قيمىل «اۆتونوميالى رايوندىق عىلىم جالپىلاستىرۋ تاربيە بازاسى» اتاعىن العان التاي ايماقتىق مادەنيەت مۇراجايىنا، شينجياڭ كوكتوعاي زەرتتەۋ-ۇيرەنۋدى امالياتتا ايگىلەۋ بازاسى عىلىم - تەحنيكا تاربيەلەۋ شەكتى جاۋاپكەرشىلىك سەرىكتەستىگىنە، ايماقتىق عىلىم جالپىلاستىرۋ تاربيەلەۋ بازاسى ايماقتىق جۇڭگوشا ەمشىلىك شيپاحاناسى ( ايماقتىق قازاق ەمشىلىگى شيپاحاناسىنا )، شينجياڭ گەولوگيا كەن بارلاۋ مەكەمەسى 4 - گەولوگيا ۇلكەن اترەتى كورمە سارايىنا ماڭدايشالىق بەردى. سونىمەن بىرگە 37 – كەزەكتى شينجياڭ جاسوسپىرىمدەر عىلىم – تەحنيكادا جاڭالىق جاراتۋ جارىسىندا سيلىققا يە بولعان التاي قالاسى، بۋىرشىن، قابا،جەمەنەي، بۋرىلتوعاي، كوكتوعاي قاتارلى اۋداندارعا سيلىق كۋالىگىن تاراتتى.

    التاي قالالىق عىلىم - تەحنيكا قوعامىنىڭ ءتوراعاسى تاڭ بيشين بىلاي دەدى مەكەمەمىز جالپى حالىقتىق عىلىمي ساپانى جوعارلاتۋعا مۇشە ورىندارمەن بىرلەسىپ، التايدىڭ ءىس جۇزىندىك جاعدايىنا ۇشتاستىرا وتىرىپ، جاسوسپىرىمدەردىڭ عىلىم جالپىلاستىرۋ، ازىق - تۇلىك حاۋىپسىزدىگى عىلىمىن، شۇعىل جاعدايعا توتەپ بەرۋ عىلىمىن جالپىلاستىرۋ سياقتى 9 رەت ارناۋلى تاقىرىپتىق عىلىم جالپىلاستىرۋ قيمىلىن ورىستەتتى. مۇنداعى ماقسات جالپى حالىقتىڭ عىلمي ساپاسىن جوعارىلاتىپ، اۋىل - قىستاقتى كوركەيتۋگە دەم بەرۋ.

    سالت اياقتاعاننان كەيىن، جۇڭگو عارىشقا سامعاۋ ارمانى عىلىم - تەحنيكا ەرىكتىلەر ۇيىرمەسى سولتۇستىك اۆياتسيا بولىمشە اترەتىنىڭ ەرىكتىلەرى ءارقايسى مەكتەپتەگى وقىتۋشى - وقۋشىلارعا « وتان ءۇشىن بيىككە سامعايمىز» تاقىرىبىنداعى عىلىم جالپىلاستىرۋ قيمىلىن ورستەتىپ، عارىش عىلىمىن جالپىلاستىرۋ ءبىلىمىن جانە عارىش رۋحىن ءتۇسىندىرىپ، جاسوسپىرىمدەردىڭ عىلىم - تەحنيكا بىلىمى مەن عىلمي ساپاسىن ونان ارى جوعارىلاتۋعا دەم بەردى.

    التاي قالالىق 2-ورتا مەكتەپتىڭ وقۋشىسى شيە يۇي بىلاي دەدى بۇگىن استرونوميا سارايىن ەكسكۋرتسيالادىق. بۇل ارادان ساباقتان سىرت كوپتەگەن تىڭ بىلىمدەردى ۇيرەندىم، كۇن جۇيەسىنىڭ قالاي قالىپتاساتىنىن، جەر شارىنىڭ قالاي قالىپتاساتىنىن ءبىلدىم، بولاشاقتا جاقسى وقىپ ءوزىم قىزىعاتىن بىلىمدەردى ۇيرەنسەم دەيمىن.

التاي قالالىق توعىسپالى مەديا ورتالىعى