سايبولات ساقابا ۇلى حابارلايدى. حالىق بۇقاراسىنىڭ زاڭدىق تانىمىن ءبىر ادىم ىلگەرىلەگەن تۇردە كۇشەيتىپ، ساياسي قىراعىلىقتى ارتتىرىپ، تۇرعىنداردىڭ ءوز ۇقىعىن زاڭ بويىنشا قورعاۋ قابىلەتى مەن زاڭدىق ساۋياسىن جوعارىلاتۋ ءۇشىن، 2022-جىلى 3-ايدىڭ 23-كۇنى، جەمەنەي اۋداندىق ۋنيۆەرسال وڭاۋ ورتالىعى شينجياڭ مۋشان ادۆوكادتىق ءىس باسقارۋ ورنىنىڭ كاسىپتىك ادۆوكادتارىن ارناۋلى ۇسىنىس ەتىپ، شارىقتى قىستاعىنىڭ تۇرعىندارىنا قاراتا زاڭ-ءتۇزىم بىلىمدەرىنەن لەكسيا سويلەۋ قيمىلىن ورىستەتتى.

بۇل رەتكى قيمىل ورنىقتىلىقتى قورعاۋ قىزمەتىن وزەك ەتە ورىستەتىلىپ، باستىسى كاسىپتىك ادۆوكادتار قاراستى رايونداعى تۇرعىندارعا وتباسى داۋ-شارى، جادىگويلىك دىنگە قارسى تۇرۋ، تەلەگراف توراپ الدامشىلىعى، ەسىرتكىگە تيىم سالۋ سياقتىلارعا قاتىستى زاڭ-ءتۇزىم نەگىزدىك بىلىمدەرىن ۇگىتتەدى ءارى قاتىستى ءبىلىم قولدانباسىن تاراتتى. مۇنداعى ماقسات، زاڭ-ءتۇزىم ۇگىت تاربيەسى ارقىلى قاراستى رايوندا زاڭ-تۇزىمگە سانالى تۇردە بويسىناتىن اۋان قالىپتاستىرىپ، تۇرعىنداردىڭ ءارقانداي ۋاقىتتا زاڭ بويىنشا جۇمىس ءبىتىرىپ، سانالى، زاڭدى فورمادا مۇددەسى مەن ارمان-تىلەگىن ءبىلدىرىپ، جاراسىمدى دا مادەنيەتتى قىستاق قۇرىپ، دەموكراتيالى زاڭمەن باسقارىلاتىن الەۋمەتتىك اۋماق قۇرۋدى ىلگەرىلەتۋ. بۇكىل قوعامدا سانالى تۇردە زاڭ ۇيرەنەتىن، زاڭدى بىلەتىن، زاڭدى تۇسىنەتىن، زاڭعا بويسىناتىن، زاڭدى ورىندى قولدانا الاتىن تاماشا ورتا قالىپتاستىرۋ.

بۇل رەتكى لەكسيا سويلەۋ قيمىلى قالاشىعىمىزدىڭ جالپى حالىقتىق زاڭ ساۋياسىن جوعارىلاتۋ مەن قالاشىق-قىستاقتاردىڭ حاۋىپسىزدىك، ورنىقتىلىعىنا بەلسەندى ۇلەس قوستى، ءارى وسى رەتكى قيمىل ارقىلى ءتىپتى دە كوپ تۇرعىنداردىڭ زاڭ-ءتۇزىم بىلىمدەرىن تۇسىنۋىنە تۇرتكى بولىپ، ولارعا زاڭدىق جاقتان كومەك كورسەتىلدى. ءسويتىپ، بۇل رەتكى قيمىل ءارقايسى جاقتاردىڭ تىعىز سايكەسۋىندە ءوز مارەسىنە جەتتى.