ينفورماتسيا اشكەرەلەۋ: mzjubao@cnr.cn

ءتوراعا شي جينپيڭىنىڭ حابارلارى

شي جينپيڭ حالىقارالىق دوستاردىڭ تۋىس - تۋعاندارىنا جاۋاپ حات جازدى

来源:جۇڭگو قازاق راديو تورابى     |责编:阿依娜古丽|     发布日期: 2021-09-18 10:16


    ٴوز حابارىمىز. ج ك پ ورتالىق كوميتەتىنىڭ باس شۋجيى، مەملەكەت ٴتوراعاسى شي جينپيڭ سنو، ماحايد، ەلي، ەپيشتەين قاتارلى حالىقارالىق دوستاردىڭ تۋىس ـ تۋعاندارىنا جاۋاپ حات جولداپ، جۇڭگو كوممۋنيستىك پارتياسىمەن جانە جۇڭگو حالقىمەن تاعدىرلاس،تىنستاس بولىپ، جاپا ـ ماشاقاتتى بىرگە كورىپ، تىزە قوسا شايقاس جاساپ، جۇڭگونىڭ توڭكەرىس، قۇرىلىس، رەفورما ىستەرىنە قىمباتتى ۇلەس قوسقان حالىقارالىق دوستاردى ساعىنىشپەن ەسكە الدى.


    شي جينپيڭ حاتىندا بىلاي دەپ اتاپ كورسەتتى: 20 ـ عاسىردىڭ العاشقى جارتىسىندا سنو، ماحايد، بەتيۋن، كۋاركانىس، ەلي، ەپيشتەين قاتارلى ٴبىر توپ حالىقارالىق دوستاردىڭ شالعايدان جۇڭگوعا كەلىپ، جۇڭگو كوممۋنيستىك پارتياسىمەن جانە جۇڭگو حالقىمەن تاعدىرلاس،تىنستاس بولىپ، جاپا ـ ماشاقاتتى بىرگە كورىپ، تىزە قوسا شايقاس جاسادى. ٴبىز ولاردىڭ جۇڭگونىڭ توڭكەرىس، قۇرىلىس، رەفورما ىستەرىنە قوسقان قىمباتتى ۇلەسىن جانە جۇڭگو كوممۋنيستىك پارتياسىنا، جۇڭگو حالقىنا دەگەن شىنايى دوستىعىن باستان ـ اياق ەستە بەرىك ساقتايمىز.


    شي جينپيڭ بىلاي دەپ باسا دارىپتەدى: جۇڭگو كوممۋنيستىك پارتياسى قۇرىلعان 100 جىلدان بەرى، ٴداۋىردىڭ ۇندەۋىن، حالىقتىڭ ٴۇمىتىن، حالىقاراداعى دوستاردىڭ سەنىمىن اقتاپ، جۇڭگو حالقىن ىنتىماقتاستىرىپ جانە باستاپ، ۇزاق ۋاقىت كۇرەس جۇرگىزىپ، جاپپاي دوڭگەلەك داۋلەتتى قوعام قۇرۋدىڭ ٴبىرىنشى 100 جىلدىق كۇرەس نىساناسىن جۇزەگە اسىردى، جۇڭگو حالقىنا باسشىلىق ەتىپ، جاپپاي سوتسياليستىك وسىزاماندانعان قۇدىرەتتى ەل قۇرۋدىڭ ەكىنشى 100 جىلدىق كۇرەس نىساناسىنا قاراي قادام تاستاپ، دۇنيە ٴجۇزىنىڭ بەيبىتشىلىگى مەن دامۋى سىندى وسكەلەڭ ٴىستى ۇزدىكسىز جەبەۋدە. سىزدەردىڭ تۋىستارىڭىزدىڭ سول جىلعى تالعامى بۇكىلدەي دۇرىس بولدى.


    شي جينپيڭ بىلاي دەپ اتاپ كورسەتتى: تاريح كەرۋەنى توقتاۋسىز العا جىلجيدى، رۋح ۇرپاقتان ـ ۇرپاققا جالعاسا بەرەدى. سىزدەردىڭ تۋىستارىڭىزدى ۇلگى ەتىپ، جۇڭگو حالقى مەن دۇنيە ٴجۇزى حالقىنىڭ دوستىعى مەن سەلبەستىگىن كۇشەيتىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە ۇلەس قوسۋلارىڭىزدى ٴۇمىت ەتەمىن!


    سنو، ماحايد، ەلي، ەپيشتەين، ميللەر، كلۇك، جىڭ ليۋچىڭ، لي شا، فۋ لاي، ۋي لۋشى، يە حۋا، چىن بيدي قاتارلى حالىقارالىق 16 دوستىڭ تۋىس ـ تۋعاندارى بىرلەسىپ ٴتوراعا شي جينپيڭگە حات جولداپ، جۇڭگو كوممۋنيستىك پارتياسىنىڭ عاسىرلىق مەرەي تويىن قىزۋ قۇتتىقتايتىندىقتارىن، جۇڭگو حالقىنىڭ جاپون باسقىنشىلارىنا قارسى سوعىسى مەن دۇنيە ٴجۇزىنىڭ فاشيزمگە قارسى سوعىسى جەڭىسكە جەتكەندىگىنىڭ 76 جىلدىعى قارساڭىندا جاپون باسقىنشىلارىنا قارسى سوعىس قۇرباندارىن ەسكە الاتىندىقتارىن، تۋىس ـ تۋعاندارىنىڭ سول جىلدارى جۇڭگو كوممۋنيستىك پارتياسىمەن جانە جۇڭگو حالقىمەن بىرگە بولۋدى تاڭداعانىن ماقتانىش ەتەتىندىكتەرىن ٴارى ادامزاتتىڭ تاعدىرلاس ورتاق تۇلعاسى دارىپتەمەسىنىڭ جەتەكشىلىگىندە، جاڭا داۋىردەگى ينتەرناتسيونالدىق رۋحقا مۇراگەرلىك ەتىپ جانە ونى ساۋلەلەندىرىپ، جۇڭگو مەن شەتەل حالقىنىڭ دوستىعىن نىعايتۋعا، جۇڭگونىڭ ەكىنشى 100 جىلدىق كۇرەس نىساناسىن جۇزەگە اسىرۋعا تىڭ ۇلەس قوسۋدى قولدايتىندىقتارىن ٴبىلدىردى.


اۋدارعان: قاناتبەك جۇماباي ۇلى

中央广播电视总台 央广网 版权所有

شي جينپيڭ حالىقارالىق دوستاردىڭ تۋىس - تۋعاندارىنا جاۋاپ حات جازدى

. ج ك پ ورتالىق كوميتەتىنىڭ باس شۋجيى، مەملەكەت ٴتوراعاسى شي جينپيڭ سنو، ماحايد، ەلي، ەپيشتەين قاتارلى حالىقارالىق دوستاردىڭ تۋىس ـ تۋعاندارىنا جاۋاپ حات جولداپ، جۇڭگو كوممۋنيستىك پارتياسىمەن جانە جۇڭگو حالقىمەن تاعدىرلاس،تىنستاس بولىپ، جاپا ـ ماشاقاتتى بىرگە كورىپ، تىزە قوسا شايقاس جاساپ، جۇڭگونىڭ توڭكەرىس، قۇرىلىس، رەفورما ىستەرىنە قىمباتتى ۇلەس قوسقان حالىقارالىق دوستاردى ساعىنىشپەن ەسكە الدى.