شيحۋ قالالىق باجى مەكەمەسى كاسىپورىندارعا بارىپ، ” جالپى ٴماجىلىس رۋحىن بىرلەسىپ ۇيرەنۋ، تيىمدىلىك ساياساتى جوننىدە جەتەكشىلىك ەتۋ“ قيمىلىن ورىستەتتى
حاليدا دالەلحان قىزى حابارلايدى. 12-ايدىڭ 5-كۇنى، شيحۋ قالالىق باجى مەكەمەسى مەن جۇڭلياڭ تۇنحى شيحۋ پاميدور ونىمدەرى شەكتى سەرىكتەستىگى پارتيا 19 ـ كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن بىرلەسىپ ۇيرەنۋ قيمىلىن ورىستەتتى. ەكى جاق ٴوز كاسىپ سالاسىنىڭ ەرەكشەلىگىنە ۇشتاستىرىپ، جالپى ٴماجىلىس رۋحىن ۇيرەنۋ، سەزىنۋ جانە ۇيرەنۋ جەتىستىكتەرىن وندىرگىش كۇشكە اينالدىرۋ جاعدايىنان ورتاق يگىلىكتەندى. باجى مەكەمەسىنىڭ كاسىپتىك تايانىشتارى كاسىپورىن جۇمىسشى - قىزمەتكەرلەرىنە باجى ساياساتىن ٴتۇسىندىرىپ، باجى كاسىبىنە جەتەكشىلىك ەتتى ٴارى كاسىپورىندارعا باجى كاسىپورىندارىنىڭ حالىققا قولايلى بايلانىس كارتوچكاسىن جەتكىزىپ، كاسىپورىنداردىڭ باجى الۋعا قاتىستى ماسەلەلەردى دەر كەزىندە اۋىس - كۇيىس جاساپ شەشۋىنە قولايلىلىق جاراتتى.
شيحۋ قالالىق باجى مەكەمەسى پارتكومىنىڭ شۋجيى، مەكەمە باستىعى ۋاڭ شينچياڭ بىلاي دەدى: پارتيا 19 ـ كەزەكتى ورتالىق كوميتەتىنىڭ التىنشى جالپى ٴماجىلىسى باجى قىزمەتى جونىندە تىڭ دا اناعۇرلىم جوعارى تالاپتار قويىپ، باجى تاراۋلارىنىڭ وزەكتى ارقاۋ ەتىپ، جالپى جاعدايعا قىزمەت ەتۋىنە باعىت ـ باعدار كورسەتتى جانە ماڭىزدى ٴتۇيىن كورسەتتى، كەلەسى قادامدا شيحۋ قالالىق باجى مەكەمەسى جالپى ٴماجىلىس رۋحىن جەتەكشى ەتىپ، جالپى ٴماجىلىس رۋحىن بيىلعى ٴتۇيىندى قىزمەت مىندەتتەرىن تابىسپەن ورىنداۋمەن، كەلەر جىلعى قىزمەتتەردى ٴبىر تۇتاس جوسپارلاۋ وي جەلىسىمەن تىعىز ۇشتاستىرىپ، نازاردى بۇقارانىڭ كوكەي تەستى، قيىن ماسەلەلەرىن شەشۋگە شوعىرلاندىرىپ، باجى تاپسىرۋشىلاردىڭ ”ماسەلە ٴتىزىمىن“ باجى كادرلارىنىڭ ”مىندەت اتقارۋ تىزىمدىگىنە“ اينالدىرىپ، دالمە ـ ٴدال زاڭ اتقارۋ، ەگجەي ـ تەگجەيلى قىزمەت كورسەتۋ، دالمە ـ ٴدال باقىلاۋ ـ باسقارۋ، ادالدىقپەن بىرگە جونگە سالۋ شارالارىن تياناقتاندىرىپ، شيحۋ قالاسىنىڭ جەرگىلىكتى ەكونوميكالىق، قوعامدىق دامۋىنا باجى ىستەرى كۇش ـ قۋاتىن ارنايمىز.
شيحۋ قالالىق توعىسپالى مەديا ورتالىعى
