2022-جىلى 9-ايدا، جەمەنەي اۋداننىڭ قارجاۋ قالاشىعىنان ساۋدا دۇكەنىن اشاتىن ە xx قارجاۋ بولىمشە سوتىنا كەلىپ، ءوزىنىڭ ن xx تەن الاشاق 2000 يۋاننىڭ ۇستىندەگى نەسيە زات سوماسى بار ەكەندىگىن ايتىپ ازاماتتىق ىستەر ارىزىن بەرەدى. ۇعىسۋ ارقىلى ن xx تىڭ سەبسكەي جايلاۋىندا مالىن باعىپ جاتقان دەرەگىن انىقتاعاننان كەيىن، دەلونى ۋاعىندا ءبىر جايلى ەتىپ داۋگەردىڭ زاڭدىق ۇقىق-مۇددەسىنە تولىعىمەن كەپىلدىك ەتۋ ءۇشىن سوتشى امينا ورلەۋ قىزى تالاپكەردى ەرتىپ جاۋاپكەردىڭ وتىرعان ورتا جايلاۋعا بارىپ سوت اشۋدى بەكىتىپ، جول بويى ەلدەن سۇراستىرا جۇرىپ ۇزاق جول باسىپ، اقىرىندا جاۋاپكەردى ىزدەپ تابادى. سوتشىنىڭ جالىقپاي جاراستىرۋ قىزمەتىن ىستەۋنىڭ ناتيجەسىندە، تالاپكەر مەن جاۋاپكەر نەسيە زات سوماسىن بەرۋ جونىندە ءوزارا كەلسىمىگە كەلىپ، جاۋاپكەر ءوزىنىڭ قارىزىن ۋاعىندا بەرمەي تالاپكەردى سارپالداڭعا سالعان اعاتتىعىنان عاپۋ ءوتىنىپ، ال تالاپكەر سوت مەكەمەسىنىڭ 2000يۋاندىق داۋ-شارعا بولا ماشينا ادام شىعارىپ، وزىنە ەشقانداي اۋىرتپالىق ارتپاي، داۋ-شاردى تەز اردا ءبىتىرىپ بەرگەنىنە قۋانا - قۋانا قايتا - قايتا العىسىن ايتىپ جاتتى.