ينفورماتسيا اشكەرەلەۋ: mzjubao@cnr.cn

ءتوراعا شي جينپيڭىنىڭ حابارلارى

شي جينپيڭ فۋدان ۋنيۆەرسيتەتىندەگى جاس وقىتۋشى ـ وقۋشىلارعا جاۋاپ حات جازدى

来源:جۇڭگو قازاق راديو تورابى     |责编:阿依娜古丽|     发布日期: 2020-06-30 16:13


    ٴوز حابارىمىز. ج ك پ ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ تاياۋدا فۋدان ۋنيۆەرسيتەتىنىڭ «كوممۋنيستىك پارتيا جارناماسى» كورمە سارايىنداعى پارتيا مۇشەلەرى ەرىكتى قىزمەت وتەۋ اترەتىنىڭ بارلىق مۇشەلەرىنە جاۋاپ حات جازىپ،ولاردى مۇرات-سەنىم حيكايالارىن جالعاستى جاقسى بايانداۋعا شابىتتاندىردى، سونداي-اق بۇكىل ەلدەگى قالىڭ پارتيا مۇشەلەرىنە، اسىرەسە جاس پارتيا مۇشەلەرىنە شىن ىقىلاستى ٴۇمىت ارتتى.


    شي جينپيڭ جاۋاپ حاتىندا بىلاي دەدى: 100 جىلدىڭ الدىندا، چىن ۋاڭداۋ جولداس «كوممۋنيستىك پارتيا جارناماسىن» تۇڭعىش رەت حانزۋ تىلىنە اۋدارىپ، زور توپتاعى جىگەرلى قايراتكەرلەردى كوممۋنيزم اسقاق مۇراتىن ورناتىپ، ۇلت ازاتتىعىن گۇلدەندىرۋ ىستەرىنە ات سالىسۋعا باستاۋدا ماڭىزدى رول اتقاردى. قازىر سىزدەر قارت مەكتەپ باستىعى چىن ۋاڭداۋ جولداستىڭ اقيقاتتى ىزدەگەن اڭگىمەسىن بەلسەنە ۇگىتتەپ، ماركسيزم نازارياسىن ناسيحاتتاپ جاتىرسىزدار، بۇل وتە ماعىنالى ٴىس. سىزدەردىڭ تاباندىلىقپەن ىستەپ، ٴتىپتى دە جاقسى ناتيجە جاراتۋلارىڭىزدى ٴۇمىت ەتەمىن.


    شي جينپيڭ بىلاي دەپ باسا دارىپتەدى: سەنىم بولعاندا عانا، الىسقا جەتۋگە بولادى. بولاشاقتى بەتكە الىپ، جاڭا ٴداۋىردىڭ ۇزاق جورىعىن ويداعىداي باسۋدا، ٴبىز مۇرات ـ سەنىمدى بەكەمدەپ، ەرلىكپەن كۇرەس جۇرگىزۋدى ٴتىپتى دە قاجەت ەتەمىز. قالىڭ پارتيا مۇشەلەرىنىڭ، اسىرەسە جاس پارتيا مۇشەلەرىنىڭ ماركسيزم نازارياسىن زەيىن قويىپ ۇيرەنۋدى پارتيا تاريحىن، جاڭا جۇڭگو تاريحىن، رەفورما جاساپ، ەسىك اشۋ تاريحىن، سوتسياليزمنىڭ دامۋ تاريحىن ۇيرەنۋمەن ۇشتاستىرىپ، ۇيرەنۋ، وي جۇگىرتۋ، امالياتتا ايگىلەۋ، ٴتۇسىنۋ بارىسىندا مۇرات-سەنىمدى بەكەمدەپ، قۇلشىنا ۇمتىلىپ ناتيجە جاراتۋ بارىسىندا اۋەلگى ماقساتتى، بورىشتى امالياتتا ايگىلەپ، «قوس 100 جىلدىق» كۇرەس نىساناسىن جۇزەگە اسىرۋعا، جۇڭحۋا ۇلتىن ۇلى كوركەيتۋدەي جۇڭگو ارمانىن جۇزەگە اسىرۋعا اقىل-پاراسات جانە كۇش ـ قۋات قوسۋعا قۇلشىنۋلارىڭىزدى ۇمىت ەتەمىن.


    چىن ۋاڭداۋ «كوممۋنيستىك پارتيا جارناماسىنىڭ» تولىق نۇسقاسىن حانزۋ تىلىنە تۇڭعىش اۋدارعان اۋدارماشى ٴارى جاڭا جۇڭگو قۇرىلعاننان كەيىنگى فۋدان ۋنيۆەرسيتەتىنىڭ تۇڭعىش مەكتەپ باستىعى بولعان. 2018 ـ جىلى 5 ـ ايدا، فۋدان ۋەنيۆرسيتەتى چىن ۋاڭداۋدىڭ بايىرعى تۇراعىن «كوممۋنيستىك پارتيا جارناماسى» كورمە سارايىنا وزگەرتتى، وسى مەكتەپتەگى ٴبىر توپ جاس وقىتۋشىلار مەن وقۋشىلار پارتيا مۇشەلەرىنىڭ ەرىكتى قىزمەت وتەۋ اترەتىن قۇرىپ، قالىڭ وقىتۋشى-وقۋشىلاردى جانە قوعامداعى ٴار سالانى بەتكە الىپ ۇگىت-لەكسيا قيمىلىن ورىستەتتى .تاياۋدا ەرىكتى قىزمەت وتەۋ اترەتىنىڭ 30 مۇشەسى باس شۋجي شي جينپيڭگە حات جازىپ، ٴتۇسىندىرۋ، ۇگىتتەۋ ەرىكتى قىزمەتىنە قاتىناسۋ كەشىرمەلەرى مەن اسەرلەرىن بايانداپ، «كوممۋنيستىك پارتيانىڭ جارناماسىنىڭ» رۋحىن ادالدىقپەن جالعاستىراتىن سەنىمى مەن بەكىمىن ٴبىلدىردى.



اۋدارعان: كۇلان ىرىسباي قىزى

中央广播电视总台 央广网 版权所有

شي جينپيڭ فۋدان ۋنيۆەرسيتەتىندەگى جاس وقىتۋشى ـ وقۋشىلارعا جاۋاپ حات جازدى

شي جينپيڭ فۋدان ۋنيۆەرسيتەتىندەگى جاس وقىتۋشى ـ وقۋشىلارعا جاۋاپ حات جازىپ، قالىڭ پارتيا مۇشەلەرىن ۇيرەنۋ، وي جۇگىرتۋ، امالياتتا ايگىلەۋ، ٴتۇسىنۋ بارىسىندا مۇرات-سەنىمدى بەكەمدەپ، قۇلشىنا ۇمتىلىپ ناتيجە جاراتىپ، اۋەلگى ماقساتتى بورىشتى امالياتتا ايگىلەۋگە شابىتتاندىردى