ينفورماتسيا اشكەرەلەۋ: mzjubao@cnr.cn

ءتوراعا شي جينپيڭىنىڭ حابارلارى

شي جينپيڭنىڭ جاڭا ٴداۋىر جۇڭگوشا سوتسياليزم يدەياسىنىڭ جەتەكشىلىگىندە-جاڭا ٴداۋىر، جاڭا ناتيجە، جاڭا داستان. باس شۋجي شي جينپيڭ كوڭىل بولگەن ىستەر

来源:جۇڭگو قازاق راديو تورابى     |责编:古丽美热|     发布日期: 2020-07-28 18:19

 

ٴوز حابارىمىز. اس ادامنىڭ ارقاۋى. ءبىر ميللياردتان استام حالىقتىڭ ىشەر اس ماسەلەسىن ويداعىداي شەشۋ- پارتيامىزدىڭ ەل باسقارۋداعى ماڭداي الدى ءىرى ءىس بولىپ كەلەدى. باس شۋجي شي جينپيڭ كەزىندە: جۇڭگولىقتار استىقپەن ٴوزىن ٴوزى قامتاماسىز ەتۋى كەرەك.-دەپ باسا دارىپتەگەن بولاتىن. تاياۋدا باس شۋجي شي جينپيڭ جيليندە قىزمەت تەكسەرگەندە مىنانى ەرەكشە اتاپ كورسەتتى: جيلين ولكەسى استىقپەن قامتاماسىز ەتۋدى ماڭداي الدى ورىنعا قويىپ، استىق ٴوندىرىسىن مىقتى يگەرۋدى تيتتەي دە بوساڭسىتپاۋ كەرەك. 

    شىعىس سولتۇستىك قارا توپىراعىنان ورتا جازىقتىڭ بايتاق دالاسىنا، چاڭجياڭنىڭ وڭتۇستىگىندەگى بالىق، كۇرىش مەكەنىنە دەيىن، جۋىقتان بەرى، جەر-جەر وسى زامانعى تۇقىم شارۋاشىلىعىن كۇش سالا دامىتىپ، ەگىستىك جەردىڭ ساپاسىن ۇزدىكسىز جوعارىلاتىپ، جاسىل تيپكە بۇرىلىس جاساۋدى ىلگەرىلەتۋدە. جۇڭگولىقتار استىقپەن ٴوزىن ٴوزى قامداۋدى بار كۇشپەن مىقتى يگەرىپ، استىق ٴوندىرىسىن ساپالاندىرۋعا دەن قويۋدا. 

    جازدىڭ شىلىڭگىر ىستىعىندا حيلۇڭجياڭ ولكەسى حايلۇن قالاسى جاڭا اۋىل شارۋاشىلىق ماشينالارى شارۋالار كاسىپتىك سەلبەستىك كووپەراتيۆى سويا بۇرشاق اتىزىندا قاربالاس ٴوندىرىس جۇرگىزۋدە. سەلبەستىك كووپەراتيۆىنىڭ القا باستىعى فۋ جىڭۋ بىلاي دەدى: «دۇڭشىڭ 17» دەپ اتالاتىن بۇل سويا بۇرشاق سورتى جوعارى ٴونىم، جوعارى ماي، جوعارى بەلوك، جاپىرىلۋعا قارسى تۇرۋ قاتارلى ەرەكشەلىكتەرگە يە بولىپ، قازىر حيلۇڭجياڭ ولكەسىندەگى كوپتەگەن رايونداردىڭ نەگىزگى تۇقىمىنا اينالدى. 

    تاياۋ جىلداردان بەرى، ەلىمىز تۇقىم جەتىلدىرۋ تەحنيكاسىندا ۇزدىكسىز جاڭالىق اشىپ، جۇگەرى، سويا بۇرشاق، كۇرىش سياقتى نەگىزگى داقىلداردىڭ ٴونىم مولشەرى ۇزدىكسىز جوعارىلادى. دۇنيە جۇزىندەگى ء ۇش ءىرى نەگىزگى استىقتىڭ ىشىندە بۋدانداستىرىپ تۇقىم جەتىلدىرۋدەگى ەڭ قيىن ٴتۇيىن بولعان ءبيدايدىڭ جاڭا سورتىن جەتىلدىرۋ دە تىڭ تابىستارعا قول جەتكىزدى. سانشي ولكەسى يۇنچىڭ قالاسى لانحۇڭ بۋدانداستىرىلعان ءبيداي زەرتتەۋ ورتالىعىنىڭ مەڭگەرۋشىسى فىڭ شۋيىڭنىڭ باسشىلىعىنداعى زەرتتەۋ گرۋپپاسى دۇنيە ٴجۇزى بويىنشا وزگەشە «F تيۆتەگى ءبيدايدىڭ اتالىق جۇيەسى» تۇقىمىن ءساتتى جەتىلدىردى. ماماندار گرۋپپاسىنىڭ باعالاۋىنشا، بۇل سورتتىڭ بۋدان ابزالدىلىعى توتەنشە كورنەكتى بولىپ، ەلىمىزدىڭ ٴبيداي بىرلىك ٴونىمىن زور دارەجەدە جوعارىلاتۋىنا ماڭىزدى تەحنيكالىق تىرەك ازىرلەيدى.

جيلين ولكەسىنىڭ سۇڭيۋان قالاسى گورلوس موڭعۇل اۆتونوميالى اۋدانى ليانحۋاشان قىستاعىندا، شۇنشين شارۋالار ەگىمشىلىك، باعىمشىلىق كاسىپتىك سەلبەستىك كووپەراتيۆىنىڭ جاۋاپتىسى ليۋ شيجياڭ بىلاي دەدى: بۇرىن بۇل ارادا قۋاڭشىلىق اۋىر بولعان، ونىڭ ۇستىنە بىتىراندى ەگۋ ٴتاسىلى قولدانىلاتىن. بىرتە-بىرتە قارا توپىراق بىرتىندەپ جۇقارىپ، ەگىن كىرىسى ازايدى. 

    3 جىلدىڭ الدىندا سەلبەستىك كووپەراتيۆى قورعاۋ سيپاتىندىق ەگىس جۇمىسىن جۇرگىزە باستادى. كۇزگى جيىن-تەرىننەن كەيىن جۇگەرى ساباعى اتىزعا قايتارىلىپ، كوكتەمگى ەگىس ماشينامەن جۇرگىزىلەتىن بولدى. قىسقا عانا 3 جىلدا جۇگەرىنىڭ ٴونىم مولشەرى بارىنشا جوعارىلادى. 

    قارا توپىراق سىندى «ەگىستىك جەردى» شىنايى قورعاۋ، ويداعىداي پايدالانۋ ٴۇشىن، بيىل 3-ايدا، قاتىستى تاراۋلار بىرلەسىپ باسىپ تاراتقان «2020-جىلدان 2025-جىلعا دەيىنگى شىعىس سولتۇستىكتەگى قارا توپىراقتى قورعاۋ ەگىس ارەكەتى جوسپارىندا» مىنالار العا قويىلدى: ورتالىق قازىنا قازىرگى ارنا ارقىلى قورعاۋ سيپاتتى ەگىس جۇمىسىن دامىتۋدى بەلسەنە قولدايدى. 2025-جىلعا بارعاندا، قورعاۋ سيپاتىندىق ەگىس كولەمى 140 ميلليون مۋعا جەتكىزىلەدى. 

    جوعارى ولشەمدى ەگىنجاي قۇرىلىسى نىساندارى جەر-جەردە ۇزدىكسىز ىلگەرىلەتىلدى. گۋاڭشيدە 26 ميلليون 600 مىڭ مۋ جوعارى ولشەمدى ەگىنجاي سالىنىپ، جالپى ەگىستىك جەر كولەمىنىڭ %48.45 ىن ۇستادى؛ انحۇي ولكەسى بيىل 46 ميلليون 700 مىڭ مۋ جەرگە شوعىرلى ورنالاسقان، قۋاڭشىلىق، سۋ اپاتىنان ساقتانىپ، ٴونىم الۋعا كەپىلدىك ەتەتىن، سۋ ۇنەمدەۋ ونىمدىلىگى جوعارى، ٴونىمى ورنىقتى، جوعارى ٴونىمدى، ەكولوگياسى جاراسىمدى جوعارى ولشەمدى ەگىس اتىزدارىن سالادى. 

    سانشيدىڭ يۇڭجي قالاسى كاۋلاۋ قالاشىعى ليۋچى قىستاعى پارتيا ياچەيكاسىنىڭ شۋجيى ۋ شىڭكۇي بىلاي دەدى: جوعارى ولشەمدى ەگىنجاي قۇرىلىسىن ورىستەتكەننەن كەيىن، قىستاقتا توعان جاسالىپ، حۋاڭحى وزەنىنىڭ سۋىمەن توپىراقتى قۇنارلاندىردى، ورگانيكالىق تىڭايتقىش بەرۋگە سايكەستىرىلىپ، ەگىستىك جەردىڭ ساپا وزگەرىسى كورنەكتى بولدى. 

    جيلين ولكەسى دا-ان قالاسى باي-اۋ گلين ەگىس الاڭىندا، كۇرىش اتىزدارى رەتتى جەر بولەكتەرىنە ٴبولىندى، جەر بولەكتەرىنە سۋ دەڭگەيىن سەزگىش اسپاپ، اعىس مولشەرىن ولشەۋ اسپابى قاتارلىلار ورنالاستىرىلىپ، سۋ ۇنەمدەپ سۋارۋ، ءدال سۋارۋ ونىمدىلىگى جۇزەگە اسىرىلدى. 

    قامداۋ مولشەرىن قامتاماسىزداندىرۋمەن بىرگە، جەر-جەردىڭ اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىن تەرەڭدەتۋ ونىمدىلىگى دە ۇزدىكسىز كورنەكتىلەندى، ەلىمىز اۋىل شارۋاشىلىعى بۇگىنگى تاڭدا جاسىل، ساپالى باعىتقا قاراي جەدەل دامۋدا.


اۋدارعان: شالقار قازەز ۇلى

中央广播电视总台 央广网 版权所有

شي جينپيڭنىڭ جاڭا ٴداۋىر جۇڭگوشا سوتسياليزم يدەياسىنىڭ جەتەكشىلىگىندە-جاڭا ٴداۋىر، جاڭا ناتيجە، جاڭا داستان. باس شۋجي شي جينپيڭ كوڭىل بولگەن ىستەر

استىق حاۋپسىزدىگىنىڭ نەگىزىن بەكەمدەپ، جۇڭگونىڭ استىق ٴوندىرىسىن مىقتى يگەرەيىك