ينفورماتسيا اشكەرەلەۋ: mzjubao@cnr.cn

ءتوراعا شي جينپيڭىنىڭ حابارلارى

شي جينپيڭ: ج ك پ ورتالىق كوميتەتى ساياسي بيۋروسىنىڭ 21-رەتكى توپتىق ماجىلىسىندە جاڭا داۋىردەگى پارتيانىڭ ۇيىمدىق لۋشيانىن ويداعىداي دايەكتى تياناقتاندىرىپ، پارتيا قۇرىلىسىن اناعۇرلىم پارمەندى قۇرۋ كەرەك،-دەپ باسا دارىپتەدى

来源:جۇڭگو قازاق راديو تورابى     |责编:阿依娜古丽|     发布日期: 2020-06-30 17:43

 

ٴوز حابارىمىز. ج ك پ ورتالىق كوميتەتىنىڭ ساياسي بيۋروسى 6-ايدىڭ 29-كۇنى تۇستەن كەيىن «جاڭا داۋىردەگى پارتيانىڭ ۇيىمدىق لۋشيانىن ىشكەرىلەي ۇيرەنۋ، ٴتۇسىنۋ جانە دايەكتىلەندىرۋ، تياناقتاندىرۋ» جونىندە 21-رەتكى توپتىق ۇيرەنۋ وتكىزدى. ج ك پ ورتالىق كوميتەتىنىڭ باس شۋجيى شي جينپيڭ ۇيرەنۋدى باسقارعاندا مىنالاردى باسا دارىپتەدى: ۇيىمدىق قۇرىلىس پارتيا قۇرىلىسىنىڭ ماڭىزدى نەگىزى. پارتيانىڭ ۇيىمدىق لۋشيانى پارتيانىڭ ساياسي لۋشيانى ٴۇشىن قىزمەت ەتەدى. پارتيامىز ۇزاق ۋاقىت بيلىك جۇرگىزىپ، ومىرشەڭدىك كۇشكە يە بولدى. بۇكىل ەلدەگى ٴار ۇلت حالقىن ىنتىماقتاستىرىپ جانە باستاپ، جۇڭگوشا سوتسياليزم جولىمەن جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدا، ەڭ ماڭىزدىسى، پارتيانى اناعۇرلىم بەرىك، پارمەندى ەتىپ قۇرىپ شىعۋ كەرەك. جاڭا داۋىردەگى پارتيانىڭ ۇيىمدىق لۋشيانى پارتيانىڭ ۇيىمدىق قۇرىلىسىن كۇشەيتۋدى عىلمي نەگىزبەن قامدادى. پارتيانىڭ جاسامپازدىق قۋاتىن، ۇيىسقىشتىعىن، جاۋىنگەرلىك قۋاتىن كۇشەيتۋدى ماڭىزدى كەپىلمەن قامدادى. ٴبىز پارتيانىڭ باسشىلىعىنا بۇلجىماي تاباندى بولىپ جانە ونى كەمەلدەندىرىپ، پارتيا قۇرىلىسىنىڭ جاڭا دا ۇلى ينجەنەرياسىن ۇزدىكسىز ىلگەرىلەتۋىمىز كەرەك. جاڭا داۋىردەگى پارتيانىڭ ۇيىمدىق لۋشيانىن ويداعىداي دايەكتىلەندىرىپ، تياناقتاندىرىپ، پارتيانى اناعۇرلىم پارمەندى ەتىپ قۇرىپ شىعۋىمىز كەرەك.


    ورتالىق ۇيىمداستىرۋ ءبولىمىنىڭ باس حاتشىسى حۋ جينچي جولداس وسى ماسەلە جونىندە تۇسىنىك جاساپ، پىكىر جانە ۇسىنىس بەردى.


    شي جينپيڭ ۇيرەنۋدى باسقارعاندا ٴسوز سويلەدى. ول بىلاي دەپ اتاپ كورسەتتى: ەندى ەكى كۇننەن كەيىن پارتيامىز قۇرىلعاندىعىنىڭ 99 جىلدىعى بولادى. ورتالىق كوميتەت ساياسي بيۋروسىنىڭ بۇل رەتكى توپتىق ۇيرەنۋىن ورنالاستىرۋى- پارتيانىڭ دۇنيەگە كەلگەن كۇنىن قۇتتىقتاۋداعى ماڭىزدى قيمىل ٴارى بۇكىل پارتيانىڭ تانىمدى تەرەڭدەتۋىن جانە جاڭا داۋىردەگى پارتيانىڭ ۇيىمدىق لۋشيانىن ويداعىداي دايەكتى تياناقتاندىرۋىن جەبەگەندىك بولىپ تابىلادى. شي جينپيڭ پارتيا ورتالىق كوميتەتى اتىنان بۇكىل ەلدەگى قالىڭ كوممۋنيستەرگە مەرەكەلىك سالەم جولدادى.


    شي جينپيڭ مىنالاردى باسا دارىپتەدى: پارتيانىڭ تاريحى دۇرىس ۇيىمدىق لۋشيانعا تاباندى بولعان كەزدە عانا پارتيا ۇيىمدارى قارىشتاپ دامىپ، پارتيا ىستەرى ٴساتتى ىلگەرىلەيتىندىگىن؛ ۇيىمدىق لۋشياندا اۋىتقۋ بولعان كەزدە، پارتيا ۇيىمى بۇلىنشىلىككە ۇشىراپ، پارتيا ىستەرىندە ساتسىزدىك تاپ بولاتىندىعىن كورسەتەدى. پارتيانىڭ 18 - قۇرىلتايىنان بەرى، پارتيا ورتالىق كوميتەتى پارتيانىڭ ۇيىمدىق قۇرىلىسىندا ورىن تەپكەن كورنەكتى ماسەلەلەرگە مەڭزەس، پارتيانى جاپپاي قاتاڭ باسقارۋدان اۋىتقىماي، پارتيانىڭ جالپى بەتتىك باسشىلىعىن كۇشەيتۋ، پارتيانىڭ ۇيىمدىق جۇيەسىن كەمەلدەندىرۋ، ادام تاڭداۋ، ادام ىستەتۋ ولشەمى مەن قىزمەت مەحانيزمىن كەمەلدەندىرۋ، پارتيا ىشىندەگى ساياسي تۇرمىس پەن ۇيىمدىق تۇرمىس ٴتۇزىمىن اقاۋسىزداندىرۋ سياقتى جاقتاردا ٴبىرسىپىرا كەلەلى شارالار قولداندى ٴارى پارتيانىڭ نازاريامەن قارۋلانۋىن كۇشەيتۋ، پارتيانىڭ ستيل قۇرىلىسىن كۇشەيتۋ، پارتيا ٴتارتىبىن قاتايتۋ، شىرىكتەسۋگە قارسى كۇرەستى ىشكەرىلەي ورىستەتۋ سياقتىلارمەن سايكەستى. پارتيانىڭ شىڭدالۋ بارىسىندا اناعۇرلىم مىعىم بولۋىن ىلگەرىلەتتى. پارتيا 19-قۇرىلتايىنان كەيىن، ٴبىز تاريحي تاجىريبەلەردى، اسىرەسە، پارتيا 18 ـ قۇرىلتايىنان بەرگى پارتيانى جاپپاي قاتاڭ باسقارۋداعى تابىستى تاجىريبەلەردى قورىتىندىلاۋ نەگىزىندە، جاڭا داۋىردەگى پارتيانىڭ ۇيىمدىق لۋشيانىن جيناقتادىق. ٴبىز جاڭا داۋىردەگى پارتيانىڭ ۇيىمدىق لۋشيانىنىڭ عىلمي مازمۇنى مەن امالياتتىق تالابىن دۇرىس ٴتۇسىنۋىمىز كەرەك. نىسانانى، ماسەلەنى، ناتيجەنى نىشان ەتۋدى ٴوزارا ۇشتاستىرۋعا تاباندى بولىپ، دايەكتى تياناقتاندىرۋدىڭ نەگىزگى تالابىن دۇرىس يگەرۋىمىز كەرەك.


    شي جينپيڭ مىنالاردى اتاپ كورسەتتى: پارتيانىڭ باسشىلىعىنا تاباندى بولۋدى جانە ونى كەمەلدەندىرۋدى، جۇڭگوشا سوتسياليزمگە تاباندى بولۋدى جانە ونى دامىتۋدى مىقتى يگەرۋ كەرەك. پارتيانىڭ ۇيىمدىق قۇرىلىسىن كۇشەيتۋدەگى ٴتۇبىرلى ماقسات پارتيانىڭ جاپپاي باسشىلىعىنا تاباندى بولىپ جانە ونى كۇشەيتىپ، جۇڭگوشا سوتسياليزم ىستەرىن ىلگەرىلەتۋگە پارمەندى كەپىلدىك ازىرلەۋ. قازىر، ٴبىرىنشى 100 جىلدىق كۇرەس نىساناسى جەڭىسپەن جۇزەگە اسۋ الدىندا، ٴبىز سوتسياليستىك وسىزاماندانعان مەملەكەتتى جاپپاي قۇرۋدىڭ، ەكىنشى 100 جىلدىق كۇرەس نىساناسىن جۇزەگە اسىرۋدىڭ جاڭا جورىعىن باستايمىز. كۇردەلى جاعداي مەن جاپالى مىندەت الدىندا، ٴبىز دۇنيە جۇزىندەگى 100 جىلدا بولماعان زور وزگەرىس پەن جۇڭحۋا ۇلتىنىڭ ۇلى گۇلدەنۋى سىندى ستراتەگيالىق جالپى جاعدايدى جاپپاي يگەرىپ، اۋىر سىن-سايىستارعا پارمەندى توتەپ بەرىپ، اۋىر حاۋىپ-قاتەرلەردى جەڭىپ، اۋىر كەدەرگىلەردى الاستاپ، اۋىر قايشىلىقتاردى شەشىپ،كوپتەگەن جاڭا تاريحي ەرەكشەلىككە يە ۇلى كۇرەستەر جۇرگىزدىك، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋداعى ەڭ ٴتۇبىرلى كەپىل تۇپتەپ كەلگەندە پارتيانىڭ باسشىلىعى. بۇكىل پارتيانى يدەيادا، ساياسيدا، ارەكەتتە پارتيا ورتالىق كوميتەتىمەن سانالى تۇردە وسكەلەڭ ٴبىر اۋىزدىلىقتى ساقتاۋعا تاربيەلەپ جانە جەتەكتەپ، بەرىك ساياسي ۇستامدىلىق پەن دۇرىس العا باسۋ بەتالىسىن ساقتاپ، ٴار دارەجەلى پارتكومداردىڭ (پارتيا باسشىلىق گرۋپپاسىنىڭ)، ٴار سالاداعى نەگىزگى ساتى پارتيا ۇيىمدارىنىڭ ساياسي فۋنكتسياسى مەن ۇيىمدىق فۋنكتسياسىن تولىق ساۋلەلەندىرىپ، قالىڭ پارتيا مۇشەلەرىن، كادرلاردى جانە ٴار جاقتاعى دارىندىلاردى ٴونىمدى تۇردە ۇيىمداستىرىپ، قالىڭ حالىق بۇقاراسىن كەڭىنەن ۇيىستىرىپ، جاڭا داۋىردەگى جۇڭگوشا سوتسياليزمنىڭ تىڭ جەڭىسىنە قول جەتكىزۋ جولىندا ىنتىماقتاسا كۇرەس جۇرگىزەتىن قۇدىرەتتى كۇش قالىپتاستىرۋ كەرەك.


    شي جينپيڭ مىنالاردى باسا دارىپتەدى: بۇكىل پارتيانى پارتيانىڭ عىلمي نازارياسىمەن قارۋلاندىرۋدى مىقتى يگەرۋ كەرەك. ماركسيزمنىڭ، اسىرەسە، جاڭا داۋىردەگى جۇڭگوشا سوتسياليزم يدەياسىنىڭ نازاريامەن قارۋلاندىرۋدى كۇشەيتىپ،ٴار دارەجەلى پارتيا ۇيىمدارى مەن قالىڭ پارتيا مۇشەلەرىنە، كادرلارعا، اسىرەسە، باسشى كادرلارعا ماركستىك نازاريالىق قارۋدى يگەرتىپ، ماركستىك نازاريالىق ورەسى مەن قولدانۋ قابىلەتىن جوعارىلاتىپ، پارتيانىڭ جاڭالىق اشۋ نازارياسىن جاڭا داۋىردەگى جۇڭگوشا سوتسياليزم ۇلى ىستەرىن ىلگەرىلەتۋدىڭ امالياتتىق كۇشىنە اينالدىرۋ ورتاق كۇش سالۋ كەرەك. ٴار دارەجەلى پارتكومدار جانە ولاردىڭ ۇيىمدارى سانالى تۇردە پارتيانىڭ عىلمي نازارياسىمەن پارتيانىڭ ۇيىمدىق قۇرىلسىىنا جەتەكشىلىك ەتىپ، جاڭا امالياتپەن بىرلەستىرىپ رەفورما جاساپ، جاڭالىق جاراتۋدى ىلگەرىلەتىپ، ٴتۇرلى قىزمەتتە داۋىرلىك سيپاتتى اناعۇرلىم ويداعىداي ايگىلەپ، زاڭدىلىقتى يگەرىپ، جاسامپاز بولىپ، جاڭا داۋىردەگى پارتيانىڭ تاريحي بورىشىن جۇزەگە اسىرۋعا پارمەندى ۇيىمدىق كەپىلدىك ازىرلەۋ كەرەك.


    شي جينپيڭ مىنالاردى اتاپ كورسەتتى: پارتيانىڭ ۇيىمدىق جۇيەسى قۇرىلىسىن ويداعىداي يگەرۋ كەرەك. قاتاڭ ۇيىمدىق جۇيە−ماركستىك ساياسي پارتيانىڭ ابزالدىلىعى ٴارى كۇش قاينارى. پارتيا 18-قۇرىلتايىنان بەرى، ٴبىز پارتيا قۇرىلىسىن مىقتى يگەردىك، الدىمەن ورتالىق كوميتەتتىڭ، ورتالىق كوميتەت ساياسي بيۋروسىنىڭ جانە ونىڭ تۇراقتى كوميتەتىنىڭ قۇرىلىسىن مىقتى يگەرۋ جونىندە جاسالعان پارتيا ىشىندەگى زاڭ- ەرەجەلەر ورتالىق كوميتەتتەگى باسشى جولداستارعا ٴتىپتى دە جوعارى ولشەم قويىپ، ورتالىقتاعى باسشى جولداستاردان تارتىپكە بويسۇنۋ، قاعيدانى دارىپتەۋ، پارتيانى باسقارۋ، پارتيانى جونگە سالۋ ساياسي جاۋاپكەرشىلىگىن اتقارۋ قاتارلى جاقتاردا بۇكىل پارتياداعى جولداستارعا ۇلگى بولۋدى تالاپ ەتتى. ورتالىق پەن مەملەكەت ورگاندارى پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋ جانە تياناقتاندىرۋداعى «العاشقى باسقىش» سانالادى، پارتيا باسشىلىق گرۋپپاسىنىڭ قىزمەت ەرەجەسى مەن پارتيانىڭ قىزمەت ورگانى ەرەجەسىن مۇقيات دايەكتى اتقارىپ، ورتالىق پەن مەملەكەت ورگاندارىن ساياسيدى دارىپتەيتىن، تارتىپكە بويسۇناتىن، جاۋاپتى بولاتىن، ٴونىمدى ۇلگىلى ورگان ەتىپ قۇرىپ شىعۋ كەرەك. جەرگىلىكتى پارتكومدار-پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋدىڭ، تياناقتاندىرۋدىڭ «ارالىق بۋىنى» سانالادى، جەرگىلىكتى پارتكومداردىڭ قىزمەت ەرەجەسىن مۇقيات دايەكتى اتقارىپ، جەرگىلىكتى پارتكومداردى پارتيا ورتالىق كوميتەتىنىڭ باسشىلىعىنا باتىل قۇلاق اساتىن، باسقارۋى قاتاڭ، باقىلاۋى پارمەندى، باسشىلىق القاسى ىنتىماقتى، ستيلى پاك بەرىك ۇيىم ەتىپ قۇرىپ شىعۋ كەرەك. نەگىزگى ساتى پارتيا ۇيىمدارى-پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋ جانە تياناقتاندىرۋداعى «ەڭ سوڭعى بۋىن» سانالادى، نەگىزگى ساتىنى مىقتاپ يگەرۋدىڭ ايقىن بەتالىسىنا تاباندى بولىپ، نەگىزگى ساتى پارتيا ۇيىمدارىنىڭ نەگىزگى ساتىنى جونگە سالۋعا باسشىلىق ەتۋدەگى ٴتۇرلى ولقىلىقتاردى جەدەل تولىقتاۋ كەرەك. ٴار سالاداعى نەگىزگى ساتى پارتيا ۇيىمدارىن پارتيانىڭ باسشىلىعىن جۇزەگە اسىرۋداعى بەرىك جاۋىنگەرلىك قامال ەتىپ قۇرىپ، قالىڭ پارتيا مۇشەلەرىنىڭ رەفورما، دامۋ، ورنىقتىلىق بارىسىنداعى اۆانگارتتىق ونەگەلىك رولىن تولىق ساۋلەلەندىرۋ كەرەك. ٴار دارەجەلى پارتيا ۇيىمدارى ساياسي باسشىلىق قابىلەتىن، يدەيالىق جەتەكشىلىك قابىلەتىن، بۇقارالىق ۇيىمداستىرۋ قابىلەتىن، قوعامدىق ۇندەۋ قابىلەتىن جوعارىلاتىپ، قالىڭ حالىق بۇقاراسىن پارتيانىڭ توڭىرەگىنە تىعىز ىنتىماقتاستىرۋ كەرەك.


    شي جينپيڭ مىنالاردى باسا دارىپتەدى: بيلىك جۇرگىزۋ تىرەكتى قوسىنى مەن دارىندىلار قوسىنى قۇرىلىسىن ويداعىداي يگەرۋ كەرەك. جاڭا داۋىردەگى پارتيانىڭ ۇيىمدىق لۋشيانىندا ٴمورالى قابليەتىنە ساي، ٴمورالدى باستى ورىنعا قويعان، جارامدىلاردى قىزمەتكە قويۋ باعىتىنا تاباندى بولۋ كورسەتىلدى. اتاپ ايتقاندا، كادرلاردى تاڭداۋدا، دارىندىلاردى قىزمەتكە قويۋدا ٴمورالعا ءمان بەرىپ قانا قالماستان قابلىەتىنە دە ٴسال قاراۋعا بولمايدى. باسقارۋ قابىلەتىن جوعارىلاتۋدى جاڭا داۋىردەگى كادرلار قوسىنى قۇرىلىسىنىڭ ماڭىزدى مىندەتى ەتىپ، يدەيالىق شىڭدالۋدى، ساياسي تاباندىلىقتى، امالياتتىق شىنىعۋدى، كاسىپتىك جاتتىعۋدى كۇشەيتۋ ارقىلى كادرلاردىڭ ٴتۇزىم بويىنشا مىندەتىن قاتاڭ اتقارۋىن، ۇقىق جۇرگىزۋىن، قىزمەت ورىستەتۋىن ىلگەرىلەتۋ كەرەك. ٴار دارەجەلى پارتيا ۇيىمدارى ساياسي قامال مەن پاكتىك قامالىن مىقتى يگەرۋى، ساپا مەن قابىلەت سىنىن قاتاڭ جۇرگىزىپ، ٴىس تىندىرۋدى قالايتىن، ىسكە ىنتا پەيىلىمەن كىرىسەتىن، ٴىس تىندىرا الاتىن كادرلاردى دەركەزىندە بايقاۋى، مىندەتكە قويۋى كەرەك. كادرلاردى تاربيەلەۋدى، باۋلۋدى كۇشەيتىپ، كادرلاردىڭ ساياسي ساپاسىن، نازاريالىق ورەسىن، كاسىپتىك قابىلەتىن، امالياتتىق ونەرىن ٴداۋىردىڭ دامۋ اياق الىسىنا سايكەستىرۋى كەرەك. كادرلار ٴتۇزىمى رەفورماسىن تەرەڭدەتىپ، يدەيانى، قىزمەتتى، ستيلدى، ٴتارتىپتى قاتاڭ باسقارۋ مەحانيزمىن كەمەلدەندىرىپ، قابىلەتتىلەردى ىسكە سالۋ، ۇزدىكتەرىن سيلاۋ، ناشارلارىن قالدىرۋداي دۇرىس بەتالىستى جەدەل قالىپتاستىرۋى كەرەك. دارىندىلاردى دامىتۋ ٴتۇزىلىس-مەحانيزم رەفورماسىن تەرەڭدەتىپ، دارىندىلاردى باۋراۋ، جەتىلدىرۋ، ىستەتۋ، باعالاۋ، اينالىمعا سالۋ، شابىتتاندىرۋ جاقتارىنداعى تۇزىلىستىك، مەحانيزمدىك كەدەرگىلەردى الاستاپ، ٴتىپتى دە بەلسەندى، بارىنشا اشىق، اناعۇرلىم ٴونىمدى دارىندىلار ساياساتىن اتقارىپ، باۋراۋ قۋاتى مەن حالىقارالىق باسەكەلىك قۋاتقا يە دارىندىلار ٴتۇزىمى جۇيەسىن قالىپتاستىرىپ، دارىندىلاردى توپتاۋعا قۇلشىنۋ كەرەك.


    شي جينپيڭ مىنالاردى اتاپ كورسەتتى: پارتيانىڭ ۇيىمدىق ٴتۇزىم قۇرىلىسىن ويداعىداي يگەرۋ ٴتيىس. پارتيا 18-قۇرىلتايىنان بەرى، پارتيا ورتالىق كوميتەتى ىلگەرىندى-كەيىندى پارتيا ىشىندەگى ساياسي تۇرمىستىڭ ٴبىرقانشا قاعيداسى، پارتيا باسشىلىق گرۋپپاسىنىڭ قىزمەت ەرەجەسى، جەرگىلىكتى پارتكومداردىڭ قىزمەت ەرەجەسى، پارتيانىڭ قىزمەت ورگانى ەرەجەسى، ياچەيكا قىزمەت ەرەجەسى، سونداي-اق اۋىل-قىستاقتار، مەملەكەت مەنشىگىندەگى كاسىپورىندار، ورگاندار، جوعارى مەكتەپتەردىڭ نەگىزگى ساتى پارتيا ۇيىمدارىنىڭ قىزمەت ەرەجەسى سياقتى ۇيىمدىق قۇرىلىس جاعىنداعى پارتيا ٴىشىنىڭ ٴبىر قىدىرۋ زاڭ-ەرەجەسىن جاسادى جانە وعان وزگەرىس ەنگىزدى. پارتيا 19-كەزەكتى ورتالىق كوميتەتىنىڭ ٴتورتىنشى جالپى ٴماجىلىسى پارتيانىڭ ورتالىقتانعان ٴبىر تۇتاس ۇيىمدىق ٴتۇزىمىن كەمەلدەندىرۋدى، قورعاۋدى پارتيانىڭ باسشىلىق ٴتۇزىمى جۇيەسىنە تاباندى بولۋدىڭ جانە ونى كەمەلدەندىرۋدىڭ ماڭىزدى مازمۇنى ەتىپ، مەملەكەت ٴتۇزىمى مەن مەملەكەتتى باسقارۋ جۇيەسىنە ەنگىزدى. ورتالىقتاعى قاتىستى تاراۋلار، ٴار دارەجەلى پارتكومدار (پارتگرۋپپالار) ٴىس جۇزىندىككە ۇشتاستىرا وتىرىپ، پارتيا ىشىندەگى ۇيىمدىق زاڭ-ەرەجەلەر مەن پارتيا ورتالىق كوميتەتى ورتاعا قويعان تالاپتاردى ناقتىلاندىرىپ، ۇيىمدىق قۇرىلىم، ۇيىمدىق تۇرمىس، ۇيىمدىق اينالىم، ۇيىمدىق باسقارۋ، ۇيىمدىق باقىلاۋ سياقتىلاردى قامتىعان كەمەلدى ۇيىمدىق ٴتۇزىم جۇيەسىن ورناتىپ، كەمەلدەندىرۋى، پارتكومنىڭ (پارتيا باسشىلىق گرۋپپاسىنىڭ) پارتيانى جاپپاي قاتاڭ باسقارۋداعى سۋبيەكتتىك جاۋاپكەرلىگىن تياناقتاندىرۋ ٴتۇزىمىن كەمەلدەندىرۋى ٴارى اتقارىلۋىن قاتاڭ يگەرىپ، پارتيانىڭ ۇيىمدىق قۇرىلىسىنىڭ تۇزىمدەنۋ، جۇيەلىلەنۋ، عىلميلانۋ دەڭگەيىن ۇزدىكسىز جوعارىلاتۋى كەرەك.


    اۋدارعاندار: قاناتبەك جۇماباي ۇلى، نۇربولات ٴداۋتاقىن ۇلى، نازار ٴارىپ ۇلى، امانتاي مۇسايىپ ۇلى

中央广播电视总台 央广网 版权所有

شي جينپيڭ: ج ك پ ورتالىق كوميتەتى ساياسي بيۋروسىنىڭ 21-رەتكى توپتىق ماجىلىسىندە جاڭا داۋىردەگى پارتيانىڭ ۇيىمدىق لۋشيانىن ويداعىداي دايەكتى تياناقتاندىرىپ، پارتيا قۇرىلىسىن اناعۇرلىم پارمەندى قۇرۋ كەرەك،-دەپ باسا دارىپتەدى

ج ك پ ورتالىق كوميتەتىنىڭ ساياسي بيۋروسى 6-ايدىڭ 29-كۇنى تۇستەن كەيىن «جاڭا داۋىردەگى پارتيانىڭ ۇيىمدىق لۋشيانىن ىشكەرىلەي ۇيرەنۋ، ٴتۇسىنۋ جانە دايەكتىلەندىرۋ، تياناقتاندىرۋ» جونىندە 21-رەتكى توپتىق ۇيرەنۋ وتكىزدى.