9-ايدىڭ 13-كۇنى، تاڭ سارىدە بالباعاي قىستاعىنىڭ مالشىسى جاناگۇل نۇرىق قىزى 550 تۇياقتان استام قويىن ۆاننالاۋعا اپاردى، قىزمەتكەرلەر قويدى ۆاننادان وتكىزىپ، قويدىڭ سۋعا شاشالۋىنان ساقتانۋ ءۇشىن، سۋدان وتكىزۋ قارقىنىن تەزدەتىپ، باسىنان باسقا تۇتاس دەنەسىن سۋعا مالشىندىرىپ، ۋانناعا سالۋ كولەمىن %100 كە جەتكىزدى.

    بالباعاي قىستاعىنىڭ مالشىسى جانارگۇل نۇرىق قىزى بىلاي دەدى: اۋىلدىق ۇكىمەت قىزمەتكەرلەرىنىڭ كومەگىنە العىس ايتامىز، قويىمىزدى ۆانناعا سالىپ، ىندەتتىڭ الدىن الۋ قۋاتىمىزدى جوعارىلاتتى، قويىمىز ىندەتكە از شالىنسا، كىرىسىمىز ارتا تۇسەدى. پارتيا مەن ۇكىمەتتىڭ قامقورلىعىندا تۇرمىسىمىزدىڭ بارعان سايىن جاقساراتىندىعىنا سەنەمىن.

    سونىمەن بىرگە، مال شارۋاشىلىق، مال دارىگەرلىك پۋنكتىندەگى قىزمەتكەرلەر مالشىلارعا حايۋاناتتاردا بولاتىن جۇقپالى ىندەت، عىلمي باعىمشىلىق سياقتى قاتىستى بىلىمدەردى ۇگىتتەپ جانە ءتۇسىندىرىپ، ولاردىڭ حايۋاناتتاردا بولاتىن جۇقپالى ىندەتتىڭ تارالۋ جولى مەن زيانىن ءتىپتى دە جاقسى تۇسىنۋىنە، عىلمي باعىمشىلىق پەن باسقارۋدى جۇزەگە اسىرۋىنا كومەكتەستى.

    بالباعاي اۋىلى مال شارۋاشىلىعىن دامىتۋعا قىزمەت وتەۋ ورتالىعى مال دارىگەرلىك پۋنكتىنىڭ باستىعى ەرجان توقتاعازى ۇلى بىلاي دەدى مالشىلاردىڭ نەگىزگى كىرىس قاينارى وسى مالدار، مالدى ۆاننالاۋ قىزمەتى ءبىر جاعىنان مال ىندەتىنەن ساقتاندىرسا، ەندى ءبىر جاعىنان مالشىلاردىڭ كىرىسىنە بەلگىلى دارەجەدە كەپىلدىك ەتەدى. كەلەسى قادامدا ءبىز اۋسىل ۆاكسيناسى قىزمەتىن جۇرگىزىپ، ەگىنشى - مالشىلاردىڭ كىرىسىن ارتتىرۋعا تاماشا نەگىز قالايمىز.

    ساناققا قاراعاندا، 2023 - جىلى التاي قالاسىندا جيىنى 10 ۆاننالاۋ ورنى اشىلدى، سونىمەن بىرگە جىلجىمالى ۆاننالاۋ ماشيناسى جاڭادان سايكەستىرىلىپ، مالشىلاردىڭ قوي تابىنىن ۆاننالاۋىنا قولايلىلىق جاراتتى. قازىر ءارقايسى اۋىل، قالاشىق ۆاننالاۋ قىزمەتىن تارتىپپەن جۇرگىزۋدە ءارى ءبىر اي ىشىندە ورىنداپ بولۋدى جوسپارلاۋدا.

التاي قالالىق توعىسپالى مەديا ورتالىعى