ناچار ئۇچۇرلارنى پاش قىلىش: mzjubao@cnr.cn

ءتوراعا شي جينپيڭىنىڭ حابارلارى

شي جينپيڭ مەن كوندە ءوزارا قۇتتىقتاۋ تەلەگرامماسىن جولدادى

来源:央广网     |责编:达吾力别克|     发布日期: 2019-10-06 11:00

ءوز حابارىمىز. 10-ايدىڭ 4-كۇنى، مەملەكەت ءتوراعاسى شي جينپيڭ  مەن گۆينەيانىڭ پرەزيدەنتى كوندە ءوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قاتىناس ورناتقاندىعىنىڭ 60 جىلدىعىن قۇتتىقتادى. 

 

شي جينپيڭ قۇتتىقتاۋ تەلەگرامماسىندا بىلاي دەپ اتاپ كورسەتتى: گۆينەيا جۇڭگومەن تۇڭعىش رەت ديپلوماتيالىق قاتىناس ورناتقان ساحارا شولىنىڭ وڭتۇستىگىندەگى افريكا مەملەكەتى. ديپلوماتيالىق قاتىناس ورناتقان 60 جىلدان بەرى، حالىقارالىق جاعداي قالاي قۇبىلسا دا، ەكى جاق قاشاندا شىنايى دوستىق ورناتىپ، ءبىر-ءبىرىن قولداپ، جۇڭگو مەن افريكانىڭ ىنتىماقتاستىعىنىڭ، سەلبەستىگىنىڭ ۇلگىسىنە اينالدى. مەن جۇڭگو-گۆينەيا قارىم-قاتىناسىنىڭ دامۋىنا ايرىقشا ءمان بەرەمىن، جۇڭگو مەن گۆينەيانىڭ ءداستۇرلى دوستىعىن قاستەرلەيمىن، كوندە پرەزيدەنتپەن بىرگە قۇلشىنىپ، ەكى ەلدىڭ ديپلوماتيالىق قاتىناس ورناتقاندىعىنىڭ 60 جىلدىعىن تىڭ باستاما ەتىپ، «ءبىر بەلدەۋ، ءبىر جولدى» بىرگە قۇرۋ جانە جۇڭگو-افريكا سەلبەستىگىنىڭ قارىشتاپ دامۋى سىندى تاريحي ورايدى ويداعىداي يگەرىپ، دوستىق، ءوزارا سەنىمدىلىكتى بەكەمدەپ، ناقتى سەلبەستىكتى تەرەڭدەتىپ، جۇڭگو مەن گۆينەيانىڭ جان-جاقتى ستراتەگيالىق سەلبەستىك سەرىكتەستىك قاتىناسىنىڭ دامۋىن ۇزدىكسىز ىلگەرىلەتىپ، ەكى ەل مەن ەكى ەل حالقىنا اناعۇرلىم باقىت جاراتىپ، اناعۇرلىم تىعىز جۇڭگو-افريكا تاعدىرلاس ورتاق تۇلعاسىن قۇرۋعا بەلسەندى ۇلەس قوسۋدى قالايمىن. 

 

كوندە قۇتتىقتاۋ تەلەگرامماسىندا بىلاي دەدى: گۆينەيا مەن جۇڭگونىڭ ديپلوماتيالىق قاتىناس ورناتۋى افريكا-جۇڭگو قاتىناسىنىڭ دامۋىندا ماڭىزدى مانگە يە. ۇزاق ۋاقىتتان بەرى، ەكى ەلدىڭ ەرەكشە دوستىق قاتىناستى باستان-اياق ساقتاپ كەلۋى، افريكا-جۇڭگو دوستىق سەلبەستىگىنىڭ شاعىن كارتيناسى. گۆينەيا جاق «ءبىر بەلدەۋ، ءبىر جول» دارىپتەمەسىن جوعارى باعالايدى، جۇڭگومەن بىرگە قۇلشىنىپ، ءداستۇرلى دوستىقتى بەكەمدەپ، جۇڭگو-افريكا سەلبەستىك تالقىسى بەيجيڭدەگى باسشىلار باس قوسۋىنىڭ جەتىستىكتەرىن ويداعىداي تياناقتاندىرىپ، ەكى ەلدىڭ جالپى بەتتىك ستراتەگيالىق سەلبەستىك سەرىكتەستىك قاتىناسىنىڭ ءۇرتىس، ىشكەرىلەي دامۋىن جەبەۋدى قالايدى.

 

    نۇربولات ءداۋىت اقىن ۇلىنىڭ اۋدارماسى

中央广播电视总台 央广网 版权所有