ازاماتتىق ىستەر ارىز - شاعىمىنداعى دالەل - سپات بولسا، ازاماتتىق ىستەر دەلوسىنىڭ ناقتى جاعدايىن دالەلدەي الاتىن وبيەكتيۆ پاكىت ماتەريالىن مەڭزەيدى. ازاماتتىق ىستەر ارىز - شاعىم زاڭىنىڭ 66- تارماعىندا بەلگىلەنگەن دالەل - سپات مىناداي بىرنەشە ءتۇرلى بولادى: 1)داۋگەردىڭ بايانداۋى؛ 2)جازبا دالەل - سپات؛ 3)زاتتىق دالەل - سپات؛ 4)كورەتىن، تىڭدايتىن ماتاريالدار؛ 5)ەلوكتروندىق دەرەك؛ 6)كۋاشىنىڭ كۋالىك ءسوزى؛ 7)ساراپتاۋ پىكىرى؛ 8)انىقتاۋ ەستەلىكتەرى. جوعارىداعى دالەل - سپاتتاردىڭ راستىعىنا تەكسەرىپ كوز جەتكىزۋ كەرەك، سوندا عانا ونى فاكتىلەردى تۇراقتاندىرۋدىڭ نەگىزى ەتۋگە بولادى.

    ازاماتتىق ىستەر ارىز - شاعىم زاڭىنىڭ 67- تارماعىندا، داۋگەر ءوز قۋاتتاماسىنا دالەل - سپات كورسەتۋگە مىندەتتى. داۋگەر جانە ولاردىڭ تابىس ەتكەن ارىز - شاعىم جوقشىلارى وبيەكتيۆتىك سەبەپتەرگە بايلانىستى ءوز الدىنا جيناۋى مۇمكىن بولماعان دالەل - سپاتتاردى نەمەسە حالىق سوتى مەكەمەسى دەلو قاراۋعا قاجەتتى دەپ قاراعان دالەل - سپاتتاردى حالىق سوتى مەكەمەسى تەكسەرىپ جيناقتايدى، حالىق سوتى مەكەمەسى زاڭدىق تارتىپتەر بويىنشا دالەل - سپاتتاردى جان - جاقتىلى، وبيەكتيۆتى تۇردە تەكسەرىپ انىقتاۋى كەرەك دەپ بەلگىلەنگەن.

ء    سوز سوڭىنداعى ايتارىمىز: مەيلى قانداي داۋ - شار قوزعاپ سوت مەكەمەسىنە ارىز كوتەرەيىك ادال، شىنشىل بولۋ پرينسيبىندە بەرىك تۇرىپ، زاڭدى ۇقىق - مۇددەمىزدى زاڭ - تارماقتارىنا ۇيلەسكەن تۇرعىدا زاڭ بويىنشا قورعاۋ الىپ بارساق، كوڭىلدەگى تۇيىنشەكتى شەشىپ، باسقالارمەن بولعان اراز - اشتىقتى جويىپ، بەرەكە - بىرلىكپەن تىرلىك قۇراتىن بولاسىز.

جالىن يماتاي ۇلى
جەمەنەي اۋداندىق حالىق سوتى مەكەمەسى