زات باعاسى ورنىقتى بولدى
باقىتبەك شايحى ۇلى، جاينا دالاباي قىزى حابارلايدى. شاعانتوعاي اۋداندىق بازاردى باقىلاۋ - باسقارۋ مەكەمەسى ٴارقايسى ٴىرى اۋىل شارۋاشىلىق ساۋدا بازارى، ەرەن بازارلارداعى ۇن، ازىقتىق ماي، كۇرىش سياقتى زاتتاردىڭ ساتىلۋ، باعا، قامبادا ساقتالۋ جانە قامداۋ ارنالارىنىڭ جاعدايىن ۇزدىكسىز باقىلاپ، زات باعاسىن قىمباتتاتۋ، ناشارىن جاقسى ەتىپ كورسەتۋ سياقتى زاڭعا قايشى ارەكەتتەرگە قاتاڭ سوققى بەرىپ، ازىق - تۇلىكپەن جانە ٴتۇرلى تاۋارلارمەن قامداۋدىڭ جەتكىلىكتى، باعانىڭ ورنىقتى بولۋىن بار كۇشپەن قامتاماسىزداندىرىپ، جۇقپالى اۋرۋدان ساقتانۋ جانە ونى تىزگىندەۋ مەزگىلىندە بۇكىل اۋداننىڭ ٴوندىرىسى مەن تۇرمىسىنىڭ ورنىقتى بولۋىنا كەپىلدىك ەتتى.
سۋرەتتە: زاڭ اتقارۋشى قىزمەتكەرلەر زات باعاسىن تەكسەرۋدە
اۋداندىق جۇڭليان ەرەن بازارىنىڭ باس ديرەكتورى جاڭ جۇڭجۇڭ:- ”جۇڭليان ەرەن بازارى بازار باقىلاۋ-اسقارۋ مەكەمەسىنىڭ تالابىنا قاتاڭ بويسۇنىپ، ازىق-ۇلىك حاۋىپسىزدىگىن باقىلاۋدى كۇشەيتىپ، قالىڭ تۇرعىنداردىڭ ازىق-ۇلىك حاۋىپسىزدىگىنە جانە تاۋارمەن قامداۋىنا شىنايى كەپىلدىك ەتىپ، قالىپتى باعادا ساتۋعا كەپىلدىك ەتىپ، بۇكىل اۋدانداعى تۇرعىندارعا حاۋىپسىز، الاڭسىز زات ساتىپ الۋ ورتاسىن ازىرلەيمىز.
سۋرەتتە: ەرەن بازار جاۋاپتىلارىنان زات باعاسىن ۇعىسۋدا
اۋداندىق بازار باقىلاۋ-اسقارۋ مەكەمەسى قالا-الاشىق بولىمشەسىنىڭ باستىعى جان ۋىنميڭ:- «وسى رەتكى تەكسەرۋدە باستىسى باعانى اشىق جازىپ قويۋ-ويماۋعا قاراتىلعان، بۇل كوكونىستەر مەن جەمىس-يدەكتەردىڭ جاس كۇيىندە ساقتالۋ - ساقتالماۋىن، زات باعاسىن ۇيلەسىمدى دەڭگەيدە جوعارىلاتقان– جوعارلاتپاعانىنا تەكسەرۋ جۇرگىزىلەدى، ەگەر زاڭعا، بەلگىلەمەگە قايشى ارەكەتتەر بايقالسا، زاڭ بويىنشا قاتاڭ ٴبىر جاقتى ەتەمىز، بۇل ارادا ٴبىز دە قالىڭ تۇتىنۋشىلارعا ەسكەرتەرىمىز، ەگەر ٴسىزدىڭ زاڭدى ۇقىق-مۇددەڭىز زيانعا ۇشىراعان بولسا، 12315 كە تەلەفون بەرىڭىز. كەلەسى قادامدا ٴبىز باعاعا ۇزدىكسىز باقىلاۋ - باسقارۋ جۇرگىزەمىز، ونىڭ ۇستىنە تۇرلىشە فورمالاردى قولدانامىز، مىسالى، دوۋيىن، دوستار شەڭبەرى، جارناما سياقتى تاسىلدەر ارقىلى باعا ٴادىسىن ۇگىتتەيمىز، سونداي-اق ٴوزىمىزدىڭ زاڭدى ۇقىق-مۇددەمىزدى قورعاي ءبىلۋىمىز كەرەك.
شاعانتوعاي اۋداندىق توعىسپالى اقپارات ورتالىعى
