شي جينپيڭ قۇتتىقتاۋ تەلەگرامماسىندا مىنالاردى انىق ايتتى: جۇڭگو مەن گەرمانيا جالپى بەتتىك ستراتەگيالىق سەرىكتەر. ەكى ەل تالاي جىلداردان بەرى ٴوزارا قۇرمەت ەتۋگە، پارىقتىلىقتى ساقتاپ ورتاقتىققا ۇمتىلۋعا، سەلبەسە ورتاق يگىلىكتەنگە تاباندى بولىپ، ەكى ەلدى جانە ەكى ەل حالقىن، سونداي ـ اق دۇنيە ٴجۇزىن باقىتقا كەنەلتەتىن كوپتەگەن ٴىرى ىستەردى ىستەدى. 100 جىلدىق وزگەرىس پەن عاسىرلىق الاپات جۇقپالى اۋرۋ قاباتتاسقان جاعدايدا، جۇڭگو مەن گەرمانيا قارىم ـ قاتىناس پەن سەلبەستىكتى كۇشەيتىپ، دۇنيە ٴجۇزىنىڭ جۇقپالى اۋرۋعا قارسى تۇرۋىن ورتاق كۇش سالا قولداپ، ەكونوميكانىڭ قالپىنا كەلۋىن ىلگەرىلەتىپ، ٴىرى ەلدىك جاۋاپكەرشىلىك پەن باتىلدىقتى ايگىلەدى. مەن جۇڭگو ـ گەرمانيا قاتىناسىن دامىتۋعا ايرىقشا ٴمان بەرەمىن، سىزبەن بىرگە قۇلشىنىپ، كەلەر جىلى ەكى ەلدىڭ ديپلوماتيالىق قاتىناس ورناتقاندىعىنىڭ 50 جىلدىعىن قۇتتىقتاۋدى وراي ەتە، ساياسي سەنىمدىلىكتى بەكەمدەپ جانە تەرەڭدەتىپ، ٴار سالاداعى اۋىس ـ كۇيىس پەن سەلبەستىكتى كەڭەيتىپ، جۇڭگو ـ گەرمانيا قاتىناسىنىڭ تىڭ ساتىعا كوتەرىلۋىن جەبەۋدى قالايمىن.

    سول كۇنى مەملەكەتتىك كەڭەستىڭ زۇڭليى لي كىچياڭ تەلەگرامما جولداپ شولتزدىڭ گەرمانيا فەدەراتسياسىنىڭ زۇڭليى بولىپ سايلانعانىن قۇتتىقتادى، بىلاي دەدى : جۇڭگو – گەرمانيا قاتىناسى دۇنيە جۇزىندەگى ەڭ ماڭىزدى ەكى جاقتى قاتىناستىڭ بىرىنە اينالدى. مەن سىزبەن تاماشا قىزمەت بايلانىسىن ورناتىپ جانە ساقتاپ، ساياسي سەنىمدىلىكتى ونان ارى بەكەمدەپ، جۇڭگو مەن گەرمانيانىڭ جالپى بەتتىك ستراتەگيالىق سەرىكتەستىك قاتىناسىنىڭ مازمۇنىن بايىتۋدى، جۇڭگو مەن گەرمانيانىڭ دوستىق، ٴوزارا ٴتيىمدى سەلبەستىگىن ىلگەرىلەتۋدى، تاعى دا تاماشا ناتيجە جاراتۋدى ٴۇمىت ەتەمىن.

 
اۋدارعان: قاناتبەك جۇماباي ۇلى