىرىلگەن شىلاندى زەرتتەپ جاسادىق، ەڭ سوڭىندا ٴبىر ٴبولىم شىلاندى اشىتىپ، شىلان اراعىن جاساۋعا بولادى. بۇدان بىلاي، ٴبىز وسى سورت كولەمىن كەڭەيتىپ، شيحۋ تۇرعىندارىنىڭ ءوز اۋىلىندا وسىنداي جاقسى شىلان جەۋىنە مۇمكىندىك جاساماقشىمىز.

    ۇعىسۋعا قاراعاندا، شىلان قابىعىنىڭ رەڭى قىزىل نەمەسە قانىق قىزىل، جەمىس شىرىنى مول، ەتى جىڭىشكە، جەمىسى تازا بولعاندىقتان، مۇز شىلان دەپ اتالعان. توتە تۇتىنۋدان سىرت، مۇز شىلاننان تاعى دا كوپ ٴتۇرلى ازىق - تۇلىك جاساۋعا بولادى. قازىرگە دەيىن، جياڭ دىۋىن ەككەن 100 مۋدان استام شىلان اعاشىنىڭ جىلدىق ٴونىم مولشەرى 40 توننادان اسىپ، جالپى ٴونىم قۇنى ٴبىر ميلليون يۋاننان استى. كەلەسى قادامدا ول ەكولوگيالىق ەگىنشىلىككە سۇيەنىپ، تەرۋ ساياحاتىن جانە شارۋالار شاتتىعى ساياجايىن دامىتىپ، ٴتىپتى دە كوپ بۇقارانى بىرگە اۋقاتتانۋعا باستاۋدى جوسپارلاعان.

شيحۋ قالالىق توعىسپالى مەديا ورتالىعى