ينفورماتسيا اشكەرەلەۋ: mzjubao@cnr.cn

ءتوراعا شي جينپيڭىنىڭ حابارلارى

شي جينپيڭ فرانسيانىڭ پرەزيدەنتى ماكرونمەن تەلەفوندا سويلەستى

来源:جۇڭگو قازاق راديو تورابى     |责编:古丽美热·霍孜汗|     发布日期: 2020-03-24 15:08

 

 

ٴوز حابارىمىز. مەملەكەت ٴتوراعاسى شي جينپيڭ 3-ايدىڭ 23-كۇنى كەشتە فرانسيانىڭ پرەزيدەنتى ماكرونمەن تەلەفوندا سويلەستى.

  شي جينپيڭ بىلاي دەپ باسا دارىپتەدى: بيىل 1-ايدان بەرى، جاڭا ٴتيپتى ايدارشا ۆيرۋسپەن جۇعىمدالعان وكپە قابىنۋ اۋرۋىنا قارسى تۇرۋدىڭ شەشۋشى كەزەڭىندە، مەن پرەزيدەنت مىرزامەن 3 رەت تەلەفوندا سويلەستىم، بۇدان ارامىزداعى وسكەلەڭ سەنىمدىلىك ساقتالىپ كەلە جاتقاندىعىن جانە جۇڭگو-فرانسيا قاتىناسىنىڭ جوعارى دەڭگەيدە ەكەندىگىن تولىق كورۋگە بولادى. ەكى ەل ءبىر-بىرىنە تىلەكتەستىك ءبىلدىرۋ، قولداۋ سىندى دوستىق ءداستۇردى ساۋلەلەندىرىپ، ەمدەۋ، اۋرۋدان ساقتانۋ بۇيىمدارىن ءوزارا كومەك ەتىپ، ءار ەل حالقىنىڭ ءبىر-بىرىنە قارايلاسىپ، قيىنشىلىقتاردى بىرلىكتە جەڭۋىنە ۇلگى بولدى. مەن ەۆروپا مەن فرانسيانىڭ كەزەكتەگى جۇقپالى اۋرۋ جاعدايىنا قاداعالاي نازار اۋدارۋدامىن. فرانسياٴبىر قىدىرۋ بەلسەندى، ٴونىمدى ساقتانۋ شارالارىن قولدانۋدا، مەن فرانسيا ۇكىمەتى مەن حالقىنان شىنايى حال سۇرايمىن ٴارى باتىل قولدايتىندىعىمدى بىلدىرەمىن. جۇڭگو فرانسياعا شاماسىنىڭ كەلىسىنشە ۇزدىكسىز قولداۋ جانە كومەك كورسەتۋدى قالايدى.

 

 شي جينپيڭ جۇڭگونىڭ جۇقپالى اۋرۋدان ساقتانۋ جانە ونى تىزگىندەۋ جاعدايىن تانىستىرا كەلە بىلاي دەپ باسا دارىپتەدى: جۇڭگو مەن فرانسيا حالىقارالىق جانە وڭىرلىك الەۋمەتتىك دەنساۋلىق ساقتاۋ حاۋىپسىزدىگىن ورتاق قورعاۋدا جاپالى دا اۋىر جاۋاپكەرشىلىك ارقالاپ وتىر. ەكى جاق شىن ىقىلاسپەن سەلبەسۋ، بىرلەسىپ زەرتتەۋ نىساندارىن ىلگەرىلەتۋ، مەملەكەت تەريتورياسىنداعى دەنساۋلىق ساقتاۋ كارەنتيندەۋ سەلبەستىگىن كۇشەيتۋ، دۇنيە دەنساۋلىق ساقتاۋ ۇيىمىنىڭ قىزمەتىن قولداۋ، افريكا ەلدەرىنىڭ جۇقپالى اۋرۋدان ساقتانۋ جانە ونى تىزگىندەۋىنە بىرلىكتە كومەكتەسىپ، دەنساۋلىق ساقتاۋ، سالاماتتىق ورتاق تۇلعاسىن قۇلشىنا قالىپتاستىرۋ كەرەك. جۇڭگو فرانسيامەن بىرلىكتە، قاتىستى جاقتاردىڭ ب م ۇ، 20 ەل توبى قاتارلى جۇلگەدەگى سايكەستىكتى، سەلبەستىكتى كۇشەيتۋىن ىلگەرىلەتىپ، بىرلەسىپ ساقتانۋ، بىرلەسىپ تىزگىندەۋ قيمىلىن ورىستەتىپ، جەر شارىندىق دەنساۋلىق ساقتاۋ ىستەرىن باسقارۋدى كەمەلدەندىرىپ، دامۋ جولىنداعى ەلدەردىڭ جانە باسقا دا قاجەت ەتەتىن ەلدەردىڭ قابىلەت قۇرىلىسىن كۇشەيتۋىنە كومەكتەسىپ، جۇقپالى اۋرۋدىڭ دۇنيە ٴجۇزى ەكونوميكاسىنا اكەلەتىن سوققىسىنا قارسى تۇرىپ، سەلبەستىك ونىمدىلىگى ارقىلى جۇقپالى اۋرۋ تۇمانىن سەيىلتۋدى قالايدى. 

 

 ماكرون فرانسيانىڭ قازىرگى ەل ىشىندەگى جۇقپالى اۋرۋ جاعدايىن جانە قولدانعان قاتىستى شارالارىن تانىستىردى. ماكرون مىنالاردى ٴبىلدىردى: جۇڭگو ۇكىمەتى مەن جۇڭگو حالقى وراسان زور باتىلدىقپەن جانە كەسكىن شارالارمەن قىسقا ۋاقىت ىشىندە جۇقپالى اۋرۋدى ٴونىمدى تۇردە تىزگىندەدى، مەن مۇنى ايرىقشا القايمىن. فرانسيا جۇڭگونىڭ قىمباتتى قولداۋى مەن كومەگىنە شىن جۇرەكتەن العىس ايتادى. فرانسيا جۇڭگومەن ەكى جاقتى دەنساۋلىق ساقتاۋ سەلبەستىگىن ورىستەتۋدى ٴارى ٴار قايسى جاقتاردىڭ 20 ەل توبى، دۇنيە دەنساۋلىق ساقتاۋ ۇيىمى سياقتى كوپ جاقتى جۇلگەدە سەلبەستىكتى كۇشەيتىپ، جۇقپالى اۋرۋدى تىزە قوسا شايقاس جاساپ جەڭىپ، جۇقپالى اۋرۋدىڭ دۇنيە ٴجۇزى ەكونوميكاسىنا بەرەتىن سوققىسىنا بىرلىكتە توتەپ بەرۋدى قالايدى.

 

 ەكى ەل باسشىلارى تىعىز بايلانىستى ساقتاپ، ەكى جاقتىڭ ٴار سالاداعى بارىس-كەلىسىن، سەلبەستىگىن ىلگەرىلەتىپ، جۇڭگو-فرانسيا قاتىناسىنىڭ جوعارى دەڭگەيدە ۇزدىكسىز العا دامۋىنا كەپىلدىك ەتىپ، جۇڭگو مەن فرانسيانىڭ، جۇڭگو-ەۆروپا كاسىپ تىزبەگىنىڭ، قامداۋ تىزبەگىنىڭ ورنىقتىلىعىن قورعاۋدى قۇپتادى.

 

 

جاۋاپتى رەداكتور: گۇلميرا قوزىقان قىزى

 

 

中央广播电视总台 央广网 版权所有

شي جينپيڭ فرانسيانىڭ پرەزيدەنتى ماكرونمەن تەلەفوندا سويلەستى

جۇقپالى اۋرۋدىڭ دۇنيە ٴجۇزى ەكونوميكاسىنا بەرەتىن سوققىسىنا بىرلىكتە توتەپ بەرۋدى قالايدى