شي جينپيڭ بىلاي دەپ اتاپ كورسەتتى: تاياۋدا افعانستان جاعدايىندا ٴتۇبىرلى وزگەرىستەر تۋىلىپ، حالىقارالىق جاعدايعا، وڭىرلىك جاعدايعا جانە حاۋىپسىزدىك پەن ورنىقتىلىققا كەلەلى ىقپال جاسادى. قازىر افعانستان كوپتەگەن قيىنشىلىقتار مەن سىن-سايىستارعا ٴدوپ كەلىپ وتىر، قالىپتى ٴتارتىپتى تەز ارادا قالپىنا كەلتىرىپ، جاعدايدى ورنىقتىرۋ _ _ افعانستان حالقىنىڭ شۇعىل مىندەتى ٴارى حالىقارالىق قوعام مەن وڭىرلىك ەلدەردىڭ قاداعالاي نازار اۋدارىپ وتىرعان ماڭىزدى تۇيىنى. شاڭحاي سەلبەستىك ۇيىمى مەن كوللەكتيۆ حاۋىپسىزدىك شارتى ۇيىمىنا مۇشە ەلدەر افعانستاننىڭ جاقىن كورشىلەرى، كوپشىلىك تاعدىرلاس ورتاق تۇلعا ٴارى حاۋىپسىزدىك ورتاق تۇلعا سانالادى. وسىنداي شەشۋشى ساتتە وسى ۇيىم ٴوز رولىن ساۋلەلەندىرىپ، التىننان دا باعالى بەيبىتشىلىك پەن ورنىقتىلىقتى بىرگە قورعاۋى كەرەك.

    شي جينپيڭ بىلاي دەپ باسا دارىپتەدى: ٴار ەل ٴوز ٴىسىن ٴوزى باسقارۋى كەرەك، حالىقاراداعى ىستەردى كوپشىلىك اقىلداسىپ شەشۋى ٴتيىس. ٴبىز افعانستاننىڭ يەلىك ۇقىعىنا، تاۋەلسىزدىگىنە، تەرريتوريا تۇتاستىعىنا قۇرمەت ەتۋ العى شارتىندا، «افعانستاندىقتار جەتەكشىلىك ەتۋ، افعانستاندىقتار يگىلىكتەنۋ» نەگىزگى پرينسيبىن دايەكتىلەندىرۋگە سەلبەسىپ، افعانستانداعى ٴار ۇلت حالقىنىڭ مەملەكەتتىڭ بولاشاعى مەن تاعدىرىن دەربەس يگەرۋىنە مۇمكىندىك جاساۋىمىز كەرەك. شاڭحاي سەلبەستىك ۇيىمى مەن كوللەكتيۆ حاۋىپسىزدىك شارتى ۇيىمى مۇشە ەلدەردىڭ وزگەشە باسىمدىعى مەن ىقپالىن ويداعىداي ساۋلەلەندىرىپ، افعانستان ماسەلەسىن ساياسي جولمەن شەشۋدىڭ تۇلعالىق بەتالىسىنا تاباندى بولىپ، افعانستاننىڭ بىلىققان جاعدايىن تەجەپ، ورنىقتىلىعىن قالپىنا كەلتىرۋىن، بەيبىت قايتا قۇرۋ جولىنا ٴتۇسۋىن ىلگەرلەتىپ، سوڭىندا وسى ٴوڭىردىڭ جاپپاي حاۋىپسىزدىگىن، ورتاق حاۋىپسىزدىگىن، سەلبەستىك حاۋىپسىزدىگىن، باياندى حاۋىپسىزدىگىن جۇزەگە اسىرۋ كەرەك.

    شي جينپيڭ مىنداي 3 ٴتۇرلى پىكىر - ۇسىنىسىن ورتاعا قويدى.

    1-، افعانستان جاعدايىنىڭ تەز ارادا ورنىعۋىن جەبەۋ. افعانستاننىڭ ەل ىشىندەگى ٴارقايسى جاقتاردىڭ پىكىرلەسۋ، كەڭەسۋ ارقىلى ەرتەرەك قامتىمدى ساياسي ورنالاستىرۋ جاساۋىن قولداۋ قاجەت. افعانستانداعى تەررورلىق ۇيىمداردىڭ ارەكەت بەتالىسىنا ۇزدىكسىز نازار اۋدارىپ، افعانستانداعى قاتىستى جاقتاردى وسى تەررورلىق ۇيىمدارعا باتىل سوققى بەرۋگە قۋزاپ، تۇلعالىسىنان وڭاۋ مەن تۇبىرىنەن وڭاۋدى ۇشتاستىرۋ ٴادىسىن قولدانىپ، تەرررولىقتى تۇبەگەيلى الاستاپ، افعانستانداعى تەررورلىق كۇشتەردىڭ توڭرەكتەگى ەلدەرگە زيان جەتكىزۋىنەن ساقتانۋ كەرەك.

    2 -، افعانستانمەن قارىم -قاتىناس جاساۋپ سۇحبات وتكىزۋ. ۇستامدى دا شىنايى بولۋ تۇرعىسىنان، افعانستانمەن ٴوزارا قارىم - قاتىناس ورناتىپ، افعانستاننىڭ جاڭا بيلىك قۇرىلىمىن اناعۇرلىم اشىق، سيىسىمدى بولۋعا باستاپ جانە جەبەپ، بايسالدى دا ورنىقتى ىشكى ـ سىرتقى ساياساتتى اتقارىپ، دۇنيە جۇزىندەگى ەلدەرمەن، اسىرەسە، توڭىرەكتەگى كورشى ەلدەرمەن تاتۋ ـ ٴتاتتى ٴوتۋ كەرەك.

    3-، اۋعانستان حالقىنىڭ قيىن وتكەلدەردەن وتۋىنە كومەكتەسۋ. افعانستانعا دەر كەزىندە ادامگەرشىلىك جانە ىندەتكە قارسى تۇرۋ جاعىندا قولداۋ كورسەتىپ، افعانستان حالقىنىڭ قيىنشىلىقتان قۇتىلۋىنا كومەكتەسۋ قاجەت. جۇڭگو ٴبىر توپ شۇعىل كومەك بۇيىمدارىن تەز ارادا افعانستانعا جونەلتەتىندىگىن جاريالادى ٴارى شاماسىنىڭ كەلىسىنشە ٴتۇرلى جاقتاردان ٴتىپتى دە كوپ كومەك كورسەتەدى. افعانستاننىڭ مۇشكىل كۇيدە قالۋىنا سەبەپكەر بولعان ىشنارا ەلدەر افعانستان جاعدايىنان اشتى ساباق قابىلداپ، افعانستاننىڭ بولاشاقتاعى دامۋى جونىنەن وتەۋگە ٴتيىستى جاۋاپكەرشىلىگىن ارقالاۋى كەرەك.

    شي جينپيڭ سوڭىندا بىلاي دەپ باسا دارىپتەدى: جۇڭگو ٴارقايسى جاقتارمەن تىلدەسۋدى، سايكەسۋدى كۇشەيتىپ، بىرگە قۇلشىنىپ، افعانستان حالقىنىڭ نۇرلى بولاشاققا قادام تاستاۋىن قولداپ، وسى ٴوڭىردىڭ باياندى بەيبىتشىلىگى مەن تىنىشتىعىن قورعاۋدى قالايدى.

    تاجىكستاننىڭ پرەزيدەنتى راحمون ٴماجىلىستى باسقاردى، قازاقستاننىڭ پرەزيدەنتى توقايەۆ، قىرعىزستاننىڭ پرەزيدەنتى زاپاروۆ، پاكيستاننىڭ زۇڭليى يمرانحان، وزبەكستاننىڭ پرەزيدەنتى ميرزيويەۆ، ارمەنيانىڭ زۇڭليى پاسنيان، بەلورۋسسيانىڭ پرەزيدەنتى لۋكاشەنكو، يراننىڭ پرەزيدەنتى رايسي ماجىلىسكە قاتىناستى. رەسەيدىڭ پرەزيدەنتى پۋتين، ينديانىڭ زۇڭليى مودي بەينە ەكران ارقىلى باسشىلار ماجىلىسىنە قاتىناستى.

    ديڭ شۋەشياڭ، ياڭ جيەچى، حى ليفىڭ قاتارلىلار ماجىلىسكە قاتىناستى.

    ۋاڭ ي ٴتوراعا شي جينپيڭنىڭ ەرەكشە ۋاكىلى رەتىندە تاجىكستاندا ناق مايدان ماجىلىسكە قاتىناستى.

اۋدارعان: نازار ٴارىپ ۇلى