اقساي اۋداندىق توعىسپالى مەديا ورتالىعىنان گۇلدەن قابدوللا قىزى حابارلايدى . مال شارۋاشىلىق رايوندارىنداعى جاۋىن ـ شاشىن مولشەرىنىڭ ءبىرشاما از بولۋى مەن ءشوپتىڭ كوكتەۋى ناشار بولۋى مال شارۋاشىلىق رايونداردىڭ مال شارۋاشىلىق وندىرىسىنە تۇرلىشە دارەجەدە ىقپال جاسادى، وسىنداي قات-قابات قيىنشىلىقتاردى كوزدە ۇستاعان اقساي اۋدانى ” بەستى كۇشەيتۋ “ شاراسىن بەلسەنە قولدانىپ، قۋاڭشىلىققا قارسى تۇرىپ، مالدى قورعاۋ قىزمەتىن ويداعىداي ىستەپ، مال شارۋاشىلىعىنىڭ باياندى ءارى اقاۋسىز دامۋىن پارمەندى كەپىلدىكپەن قامدادى. اقساي اۋدانى جىڭعىلدى قويناۋى قالاشىعىنىڭ جار وزەن قىستاعى قۋاڭشىلىققا قارسى تۇرىپ، مالدى قورعاۋ تەبىنىن كۇشەيتىپ، قالاشىق مال شيپاگەرلىك پۋنكتىنىڭ قىزمەتكەرلەرىن، قىستاق كادرلارىن جانە قىستاقتا تۇراتىن قىزمەت اترەتتەرىن مال شارۋاشىلىق رايوندارىنىڭ ءبىرىنشى شەبىنە جىبەرىپ، ءۇي جانۋارلارىن باعۋ ،جەم ـ ءشوپ دايىنداۋ، ىندەتتىڭ الدىن الۋ سياقتى قىزمەتتەردى ورىستەتۋگە جەتەكشىلىك ەتۋ ارقىلى مالشىلاردىڭ وندىرىسپەن ءوزىن قۇتقارۋ قابىلەتىن ۇزدىكسىز جوعارىلاتىپ، تۇقىمدىق مالداردى، نەگىزدىك ەنەلىك مالداردى جانە زاپاس ەنەلىك مالداردى قورعاۋ العى شارتىندا ، ءتۇرلى ءادىس ـ امالداردى قولدانا وتىرىپ ، مالدى قورادان ەرتە شىعارىپ، ەگىنشى ـ مالشىلاردىڭ زيانىن ازايتۋعا دەم بەرىپ، 4 مىڭ 300 تۇياق مالدى ساتىپ شىعاردى، جايىلىم سيلىق قاراجاتى، اپاتقا قارسى تۇرىپ، اپات زيانىن ازايتۋ سياقتى قوسىمشا قاراجات تاراتۋدى جەدەل ىسكە اسىرىپ ، ءبىر جىلدان بەرى 1 ميلليون 350 مىڭ يۋان ءتۇرلى قوسىمشا قاراجات تاراتتى. سونىمەن بىرگە، جەم ـ ءشوپ زاپاس ساقتاۋ قىزمەتىن پارمەندى جۇرگىزىپ، جەرگىلىكتى جەم ـ ءشوپ وندىرەتىن جانە مانەرلەيتىن كاسىپورىندارمەن جانە كاسىپتىك سەلبەستىك كووپەراتيۆتەرىمەن تىعىز ۇشتاسۋ تەبىنىن ارتتىرىپ ، جەم ـ ءشوپ تاپشىلىعى ماسەلەسىن ءونىمدى تۇردە شەشىپ ، ەگىنشى ـ مالشىلاردىڭ قۋاڭشىلىققا قارسى تۇرىپ ، اپات زيانىن ازايتۋعا شۇعىل توتەپ بەرۋ قابىلەتىن جوعارىلاتىپ، 160.3 توننا ءشوپ ، 96. 6 توننا جەم دايىندادى. ءسۇيتىپ، قازىرگە دەيىن بۇكىل قىستاقتا 11 مىڭ 500 باس ( تۇياق ) مال ءوسىرىلىپ، 11 مىڭ 200 باس ( تۇياق ) مال تولدەپ، ءتولدىڭ قاتارعا قوسىلۋ مولشەرى %97.39  كە جەتتى.