ينفورماتسيا اشكەرەلەۋ: mzjubao@cnr.cn

ءتوراعا شي جينپيڭىنىڭ حابارلارى

شي جينپيڭنىڭ چيڭحۋا ۋنيۆەرسيتەتىندە قىزمەت تەكسەرۋى قالىڭ وقىتۋشى-وقۋشىلار اراسىندا كۇشتى اڭىس قوزعادى

来源:جۇڭگو قازاق راديو تورابى     |责编:古丽美热|     发布日期: 2021-04-20 10:07

 

ٴوز حابارىمىز.باس شۋجي شي جينپيڭنىڭ 4-ايدىڭ 19-كۇنى چيڭحۋا ۋنيۆەرسيتەتىندە قىزمەت تەكسەرگەندە سويلەگەن ماڭىزدى ٴسوزى چيڭحۋا ۋنيۆەرسيتەتىندەگى قالىڭ وقىتۋشى-وقۋشىلار اراسىندا كۇشتى اڭىس قوزعادى. كوپشىلىك بىلاي دەستى: باس شۋجيدىڭ تاپسىرماسىن ەستە بەرىك ساقتاپ، مەملەكەتتىڭ ويلاعانىن ويلاپ، مەملەكەتتىڭ اسىققانىنا اسىعىپ، مەملەكەتتىڭ قاجەتىنە ساي، ۇزدىكسىز كۇرەس جۇرگىزىپ، بيىكتەرگە ەرلىكپەن ۇمتىلىپ، بىرەگەي بولۋعا تالپىنىپ، مەملەكەتتىڭ بايىپ-قۇدىرەتتەنۋىنە، ۇلتتىڭ گۇلدەنۋىنە، حالىقتىڭ باقىتىنا قىزمەت وتەۋگە كۇش قوسامىز. 

    باس شۋجي شي جينپيڭ بىلاي دەپ اتاپ كورسەتتى: ەلىمىزدىڭ جوعارى دارەجەلى وقۋ ـ اعارتۋىندا جۇڭحۋا ۇلتىنىڭ ۇلى گۇلدەنۋى سىندى ستراتەگيالىق جالپى جاعداي مەن دۇنيە جۇزىندە ٴجۇز جىلدان بەرى بولماعان زور وزگەرىس جاعدايىن تياناق ەتىپ، مەملەكەتتىڭ ٴىرى ٴىسىن كوكەيدە ساقتاپ، اۋقىمدى يگەرىپ، جاۋاپكەرشىلىكتى باتىلدىقپەن ارقالاپ، ٴىس تىندىرۋعا شەبەر بولىپ، مەملەكەتتىڭ قۇدىرەتتەنۋىنە، ۇلتتىڭ گۇلدەنۋىنە، حالىقتىڭ باقىتىنا قىزمەت ەتۋگە ۇلەس قوسۋ كەرەك. 

    چيڭحۋا ۋنيۆەرسيتەتى اسەمونەر ينستيتۋتىنىڭ باستىعى لۋ شياۋبو بىلاي دەدى: چيڭحۋا ۋنيۆەرسيتەتى ٴۇشتى ٴبىر تۇلعالاندىرعان وقۋ ـ اعارتۋ تانىمىن باستان ـ اياق جالعاستىرىپ كەلەدى. قۇن جاراتۋ، قابىلەت جەتىلدىرۋ،ٴبىلىم ۇيرەتۋدە دە، ٴسوز جوق، دۇنيە ٴجۇزى بويىنشا ماڭداي الدى بولۋدى كوزدەپ، مەملەكەتتىڭ، ۇلتتىڭ قاجەتى ٴۇشىن جاۋاپكەرشىلىك ارقالاي الاتىن، بورىشتىلىق سەزىمگە، جاڭالىق اشۋ قابىلەتىنە يە جوعارى دەڭگەيلى دارىندىلاردى جەتىلدىرەمىز. 

    چيڭحۋا ۋنيۆەرسيتەتى ەلەكترون ينجەنەرياسى فاكۋلتەتىنىڭ پروفەسسورى، جۇڭگو عىلىم اكادەمياسىنىڭ اكادەميگى لۋ جيانحۋا بىلاي دەدى: باس شۋجيدىڭ تالابى بويىنشا، عىلىم ـ تەحنيكا سىندى ٴبىرىنشى وندىرگىش كۇشتى دامىتۋدى، دارىندىلار سىندى ٴبىرىنشى بايلىقتى جەتىلدىرۋدى، جاڭالىق اشۋداي ٴبىرىنشى قوزعاۋشى كۇشتى كۇشەيتۋدى ويداعىداي ۇشتاستىرىپ، رەفورما جاساۋ، ەسىك اشۋ مەن سوتسياليستىك وسىزامانداندىرۋ قۇرىلىسىنا اناعۇرلىم ويداعىداي قىزمەت ەتۋ كەرەك. 

    دەنە-تاربيەگە ٴمان بەرۋ چيڭحۋا ۋنيۆەرسيتەتىنىڭ داڭقتى ٴداستۇرى. چيڭحۋا ۋنيۆەرسيتەتى دەنە تاربيە ٴبولىمىنىڭ مەڭگەرۋشىسى ليۋ بو بىلاي دەدى: باس شۋجيدىڭ ٴۇمىتىن اقتاپ، چيڭحۋا ۋنيۆەرسيتەتىنىڭ تاڭداۋلى ۇيرەنۋ ستيلى مەن دەنە تاربيە ٴداستۇرىن ۇزدىكسىز ويداعىداي ساۋلەلەندىرەمىز. 

    باس شۋجي شي جينپيڭ بىلاي دەپ اتاپ كورسەتتى: وسىزامانعى جۇڭگو جاستارى جاڭا داۋىرمەن باعىتتاس،تىلەكتەس بىرگە العا باساتىن ۇرپاق، گۇلدەنىپ ـ كوركەيگەن داۋىردەگى جاستاردىڭ ارقالاعان مىندەتى اۋىر.ول قالىڭ جاستاردى ٴبىلىم شىڭىنا ۇمتىلۋ بارىسىندا ۇزدىك بولۋعا تالپىنا تۇسۋگە، ٴداۋىردىڭ اۋىر مىندەتىن ارقالاعان كەزدە سوزدەن گورى ىسپەن دالەلدەۋگە، شىن ونەر يگەرىپ كاسىپ جاراتۋعا ىنتالاندىردى. بۇل كوپشىلىكتى ايرىقشا شابىتتاندىردى. 

    چيڭحۋا ۋنيۆەرسيتەتى اۆتوماتتاندىرۋ فاكۋلتەتىنىڭ كومەكشى زەرتتەۋشىسى ۋ جيامين بىلاي دەدى: باس شۋجي ٴبىزدىڭ زەرتتەۋىمىزگە باسا نازار اۋدارىپ وتىر،زەرتتەۋ ىستەرىمىزدىڭ حالىقارانىڭ الدىڭعى لەگىندە جۇرگەن ـ جۇرمەگەندىگىنە،كاسىپ سالالاندىرۋدىمىزدىڭ تياناقتانعان-تياناقتانباعاندىعىنا كوڭىل بولۋدە،بۇل بىزگە ۇلكەن سىنداردان وتە الاتىنداي زەرتتەۋ جۇرگىزۋ كەرەكتىگىن تەرەڭ سەزىندىردى. سوندىقتان بولاشاقتا ۇزدىكسىز قۇلشىنىپ،توقتاۋسىز العا باسىپ جاڭالىق جاراتۋىمىز، ٴبىر جاعىنان، عىلىمنىڭ الدىڭعى لەگىنە جەتەكشىلىك ەتىپ، ەندى ٴبىر جاعىنان، ەڭ جاڭا عىلىم-تەحنيكانى مەملەكەت قۇرىلىسىنا شىن مانىندە قولدانۋىمىز كەرەك. 

    چيڭحۋا ۋنيۆەرسيتەتى اسەمونەر ينستيتۋتى ونەركاسىپ جوبالاۋ فاكۋلتەتىنىڭ دوكتورانتى ۋاڭ مىڭياۋ بىلاي دەدى: باس شۋجي جاستاردىڭ احىلاق، اقىل-وي، دەنە، ەستەتيكا، ەڭبەك جاقتارىنان جان ـ جاقتى دامۋىن شىنايى ٴۇمىت ەتتى. چيڭحۋا ۋنيۆەرسيتەتى اسەمونەر ينستيتۋتىنىڭ وقۋشىسى رەتىندە، مەن الداعى كۇندەردە چيڭحۋا ۋنيۆەرسيتەتىنىڭ مەكتەپ تاعىلماتى بويىنشا تالىقپاي تالپىنىپ، ٴمورالدى دا جىگەرلى بولىپ، جۇڭگونىڭ جوبالاۋ كۇشىنىڭ دەمەۋىندە دۇنيە ساحناسىندا كەلەسى 100 جىلدىق تاماشا جۇڭگو حيكاياسىن بايانداۋدى ٴۇمىت ەتەمىن.


اۋدارعان: كۇلان ىرىسباي قىزى 

中央广播电视总台 央广网 版权所有

شي جينپيڭنىڭ چيڭحۋا ۋنيۆەرسيتەتىندە قىزمەت تەكسەرۋى قالىڭ وقىتۋشى-وقۋشىلار اراسىندا كۇشتى اڭىس قوزعادى

مەملەكەتتىڭ قۇدىرەتتەنۋىنە، ۇلتتىڭ گۇلدەنۋىنە، حالىقتىڭ باقىتىنا قىزمەت ەتۋگە ۇلەس قوسۋ كەرەك