ينفورماتسيا اشكەرەلەۋ: mzjubao@cnr.cn

ءتوراعا شي جينپيڭىنىڭ حابارلارى

شي جينپيڭ ج ك پ ورتالىق كوميتەتى ساياسي بيۋروسىنىڭ 34-رەتكى كوللەكتيۆ ۇيرەنۋىندە سيفرلى ەكونوميكانىڭ دامۋ بەتالىسى مەن زاڭدىلىعىن يگەرۋ، ەلىمىزدىڭ سيفرلى ەكونوميكاسىنىڭ اقاۋسىز دامۋىن ىلگەرىلەتۋ كەرەك دەپ باسا دارىپتەدى

来源:جۇڭگو قازاق راديو تورابى     |责编:古丽美热|     发布日期: 2021-10-20 09:50

 

ٴوز حابارىمىز. ج ك پ ورتالىق كوميتەتىنىڭ ساياسي بيۋروسى 10-ايدىڭ 18-كۇنى تۇستەن كەيىن ەلىمىزدىڭ سيفرلى ەكونوميكاسىنىڭ اقاۋسىز دامۋىن ىلگەرىلەتۋ جونىندە 34-رەتكى كوللەكتيۆ ۇيرەنۋ وتكىزدى. ج ك پ ورتالىق كوميتەتىنىڭ باس شۋجيى شي جينپيڭ ۇيرەنۋدى باسقارعاندا مىنالاردى باسا دارىپتەدى: سوڭعى جىلداردان بەرى، ينتەرنەت، ٴىرى ساندى مالىمەت، بۇلتتىق ەسەپتەۋ، جاساندى زەيىن، وڭىرلىك تىزبەك سياقتى تەحنيكالاردا جەدەل جاڭالىق جاراتىلىپ، ەكونوميكالىق، قوعامدىق دامۋدىڭ ٴار سالاسىنىڭ جالپى بارىسىنا كۇن سايىن توعىسىپ، سيفرلى ەكونوميكانىڭ دامۋ قارقىنىنىڭ تەزدىگى، ىقپال كولەمىنىڭ كەڭدىگى، ىقپال دارەجەسىنىڭ تەرەڭدىگى بۇرىن بولماعان دەڭگەيگە جەتىپ، الەمدىك فاكتور بايلىعىن قايتا قۇرۋداعى، الەمدىك ەكونوميكالىق قۇرىلىمدى قايتا قۇرۋداعى، الەمدىك باسەكە جاعدايىن وزگەرتۋدەگى شەشۋشى كۇشكە اينالدى. جۇڭحۋا ۇلتىنىڭ ۇلى كوركەيۋى ستراتەگياسىنىڭ جالپى جاعدايى جانە دۇنيە جۇزىندە ٴجۇز جىلدان بەرى بولماعان زور وزگەرىس جاعدايىن ٴبىر تۇتاس جوسپارلاۋ تۇرعىسىنان، ەل ٴىشى، حالىقارا سىندى ەكى جالپى جاعدايدى، دامۋ، حاۋىپسىزدىك سىندى ەكى ٴىرى ٴىستى ٴبىر تۇتاس جوسپارلاۋ؛ شەكسىز مول ساندى مالىمەت جانە مول قولدانىلمالى تۇتىنۋ بازارى ابزالدىلىعىن تولىق ساۋلەلەندىرۋ؛ سيفرلى تەحنيكا مەن ناقتى ەكونوميكانىڭ ىشكەرىلەي توعىسۋىن جەبەۋ؛ ٴداستۇرلى شارۋاشىلىقتىڭ ارتۋ فورماسىندا بۇرىلىس جاساپ ساپالاندىرۋ ارقىلى جاڭا كاسىپ سالاسىنىڭ، جاڭا كاسىپ فورماتسياسىنىڭ، جاڭا ۇلگىنىڭ جارىققا شىعۋىنا دەم بەرىپ، ەلىمىزدىڭ سيفرلى ەكونوميكاسىن ۇزدىكسىز كۇشەيتۋ، ساپالاندىرۋ، زورايتۋ كەرەك. 

    جۇڭگو عىلىم اكادەمياسىنىڭ اكادەميگى، نانجيڭ ۋنيۆەرسيتەتىنىڭ باستىعى لۇي جيان پروفەسسور وسى ماسەلە جونىندە تۇسىنىك جاساپ، قىزمەت ۇسىنىسىن ورتاعا قويدى. ورتالىق كوميتەت ساياسي بيۋروسىنداعى جولداستار ونىڭ تۇسىندىرمەسىن مۇقيات تىڭدادى ٴارى تالقى جۇرگىزدى.

شي جينپيڭ ۇيرەنۋدى باسقارعاندا ٴسوز سويلەدى. ول مىنالاردى انىق ايتتى: پارتيا 18-قۇرىلتايىنان بەرى، پارتيا ورتالىق كوميتەتى سيفرلى ەكونوميكانى دامىتۋعا ايرىقشا ٴمان بەرىپ، ينتەرنەتتە قۇدىرەتتى ەل بولۋ ستراتەگياسىن جانە مەملەكەتتىڭ ٴىرى ساندى مالىمەت ستراتەگياسىن اتقارىپ، ينتەرنەت ەكونوميكا ٴورىسىن كەڭەيتىپ، ينتەرنەتتى نەگىز ەتكەن ٴتۇرلى جاڭالىق جاراتۋعا قولداۋ كورسەتىپ، ينتەرنەتتىڭ، ٴىرى ساندى مالىمەتتىڭ، جاساندى زەيىننىڭ جانە ناقتى ەكونوميكانىڭ ىشكەرىلەي توعىسۋىن ىلگەرىلەتتى؛ سيفرلى جۇڭگو، زەيىندەستىرىلگەن قوعام قۇرىپ، سيفرلى كاسىپ سالالاندىرۋدى جانە كاسىپ سالاسىنىڭ سيفرلانۋىن ىلگەرىلەتتى؛ حالىقارالىق باسەكەلىك قۋاتقا يە سيفرلى كاسىپ شوعىرىن قالىپتاستىردى؛ ەلىمىزدىڭ سيفرلى ەكونوميكاسىنىڭ دامۋى ٴبىرشاما تەز، تابىسى كورنەكتى بولدى. اسىرەسە، جاڭا ٴتيپتى ايدارشا ۆيرۋسپەن جۇعىمدالعان وكپە قابىنۋ اۋرۋى تارالعاننان بەرى، سيفرلى تەحنيكا، سيفرلى ەكونوميكا جاڭا ٴتيپتى ايدارشا ۆيرۋسپەن جۇعىمدالعان وكپە قابىنۋ اۋرۋىنا قارسى تۇرۋدى قولداۋ، ءوندىرىس پەن تۇرمىستى قالپىنا كەلتىرۋ جاقتارىندا ماڭىزدى رول اتقاردى. 

    شي جينپيڭ مىنالاردى باسا دارىپتەدى: سيفرلى ەكونوميكانى دامىتۋ-جاڭا كەزەكتى عىلىم-تەحنيكا توڭكەرىسى مەن كاسىپ وزگەرىسىنىڭ جاڭا ورايىن يگەرۋدەگى ستراتەگيالىق تالعام. ٴبىرىنشى، سيفرلى ەكونوميكانىڭ اقاۋسىز دامۋى جاڭا دامۋ جاعدايىن ورناتۋعا ٴتيىمدى. سيفرلى تەحنيكا، سيفرلى ەكونوميكا ٴتۇرلى بايلىق فاكتورلارىنىڭ جەدەل اۋىسۋىن، ٴتۇرلى بازار تۇلعالارىنىڭ جەدەل توعىسۋىن ىلگەرىلەتەدى؛ بازار نەگىزگى تۇلعالارىنىڭ ۇيىمدىق ۇلگىنى قايتا قۇرۋىنا دەم بەرەدى؛ شەكارا اتتاپ دامۋدى جۇزەگە اسىرىپ، ۋاقىت پەن كەڭىستىك شەكتەمەسىن بۇزىپ، كاسىپ تىزبەگىن ۇزارتىپ، ەل ٴىشى-سىرتىنداعى ەكونوميكالىق اينالىمدى ىركىلىسسىزدەندىرەدى. ەكىنشى، سيفرلى ەكونوميكانىڭ اقاۋسىز دامۋى وسىزاماندانعان ەكونوميكالىق جۇيە قۇرۋدى ىلگەرىلەتۋگە ٴتيىمدى. سيفرلى ەكونوميكا جوعارى دەڭگەيلى جاڭالىق جاراتۋ سيپاتىنا، كۇشتى ٴسىڭۋ سيپاتىنا، كەڭ قامتۋ سيپاتىنا يە. ول جاڭا ەكونوميكالىق ارتۋ ٴتۇيىنى عانا ەمەس، ونىڭ ۇستىنە ٴداستۇرلى شارۋاشىلىقتى وزگەرتۋدىڭ، ساپالاندىرۋدىڭ تىرەگى، وسىزاماندانعان ەكونوميكالىق جۇيە قۇرۋدىڭ ماڭىزدى قوزعالتقىشى بولا الادى. ٴۇشىنشى، سيفرلى ەكونوميكانىڭ اقاۋسىز دامۋى مەملەكەت باسەكەسىنىڭ جاڭا ابزالدىلىعىن قالىپتاستىرۋدى ىلگەرىلەتۋگە ٴتيىمدى. بۇگىنگى داۋىردە سيفرلى تەحنيكا، سيفرلى ەكونوميكا دۇنيە جۇزىلىك عىلىم-تەحنيكا توڭكەرىسى مەن كاسىپ وزگەرىسىنىڭ ۇتىمدى ورايى، جاڭا كەزەكتى حالىقارالىق باسەكەدەگى ٴتۇيىندى سالا ەسەپتەلەدى، ٴبىز ۇتىمدى ورايدى مىقتى يگەرىپ، بولاشاق دامۋدىڭ بيىك بەلەسىنە شىعۋىمىز كەرەك. 

    شي جينپيڭ مىنالاردى انىق ايتتى: شەشۋشى، وزەكتى تەحنيكالاردان قامال الۋدى كۇشەيتۋ؛ دەربەس جاڭالىق جاراتۋ سىندى «باس بۇيدانى» مىقتى يگەرۋ؛ ەلىمىزدىڭ سوتسياليستىك ٴتۇزىم ابزالدىلىعىن، بۇكىل مەملەكەتتىك ٴتۇزىلىس ابزالدىلىعىن، ەرەكشە كەڭ كولەمدى بازار ابزالدىلىعىن ساۋلەلەندىرىپ، سيفرلى تەحنيكانىڭ نەگىزدىك زەرتتەۋ-تاپقىرلاۋ قابىلەتىن جوعارىلاۋ؛ شەشۋشى، وزەكتى تەحنيكالاردان قامال الۋ شايقاسىن ويداعىداي جۇرگىزۋ؛ جوعارى دەڭگەيدە ٴوز كۇشىنە سۇيەنىپ الۋەتتەنۋدى تەز ارادا جۇزەگە اسىرۋ كەرەك؛ سيفرلى ەكونوميكانى دامىتۋ دەربەس ۇقىعىن ٴوز قولىمىزدا بەرىك ۇستاۋىمىز كەرەك. 

    شي جينپيڭ بىلاي دەپ باسا دارىپتەدى: جاڭاشا نەگىزدىك قۇرىلعى قۇرىلىسىن جەدەلدەتۋ؛ ستراتەگيالىق ورنالاستىرۋدى كۇشەيتۋ؛ جوعارى جىلدامدىقپەن جالپى جۇزدىك دامۋدى، اسپان مەن جەر ٴبىر تۇلعالانعان، بۇلتتىق ٴتاسىل مەن ينتەرنەت توعىسقان، زەيىندەستىرىلگەن ٴارى يكەمدى، جاسىل، تومەن كومىرتەكتى، حاۋىپسىز، مەڭگەرۋگە بولاتىن زەيىندەستىرىلگەن جالپىلىق سيفرلى ينفورماتسيا نەگىزدىك قۇرىلعىلارىن قۇرۋدى جەدەلدەتۋ؛ ەكونوميكالىق، قوعامدىق دامۋ ينفورماتسياسىنىڭ «كۇرە تامىرىن» تاۋىپ شىعۋ كەرەك. كاسىپ سالالاندىرۋدى، كولەمدەندىرىپ قولدانۋدى جالپى بەتتىك ىلگەرىلەتۋ؛ شەشۋشى جۇمساق بولشەكتەردەن ٴتۇيىندى تۇردە قامال الىپ، جۇمساق بولشەك كاسىبىنىڭ زورايۋىن، كۇشەيۋىن ىلگەرىلەتىپ، شەشۋشى جۇمساق بولشەك تەحنيكاسىندا جاڭالىق جاراتۋ جانە قامداۋ قابىلەتىن جوعارىلاتۋ كەرەك. 

    شي جينپيڭ بىلاي دەپ انىق ايتتى: سيفرلى ەكونوميكا مەن ناقتى ەكونوميكانىڭ توعىسپالى دامۋىن ىلگەرىلەتۋ؛ سيفرلاندىرۋ، توراپتاندىرۋ، زەيىندەستىرۋ بەتالىسىن يگەرۋ؛ جاساۋ كاسىبى، قىزمەت وتەۋ كاسىبى، اۋىل شارۋاشىلىعى سياقتى كاسىپتەردىڭ سيفرلانۋىن جەدەلدەتۋ؛ ينتەرنەت جاڭا تەحنيكاسىنان پايدالانىپ ٴداستۇرلى كاسىپتەرگە جالپى جۇزدىك، تۇتاس تىزبەكتى وزگەرىس جاساپ، جالپى فاكتورلىق ٴوندىرىس ونىمدىلىگىن جوعارىلاتىپ، سيفرلى تەحنيكانىڭ ەكونوميكانىڭ دامۋىنداعى ۇلعايۋ، قاباتتاسۋ، ەسەلەپ ارتۋ رولىن ساۋلەلەندىرۋ كەرەك. ينتەرنەتتىڭ، ٴىرى ساندى مالىمەتتىڭ، جاساندى زەيىننىڭ كاسىپ سالاسىمەن تەرەڭدەي توعىسۋىن ىلگەرىلەتىپ، ٴبىر توپ «ارنايىلاندىرىلعان، كەمەلدەندىرىلگەن، ەرەكشەلەندىرىلگەن، جاڭاشالاندىرىلعان» كاسىپورىنداردىڭ جانە جاساۋ كاسىبىنىڭ جەكە تۇرىندە جۇلدەگەر كاسىپورىنداردى جەدەل جەتىلدىرۋ كەرەك. ٴتۇيىندى سالالارداعى سيفرلى كاسىپتەردىڭ دامۋىن ىلگەرىلەتۋ؛ نازاردى ستراتەگيالىق الدىڭعى لەككە جانە بيىك دەڭگەيگە شوعىرلاندىرۋ؛ كەلەلى تەحنيكالاردان قامال الۋدى جانە كەلەلى دامۋ قاجەتىن تياناق ەتۋ؛ كاسىپ تىزبەگىنىڭ شەشۋشى بۋىندارىنداعى باسەكەلىك قۋاتتى كۇشەيتۋ؛ ٴتۇيىندى كاسىپتەردىڭ قامداۋ تىزبەگى جۇيەسىن كەمەلدەندىرۋ؛ ٴونىم تۇرلەرىندە جانە قىزمەت وتەۋدە ٴداۋىر جاڭالاۋدى جەدەلدەتۋ كەرەك. 

    شي جينپيڭ مىنالاردى باسا دارىپتەدى: سيفرلى ەكونوميكانىڭ دامۋىن جۇيەگە ٴتۇسىرۋ؛ دامۋدى جەبەۋ مەن باقىلاۋ-باسقارۋدى جۇيەگە ٴتۇسىرۋ سىندى ەكى جاقتى يگەرۋگە، ەكى جاقتى دا قاتاڭ يگەرۋگە تاباندى بولۋ؛ دامۋ بارىسىندا جۇيەگە ٴتۇسىرىپ، جۇيەگە ٴتۇسىرۋ بارىسىندا دامىتۋ كەرەك. بازارعا كىرۋگە رۇقسات ەتۋ ٴتۇزىمىن، ٴادىل باسەكەنى تەكسەرۋ ٴتۇزىمىن، ٴادىل باسەكەنى باقىلاۋ-باسقارۋ ٴتۇزىمىن اقاۋسىزداندىرۋ؛ جالپى جۇزدىك، كوپ ساتىلى، سترەولدى باقىلاۋ-باسقارۋ جۇيەسىن ورناتۋ؛ ىستەن بۇرىنعى، ىستەن كەيىنگى تۇتاس تىزبەك، تۇتاس سالا بويىنشا باقىلاۋ-باسقارۋدى جۇزەگە اسىرۋ كەرەك. بۇقارانىڭ مۇددەسىنە زيان جەتكىزەتىن، ٴادىل باسەكەگە كەدەرگى بولاتىن ارەكەتتەر مەن تاسىلدەردى دامۋ بارىسىندا تۇزەتۋ جانە جۇيەگە ٴتۇسىرۋ؛ تەكشە مونوپولياسىنان جانە كاپيتالدىڭ ٴتارتىپسىز كەڭەيۋىنەن ساقتانۋ؛ مونوپوليالاۋ جانە جويداقسىز باسەكە ارەكەتتەرىن زاڭ بويىنشا تەكسەرىپ ٴبىر جايلى ەتۋ كەرەك. تەكشەدە كاسىپپەن شۇعىلدانۋشىلار مەن تۇتىنۋشىلاردىڭ زاڭدى ۇقىق-مۇددەسىن قورعاۋ كەرەك. باجى ىستەرىن باقىلاۋ-باسقارۋ مەن باجى ىستەرىن تەكسەرۋدى كۇشەيتۋ كەرەك. 

    شي جينپيڭ بىلاي دەپ انىق ايتتى: سيفرلى ەكونوميكانى باسقارۋ جۇيەسىن كەمەلدەندىرۋ؛ زاڭ-ەرەجەلەردى جانە ساياسات-تۇزىمدەردى اقاۋسىزداندىرۋ؛ ٴتۇزىلىس مەحانيزمىن كەمەلدەندىرۋ؛ ەلىمىزدىڭ سيفرلى ەكونوميكانى باسقارۋ جۇيەسى مەن باسقارۋ قابىلەتىن وسىزامانداندىرۋ دەڭگەيىن جوعارىلاتۋ كەرەك. باسقارۋشى تاراۋلاردىڭ، باقىلاۋ-باسقارۋ قۇرىلىمدارىنىڭ قىزمەت جاۋاپكەرشىلىگىن كەمەلدەندىرۋ؛ جۇمىس ٴبولىسى بويىنشا سەلبەسىپ، ٴوزارا سايكەسۋ كەرەك. باقىلاۋ-باسقارۋ تەحنيكاسى مەن ٴتاسىلىن جاقسارتۋ جانە جوعارىلاتۋ؛ باقىلاۋ باسقارۋدى جاڭالىق جاراتۋ، ٴوندىرۋ، تيجارات جۇرگىزۋ، قارجى قوسۋدىڭ تۇتاس بارىسىنا ٴسىڭىرۋ كەرەك. تەكشە كاسىپورىندارىنىڭ نەگىزگى تۇلعالىق جاۋاپكەرشىلىگى مەن بورىشىن ايقىنداۋ؛ كاسىپ سالاسىنىڭ ٴوزىن تەجەۋ مەحانيزمىن ورناتۋ كەرەك. قوعامدىق باقىلاۋدى، مەديالاردى باقىلاۋدى، الەۋمەتتىك باقىلاۋدى ورىستەتىپ، باقىلاۋ كۇش بىرلىگىن قالىپتاستىرۋ كەرەك. مەملەكەت حاۋىپسىزدىگى ٴتۇزىمى جۇيەسىن كەمەلدەندىرۋ كەرەك. سيفرلى ەكونوميكانى دامىتۋ جونىندەگى نازاريالىق زەرتتەۋدى كۇشەيتۋ؛ سيفرلى تەحنيكا مەن سيفرلى ەكونوميكانىڭ دامۋىنا ساياتىن ماسەلەلەر جونىندە سايكەستى ۇسىنىستار قويۋ كەرەك. سيفرلى ەكونوميكا حالىقارالىق سەلبەستىگىنە بەلسەنە ات سالىسۋ؛ حالىقارالىق ۇيىمداردىڭ سيفرلى ەكونوميكا كەڭەس تاقىرىبى كەلىسسوزىنە ىرىقتىلىقپەن قاتىناسۋ؛ ەكى جاقتى، كوپ جاقتى سيفرلى باسقارۋ سەلبەستىگىن ورىستەتۋ؛ كوپ جاقتى سيفرلى ەكونوميكانى باسقارۋ مەحانيزمىن قورعاۋ جانە كەمەلدەندىرۋ؛ جۇڭگو جوباسىن دەر كەزىندە العا قويۋ، جۇڭگو ٴۇنىن شىعارۋ كەرەك. 

    شي جينپيڭ مىنالاردى باسا دارىپتەدى: سيفرلى ەكونوميكا مەملەكەتتىڭ دامۋ جالپى جاعدايىنا سايادى، ەلىمىزدىڭ سيفرلى ەكونوميكاسىنىڭ دامۋىن جوعارى دەڭگەيدە جوبالاۋ جانە ٴتۇزىلىس-مەحانيزم قۇرىلىسىن ويداعىداي ىستەۋ؛ جاعدايعا تۇجىرىم جاساۋدى كۇشەيتۋ؛ ورايدى يگەرىپ، ىرىقتىلىققا قول جەتكىزۋ كەرەك. ٴار دارەجەلى باسشى كادرلار سيفرلى ەكونوميكا جونىندەگى ويلاۋ قابىلەتىن جانە كاسىپتىك ساپانى جوعارىلاتۋ؛ سيفرلى ەكونوميكانى دامىتۋ قابىلەتىن ٴوسىرۋ؛ حاۋىپسىزدىك تانىمىن كۇشەيتۋ؛ سيفرلى ەكونوميكانىڭ جاڭا دامۋ جاعدايىنا اناعۇرلىم ويداعىداي قىزمەت وتەۋدى جانە توعىسۋدى جەبەۋ كەرەك. جالپى حالىقتىڭ، بۇكىل قوعامنىڭ سيفرلى تەحنيكا ساپاسىن جانە تەحنيكالىق ونەرىن جوعارىلاتىپ، ەلىمىزدىڭ سيفرلى ەكونوميكا دامۋىنىڭ قوعامدىق نەگىزىن بەكەمدەۋ كەرەك.


اۋدارعان: قاناتبەك جۇماباي ۇلى 

中央广播电视总台 央广网 版权所有

شي جينپيڭ ج ك پ ورتالىق كوميتەتى ساياسي بيۋروسىنىڭ 34-رەتكى كوللەكتيۆ ۇيرەنۋىندە سيفرلى ەكونوميكانىڭ دامۋ بەتالىسى مەن زاڭدىلىعىن يگەرۋ، ەلىمىزدىڭ سيفرلى ەكونوميكاسىنىڭ اقاۋسىز دامۋىن ىلگەرىلەتۋ كەرەك دەپ باسا دارىپتەدى

جالپى حالىقتىڭ، بۇكىل قوعامنىڭ سيفرلى تەحنيكا ساپاسىن جانە تەحنيكالىق ونەرىن جوعارىلاتىپ، ەلىمىزدىڭ سيفرلى ەكونوميكا دامۋىنىڭ قوعامدىق نەگىزىن بەكەمدەۋ كەرەك