جولىڭىز ءتۇسىپ، قابا اۋدانى شىبار قالاشىعى جيليىن جاڭا قىستاعىنا بارار بولساڭىز، «سان جۇيرىك جىلقى» فەرماسىنا ات باسىن بۇرا كەتىڭىز، زاماناۋي سالىنعان ەڭسەلى ات قوراداعى قازمويىن تۇلپارلاردى كورگەن جەردەن، بىردەن دەلەبەڭىز قوزىپ، سۇلۋ مۇسىندى جىلقىلاردىڭ كەلبەتىنە تامسانا، كەڭ دالادا باۋىرىن جازىپ، بىركوسىلتكىڭىز كەلەرى داۋسىز. بۇل وتباسىلىق جىلقى فەرماسى 2018-جىلى قۇرىلعان، كولەمى 10مۋ، جالپى جۇمسالعان قارجى 2 ميلليون يۋان، قازىرفەرمادا قىرعىزستاننان، روسسيادان كىرگەن تازا قاندى ايعىر، اعىلشىن-اراپ جىلقىسىنىڭ قوسپاقاندى بيەلەرى مەن جەرلىك جىلقىلاردان بولىپ 20شاقتى باس جىلقى بار، «سان جۇيرىك جىلقى» فەرماسىنىڭ قۇرۋشىسى ءابزالقان ءابىلقاسىم ۇلىنىڭ تانىستىرۋىنا قاراعاندا، جىل سايىن تازا اسىل تۇقىمدى قۇلىنداردى الدىن 40 مىڭ، ارتىن 15 مىڭ يۋانعا ساتاتىندىعىن، قازىرگە دەيىن ون قانشا قۇلىندى بازارعا شىعارعانىن ايتا كەلىپ، ءوز ويىن بىلاي جيناقتادى: بۇل فەرمانى قۇرۋداعى ماقساتىم، ءوزىمنىڭ اۋەستىگىمە ساي، تىڭ كاسىپپەن اينالىسىپ، كىرىس كوزىن تابۋ بولسا، ەندى ءبىر جاعىنان اۋدانىمىزدىڭ جىلقى شارۋاشىلىعىن اسىلداندىرىپ دامىتۋعا ءوز ۇلەسىمدى قوسۋ، سونداي-اق، قىستاعىمىزدىڭ ساياحات قىستاعى بولۋ ورايىنان پايدالانىپ، ات ءمىنۋدى ۇيرەتۋ جانە ات ءمىنىپ ساياحاتتاۋ سىندى كاسىپتەردى قولعا الۋ.