ينفورماتسيا اشكەرەلەۋ: mzjubao@cnr.cn

ءتوراعا شي جينپيڭىنىڭ حابارلارى

شي جينپيڭ گەرمانيانىڭ زۇڭليى مەركەلمەن بەينە ەكران فورماسىندا كەڭەس وتكىزدى

来源:جۇڭگو قازاق راديو تورابى     |责编:阿依娜古丽|     发布日期: 2021-10-14 09:28

 

ٴوز حابارىمىز. مەملەكەت ٴتوراعاسى شي جينپيڭ 10-ايدىڭ 13-كۇنى گەرمانيانىڭ زۇڭليى مەركەلمەن بەينە ەكران فورماسىدا كەڭەس وتكىزدى. ەكى جاق دوستىق پەيىلدە جۇڭگو ـ گەرمانيا، جۇڭگو ـ ەۆروپا قاتىناسىنىڭ تاياۋ جىلداردان بەرگى دامۋلارىن ەسكە الدى ٴارى قاتىستى ماسەلەلەر جونىندە ىشكەرىلەي پىكىر اۋىستىردى.


    شي جينپيڭ مەركەلدىڭ جۇڭگو ـ گەرمانيا، جۇڭگو ـ ەۆروپا قاتىناسىن دامىتۋعا قوسقان ۇلەسىن بەلسەندى باعالادى. شي جينپيڭ بىلاي دەپ انىق ايتتى: ادامدار تانىستىعىندا ٴوزارا تۇسىنۋ ماڭىزدى،ال، ٴوزارا تۇسىنۋدە شىنايىلىق ماڭىزدى. مۇنى ٴبىزدىڭ كوپ جىلدان بەرگى ىشكەرىلەي بارىس ـ كەلىس جاساۋىمىزدىڭ تاماشا تۇسىندىرمەسى ٴارى وتكەن 16 جىلدان بەرگى جۇڭگو ـ گەرمانيا قاتىناسىنىڭ ورنىقتى، اقاۋسىز دامۋىن ساقتاۋداعى ماڭىزدى تاجىريبە دەۋگە بولادى. جۇڭگولىقتار سۇيىسپەنشىلىككە، ادىلەتتىلىككە ٴمان بەرەدى، ٴبىز كونە دوسىمىزدى ۇمىتپايمىز، جۇڭگونىڭ قاقپاسى قاي-قاشان دا سىزگە ايقارا اشىلادى. ٴسىزدىڭ جۇڭگو ـ گەرمانيا، جۇڭگو-ەۆروپا قاتىناسىنىڭ دامۋىنا ۇزدىكسىز كوڭىل ٴبولۋىڭىزدى جانە قولداۋ كورسەتۋىڭىزدى ٴۇمىت ەتەمىن.


    شي جينپيڭ بىلاي دەپ باسا دارىپتەدى: ٴبىز ەكى جاقتى قاتىناس، كەلەلى حالىقارالىق جانە وڭىرلىك ماسەلەلەر، ەل باسقارۋ تاجىريبەسى سياقتىلار جونىندە تالاي رەت ىشكەرىلەي اۋىس-كۇيىس جاساپ، ەكى جاقتى قاتىناستىڭ العا قاراي دامۋىن ورتاق جەبەپ، جۇڭگو ـ گەرمانيا سەلبەستىگىندە الەمدىك سىن-سايىستارعا توتەپ بەرۋدى دەمەدىك. جۇڭگو مەن گەرمانيا ٴوزارا ٴتيىمدى سەلبەستىك رۋحىن نەگىز ەتىپ، ەكى ەل ەكونوميكاسىنىڭ ٴوزارا تولىقتاۋ سيپاتىن ساۋلەلەندىرىپ، ورتاق يگىلىكتەنۋدى جۇزەگە اسىردى. جۇڭگو مەن گەرمانيا ەلدەرىنىڭ وزىندىك دامۋ جاعدايى جاقسى، دۇنيە ٴجۇزى ەكونوميكاسىنا قوسقان ۇلەسى دە اناعۇرلىم زور بولىپ كەلەدى. بۇدان مەملەكەت پەن مەملەكەت اراسىنداعى نولدىك جيىنتىق باسەكەسىنەن بۇكىلدەي ساقتانۋعا جانە ٴوزارا پايدا جەتكىزە ورتاق يگىلىكتەنۋدى جۇزەگە اسىرۋعا ابدەن بولاتىندىعىن كورە الامىز، بۇل-جۇڭگو ـ گەرمانيا قاتىناسىندا مىقتى يگەرۋگە ٴتيىستى نەگىزگى باعىت ەسەپتەلەدى. كەلەر جىلى جۇڭگو مەن گەرمانيانىڭ ديپلوماتيالىق قاتىناس ورناتقاندىعىنىڭ 50 جىلدىعى. ەكى جاق قاتىناسىنىڭ دامۋى قالاي بەتتەيدى، دۇرىس بەتالىستى ساقتاۋ توتەنشە ماڭىزدى. ەلىمىز جۇڭگو ـ گەرمانيا قاتىناسىنا باستان ـ اياق ستراتەگيالىق جانە ۇزاق بولاشاقتىق تۇرعىدان مامىلە جاسايدى، گەرمانيامەن جوعارى جىكتەگىلەر بارىس ـ كەلىسىن ساقتاپ، ٴوزارا تۇسىنىستىكتى جانە حالىقتار دوستىعىن نىعايتىپ، ٴداستۇرلى سالالارداعى سەلبەستىك كومەسكى كۇشىن ىشكەرىلەي اشىپ، ەنەرگيا سالاسىندا بۇرىلىس جاساۋ، جاسىل دامۋ جانە سيفرلى ەكونوميكا سياقتى ناقتى سەلبەستىك جاڭا سالالارىن بەلسەنە اشىپ، جۇڭگو ـ گەرمانيا سەلبەستىگىن ىشكەرىلەتە، ناقتىلاندىرا ٴتۇسۋدى قالايدى.


    شي جينپيڭ مىنالاردى انىق ايتتى: بەيبىتشىلىك پەن دامۋعا تالپىنۋ-جۇڭگو جانە ەۆروپا ەلدەرىنىڭ ورتاق تىلەگى. جۇڭگو مەن ەۆروپا كوپ جاقتىلىقتى قورعاۋدى دارىپتەيدى، ەكى ەل دە ساۋدا جانە قارجى قوسۋدىڭ ەركىندەنۋىن، قولايلىلانۋىن قولدايدى، ەكى ەل دە جۇڭگو مەن ەۆروپانىڭ ورتاق مۇددەسى قايشىلىق پەن الاۋىزدىقتان الدەقايدا باسىم تۇرادى دەپ قارايدى. قازىر دۇنيە ٴجۇزى بويىنشا جاڭا ٴتيپتى ايدارشا ۆيرۋسپەن جۇعىمدالعان وكپە قابىنۋ اۋرۋىنا قارسى تۇرۋ جانە دۇنيە ٴجۇزى ەكونوميكاسىنىڭ قالپىنا كەلۋىن ىلگەرىلەتۋ شەشۋشى كەزەڭدە تۇر، الەمدىك ماسەلەلەر بارعان سايىن كوبەيىپ كەلە جاتقان جانە ورنىقسىزدىق، تۇراقسىزدىق ۇزدىكسىز ۇدەگەن جاعدايدا، جۇڭگو مەن ەۆروپا دۇنيە جۇزىندەگى ەكى ۇلكەن ماڭىزدى كۇش رەتىندە سەلبەستىكتى كۇشەيتىپ، ىنتىماقتاسا توتەپ بەرۋگە مىندەتتى. ەكى جاق جۇڭگو ـ ەۆروپا قاتىناسىنا اناعۇرلىم كەڭ كوز ايامەن قاراپ، وبيەكتيۆ، جان ـ جاقتى تانىپ، پارىقتى الاۋىزدىقتاردى اقىلعا سيىمدى، بايسالدى، سىندارلى تۇردە ٴبىر جاقتى ەتۋى كەرەك. ەۆروپا جاقتىڭ دەربەس، ٴوز ـ وزىنە قوجايىن بولۋدان كوزجازباي، ەۆروپا وداعىنىڭ ٴوز مۇددەسى مەن حالىقارالىق قوعامنىڭ ىنتىماعىن شىن مانىندە قورعاپ، جۇڭگو جاقپەن جانە باسقا دا ەلدەرمەن بىرلىكتە بەيبىتشىلىك پەن دامۋدىڭ عاسىرلىق قيىن ماسەلەلەرىن شەشۋگە ورتاق كۇش سالۋىن ٴۇمىت ەتەمىن.


    مەركەل بىلاي دەدى: 10 نەشە جىلدان بەرى جالعاسىپ كەلە جاتقان ٴار رەتكى بارىس-كەلىس، قارىم قاتىناس تۇگەلدەي سانامدا سايراپ تۇر. ٴبىز ورتاق كوڭىل ٴبولىپ وتىرعان ماسەلەلەر جونىندە بۇكپەسىز، ىشكەرىلەي اۋىس ـ كۇيىس جاساپ، ٴوزارا تۇسىنىستىكتى تەرەڭدەتىپ، گەرمانيا ـ جۇڭگو قاتىناسى مەن ەۆروپا ـ جۇڭگو سەلبەستىگىنىڭ تاماشا دامۋىن جەبەدىك. مەن گەرمانيانىڭ زۇڭليى بولعان كەزىمدە، جۇڭگو جەدەل دامۋدى جۇزەگە اسىردى، مەملەكەت قۋاتى قازىر بۇرىنعىمەن سالىستىرۋعا كەلمەستەي نىعايدى، سونداي ـ اق وراسان زور كومەسكى كۇش ايگىلەندى. مەن ەۆروپا وداعىنىڭ جۇڭگومەن قاتىناسىن دەربەس، ٴوز - وزىنە قوجايىن بولا وتىرىپ دامىتۋدى، ەكى جاقتىڭ ٴوزارا پارىق پەن الاۋىزدىق ٴومىر ٴسۇرىپ وتىرعان ماسەلەلەر جونىندە پىكىرلەسۋىن، اۋىس-كۇيىستى كۇشەيتۋىن دارىپتەپ كەلەمىن، ەۆروپا - جۇڭگو قاتىناسىنىڭ ٴتۇرلى كۇردەلى فاكتورلاردى جەڭۋ بارىسىندا ۇزدىكسىز دامي الاتىندىعىنا سەنەمىن. گەرمانيا جۇڭگونىڭ كليمات وزگەرىسىنە توتەپ بەرۋ جانە ورگانيزمدەردىڭ الۋان تۇرلىلىگىن قورعاۋ جولىنداعى قۇلشىنىستارىن القايدى، جۇڭگومەن بىرگە قۇلشىنىپ گەرمانيا مەن جۇڭگونىڭ ديپلوماتيالىق قاتىناس ورناتقاندىعىنىڭ 50 جىلدىعىن قۇتتىقتاۋ قيمىلىن ويداعىداي وتكىزىپ، ەكى جاقتى جانە كوپ جاقتى سەلبەستىكتى ۇزدىكسىز كۇشەيتۋدى، الەمدىك سايىستارعا ورتاق توتەپ بەرۋدى قالايدى. مەن گەرمانيا مەن جۇڭگونىڭ، ەۆروپا مەن جۇڭگونىڭ تۇسىنىستىگى مەن سەلبەستىگىن جەبەۋ جولىندا ۇزدىكسىز بەلسەنە كۇش قوسامىن.


    ۋاڭ يي، حى ليفىڭ قاتارلىلار جوعارىداعى قيمىلعا قاتىناستى.


اۋدارعان: قاناتبەك جۇماباي ۇلى

中央广播电视总台 央广网 版权所有

شي جينپيڭ گەرمانيانىڭ زۇڭليى مەركەلمەن بەينە ەكران فورماسىندا كەڭەس وتكىزدى

مەملەكەت ٴتوراعاسى شي جينپيڭ 10-ايدىڭ 13-كۇنى گەرمانيانىڭ زۇڭليى مەركەلمەن بەينە ەكران فورماسىدا كەڭەس وتكىزدى. ەكى جاق دوستىق پەيىلدە جۇڭگو ـ گەرمانيا، جۇڭگو ـ ەۆروپا قاتىناسىنىڭ تاياۋ جىلداردان بەرگى دامۋلارىن ەسكە الدى ٴارى قاتىستى ماسەلەلەر جونىندە ىشكەرىلەي پىكىر اۋىستىردى.