شيحۋ قالاسى «5-ايدىڭ 12-كۇنى حالىقارالىق سەستىرالار مەرەكەسىن» قۇتتىقتاۋ قيمىلىن ورىستەتتى
قالقابەك ماحسۇتحان ۇلى حابارلايدى. 111 ـ رەتكى « 5.12 حالىقارالىق سەسترالار مەرەكەسىن» قۇتتىقتاۋ، ناندينگەر رۋحىن ساۋلەلەندىرۋ ٴۇشىن، شيحۋ قالاسى الۋان ٴتۇرلى قيمىلدار ورىستەتىپ، قالىڭ كۇتىمدەۋ قىزمەتكەرلەرىنىڭ بۇكىل ىنتا ـ پەيىلىمەن حالىق ٴۇشىن قىزمەت ىستەۋ ىنتاسىن تاسقىنداتىپ، جاڭا داۋىردەگى كۇتىمدەۋ قىزمەتكەرلەرىنىڭ كەلبەتىن ايگىلەدى.
شيحۋ قالالىق حالىق شيپاحاناسى 2021 ـ جىلعى وزات كوللەكتيۆتەر مەن جەكەلەردى ماداقتاپ ـ سيلادى، ەمدەۋ قىزمەتكەرلەرى كۇتىمدەۋ قىزمەتىن ۇزدىكسىز ساپالىلاندىرىپ، حالىق بۇقاراسىنىڭ دەنساۋلىعى مەن باس اماندىعىن قورعايتىندىقتارىن ٴبىلدىرىستى.
ورىنباسار قالا باستىعى حۇرشيدا داۋىت ماجىلىسكە قاتىناستى ٴارى ٴسوز سويلەدى. ول بىلاي دەدى: وتكەن ٴبىر جىلدا شيحۋ قالاسىنداعى قالىڭ كۇتىمدەۋ قىزمەتكەرلەرى اۋىر مىندەتتى باتىلدىقپەن ارقالاپ، ادال قىزمەت وتەۋ ۇستانىمى، قاتاڭ قىزمەت ستيلى جانە ىسىلعان كاسىپتىك تەحنيكا ارقىلى قىزمەت ورنىنىڭ ٴبىرىنشى شەبىندە باستان ـ اياق شايقاس جاساپ، تاماشا كاسىپتىك ٴمورال مەن وسكەلەڭ يدەيالىق قاسيەتتى ايگىلەپ، قالامىزدىڭ جۇقپالى ىندەت جاعدايىنا قارسى تۇرۋ قىزمەتىنە كورنەكتى ۇلەس قوسىپ، تۇتاس قوعامنىڭ قۇرمەتىنە جانە القاۋىنا يە بولدى.
شيحۋ قالالىق حالىق شيپاحاناسىنىڭ نەرۆ اۋرۋلار ٴبولىمىنىڭ سەستراسى ۋاڭ مىڭ: ساپالى كۇتىمدەۋ، قىزمەت وتەۋدەگى وزات جەكە بولىپ باعالانعانىما وتە قۋانىشتىمىن، كۇتىمدەۋ ىستەرىنە ۇلەس قوسقانما وتە قۋانىشتامىن، بۇدان بىلايعى قىزمەت بارىسىندا، ۇيرەنگەن بىلىمدەرىممەن ۇشتاسترىپ، ناۋقاستارعا ساپالى قىزمەت ىستەپ، شيپاحانانىڭ دامۋى مەن ناۋقاستاردىڭ قارىم ـ قاتىناسىنىڭ جاراسىمدىلىعىنا ۇلەس قوسامىن، ـ دەدى.
شيحۋ قالالىق حالىق شيپاحاناسىنىڭ سالماقتى ناۋقاستاردى داۋالاۋ ٴبولىمىنىڭ باستىعى لي شۋپيڭ بىلاي دەدى: جاڭا تيپۆتى وكپە قابىنۋ ىندەتىنەن ساقتاناۋ قىزمەتىنە باستان اياق تاباندى بولىپ، ەمدەۋ دەنساۋلىق قورعاۋ ىستەرىنە بارلىق كۇش قۋاتىمدى ارنايىمىن، سەسترالىق كاسىپ داڭقتى كاسىپ، الداعى ۋاقىتتا ٴوز قىزمەتىمدى كۇش سالا اتقارىپ، شيحۋ حالقىنا ٴتىپتى دە ساپالى كۇتىمدەۋ جاعىنان قىزمەت وتەيمىن. ـ دەدى.
شيحۋ قالالىق توعىسپالى مەديا ورتالىعى
