ينفورماتسيا اشكەرەلەۋ: mzjubao@cnr.cn

ءتوراعا شي جينپيڭىنىڭ حابارلارى

شي جينپيڭ تۇڭعىش كەزەكتى جۇڭگو ينتەرنەت وركەنيەتى جينالىسىنىڭ اشىلعاندىعىن حات جولداپ قۇتتىقتادى

来源:جۇڭگو قازاق راديو تورابى     |责编:阿依娜古丽|     发布日期: 2021-11-20 17:56

 

ٴوز حابارىمىز. تۇڭعىش كەزەكتى جۇڭگو ينتەرنەت وركەنيەتى جينالىسى 11-ايدىڭ 19 ـ كۇنى تۇستەن بۇرىن بەيجيڭدە اشىلدى. ج ك پ ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ قۇتتىقتاۋ حاتىن جولداپ، جينالىستىڭ اشىلعاندىعىن شىنايى قۇتتىقتاپ، جينالىسقا قاتىناسقان ٴار سالا قايراتكەرلەرىن قىزۋ قارسى الاتىندىعىن ٴبىلدىردى.


    شي جينپيڭ قۇتتىقتاۋ حاتىندا مىنالاردى باسا دارىپتەدى: ينتەرنەت وركەنيەتى- جاڭا جاعدايداعى قوعامدىق وركەنيەتتىڭ ماڭىزدى مازمۇنى، ينتەرنەتتە قۇدىرەتتى ەل قۇرۋدىڭ ماڭىزدى سالاسى. سوڭعى جىلداردان بەرى، ەلىمىز ينتەرنەت مازمۇنى قۇرىلىسىن بەلسەنە ىلگەرىلەتىپ، جاڭا سالت ورناتىپ، وڭ ەنەرگيا توپتاپ، ينتەرنەت ەكولوگياسىن ىشكەرىلەي جونگە ٴتۇسىرىپ، ينتەرنەت وركەنيەتى قۇرىلىسىندا كورنەكتى ونىمدىلىككە قول جەتكىزدى. دامۋ مەن جونگە سالۋدىڭ بىرلىگىنە، ينتەرنەت پەن ينتەرنەتتەن سىرت ورتانىڭ توعىسۋىنا تاباندى بولىپ، العا باسۋعا، ىزگىلىككە تالپىناتىن كۇشتەردى كەڭىنەن توپتاۋ كەرەك. ٴار دارەجەلى پارتكومدار مەن ۇكىمەتتەر جاۋاپكەرشىلىكتى ارقالاۋى، ينتەرنەت تەكشەلەرى، قوعامدىق ۇيىمدار، ينتەرنەتتەن پايدالانۋشى قاۋىم بەلسەندى رول اتقارىپ، وركەنيەتتى ينتەر تورابىن اشۋدى، ينتەرنەتتەن وركەنيەتتى پايدالانۋدى، ينتەرنەتكە وركەنيەتتى شىعۋدى بىرگە ىلگەرىلەتىپ، ٴداۋىر جاڭا سالتى ارقىلى ينتەرنەت ورتاسىن سومداپ جانە تازارتىپ، ينتەرنەتتەگى تاماشا رۋحاني مەكەندى بىرلەسىپ قۇرۋلارى كەرەك.


    اشىلۋ سالتىندا ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق ۇگىت ٴبولىمىنىڭ باستىعى حۋاڭ كۇنميڭ شي جينپيڭنىڭ قۇتتىقتاۋ حاتىن وقىدى ٴارى ٴسوز سويلەپ بىلاي دەدى: باس شۋجي شي جينپيڭنىڭ ماڭىزدى نۇسقاۋىنىڭ رۋحىن مۇقيات ۇيرەنىپ، دايەكتىلەندىرىپ، شي جينپيڭنىڭ جاڭا ٴداۋىر جۇڭگوشا سوتسياليزم يدەياسىن جەتەكشى، مادەنيەتتى جەتىلدىرۋدى نەگىز، اماليات بارىسىندا جەتىلدىرۋدى تەتىك، ينتەرنەتتى جان-جاقتى جونگە سالۋدى كەپىل، بىرگە قۇرۋدى، ورتاق يگىلىكتەنۋدى نىسانا ەتىپ، ينتەرنەتتە سوتسياليستىك وزەكتى قۇن كوزقاراسىن بار كۇشپەن جەتىلدىرىپ جانە ٴامالياتتا ايگىلەپ، وركەنيەت ۇستانىمىن تاراتىپ، وركەنيەتتى سالت-سانانى جەتىلدىرىپ، اناعۇرلىم كىرشىكسىز ينتەرنەت ورتاسىن قالىپتاستىرىپ، قالىڭ توراپكەرلەردىڭ، اسىرەسە، جاستار مەن ورەندەردىڭ وتانشىلدىق سۇيىسپەنشىلىگىن، ٴمورالدىق قاسيەتىن جانە ينتەرنەت ساپاسىن اناعۇرلىم ويداعىداي جەتىلدىرىپ، جاڭا ٴداۋىر جورىعىندا قۇدىرەتتى رۋحاني كۇش توپتاۋ كەرەك.


    «العا ۇمتىلۋ، ىزگىلىككە تالپىنۋ كۇشىن ۇيىستىرىپ، ينتەرنەت وركەنيەتىن قول ۇستاسا قۇرايىق»-تۇڭعىش كەزەكتى جۇڭگو ينتەرنەت وركەنيەتى جينالىسىنىڭ نەگىزگى تاقىرىبى بولدى. ورتالىق ينتەرنەت حاۋىپسىزدىگى جانە ينفورماتسيالاندىرۋ كەڭسەسى، ورتالىق وركەنيەت كەڭسەسى، ج ك پ بەيجيڭ قالالىق كوميتەتى جانە بەيجيڭ قالالىق حالىق ۇكىمەتى بىرلەسىپ وتكىزدى. قاتىستى تاراۋلارداعى جاۋاپتى جولداستار، ينتەرنەت كاسىپورىندارى جانە ينتەرنەت قوعامدىق ۇيىمدارىنىڭ ۋاكىل، مامان، وقىمىستىلارى، سونداي-اق ينتەرنەتتەن پايدالانۋشىلاردىڭ ۋاكىلدەرى جينالىسقا قاتىناستى.


اۋدارعان: امانتاي مۇسايىپ ۇلى

中央广播电视总台 央广网 版权所有

شي جينپيڭ تۇڭعىش كەزەكتى جۇڭگو ينتەرنەت وركەنيەتى جينالىسىنىڭ اشىلعاندىعىن حات جولداپ قۇتتىقتادى

تۇڭعىش كەزەكتى جۇڭگو ينتەرنەت وركەنيەتى جينالىسى 11-ايدىڭ 19 ـ كۇنى تۇستەن بۇرىن بەيجيڭدە اشىلدى