ينفورماتسيا اشكەرەلەۋ: mzjubao@cnr.cn

ءتوراعا شي جينپيڭىنىڭ حابارلارى

شي جينپيڭنىڭ قۇرلىق ارميا جاياۋ اسكەرلەر شۋەيۋانىنداعى 2022-جىلى وقۋ بىتىرەتىن كۋرسانتتارعا جازعان جاۋاپ حاتى كۇشتى اڭىس قوزعادى

来源:جۇڭگو قازاق راديو تورابى     |责编:古丽美热|     发布日期: 2022-06-22 10:32

 

ٴوز حابارىمىز. ج ك پ ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭنىڭ قۇرلىق ارميا جاياۋ اسكەرلەر شۋەيۋانىنداعى 2022-جىلى وقۋ بىتىرەتىن كۋرسانتتارعا جازعان جاۋاپ حاتى بۇكىل ارمياداعى اسكەري بولىمدەردە كۇشتى اڭىس قوزعادى. اسكەري مەكتەپتەردەگى كۋرسانتتار مەن اسكەري بولىمدەگى كوماندير-جاۋىنگەرلەر ٴتوراعا شي جينپيڭنىڭ تاپسىرماسىن ەستە بەرىك ساقتاپ، اسكەري ٴبولىمنىڭ ماشىق الاڭىندا جالپى بەتتىك شىنىعىپ-شىڭدالىپ، قاجىرلىلىقپەن كۇرەس جۇرگىزىپ، ۇزدىكسىز ەسەيىپ-ەرجەتىپ، العا ۇمتىلىپ، ارميانى قۇدىرەتتەندىرۋ ىستەرىنە ۇلەس قوساتىندىقتارىن ايتتى.

ٴتوراعا شي جينپيڭنىڭ شابىت حاتى- قۇرلىق ارميا جاياۋ اسكەرلەر شۋەيۋانىنىڭ 2022-جىلى وقۋ بىتىرەتىن كۋرسانتتارىن ايىرىقشا جەلپىندىرىپ، ەرەسەن شابىتتاندىردى. كوپشىلىك ٴتوراعا شي جينپيڭنىڭ تاپسىرماسىن بۇلجىتپاي ورىنداپ، جاپالى، شەت-شالعاي وڭىرلەرگە بارۋعا، اسكەر جاتتىقتىرىپ، سوعىسقا دايىندالۋدىڭ ٴبىرىنشى شەبىندەگى اسكەري بولىمدەرگە بارىپ مىندەت اتقارۋعا، پارتيا مەن حالىق ەڭ قاجەت ەتكەن جەرلەرگە بارىپ ەڭبەك ٴسىڭىرىپ، ۇلەس قوسۋعا بەل بايلاعاندىقتارىن ايتتى. كۋرسانت جىڭ جاۋمىڭ بىلاي دەدى: ٴبىز ٴتوراعانىڭ تاپسىرماسىن كوكەيىمىزدە ساقتاپ، نازاردى سوعىسقا دايىندالۋ، سوعىس جۇرگىزۋ قاجەتىنە جانە جاڭا تيپتەگى جاياۋ اسكەرلەرگە قولباسشىلىق دارىندىلارى ولشەمىنە شوعىرلاندىرىپ، اسكەر باستاپ سوعىس جۇرگىزۋگە شۇعىل قاجەتتى قابىلەتىمىزدى ارتتىرىپ، ونەرىمىزدى ۇشتايمىز!

ٴتوراعا شي جينپيڭ اسكەري مەكتەپتەردىڭ وقۋ-اعارتۋى مەن دارىندىلاردى باۋلۋىنا ايرىقشا ٴمان بەرىپ، 2019-جىلى قۇرلىق ارميا جاياۋ اسكەرلەر شۋەيۋانىنا ارنايى بارىپ قىزمەت تەكسەردى. قۇرلىق ارميا جاياۋ اسكەرلەر شۋەيۋانىنىڭ وقىتۋشىسى سۇي حايلۇڭ ٴتوراعا شي جينپيڭنىڭ جاۋاپ حاتىن كورىپ، كوكەيىنە ساقتاعاننان كەيىن بىلاي دەدى: ٴبىز، ٴسوز جوق، بولاشاق سوعىس مايدانىن كوزدەپ، وقىتۋ جوباسىن ساپالىلاندىرىپ، قيىندىقتان تايسالماي، باتىلدىقپەن عىلمي جاتتىعىپ، ٴمورالدى دا قابىلەتتى، جوعارى ساپالى، ماماندانعان جاڭاشا اسكەري دارىندىلاردى جەتىلدىرۋگە ۇزدىكسىز ۇلەس قوسامىز!
باس شۋجيدىڭ جاۋاپ حاتى تاپسىرما بولىپ قانا قالماستان شابىتتاندىرۋ سانالادى. مەملەكەت قورعانىسى عىلىم-تەحنيكا داشۋەسىنىڭ 2022-جىلى وقۋ تاۋىساتىن كۋرسانتى لي جى بىلاي دەدى: ٴتوراعانىڭ ىقىلاستى تاپسىرماسى جان جەلپىنتىپ، كۇرەسكەرلىك جىگەرىمدى تاسقىنداتتى. پارتيا ۇيىمىنا شەكارانى قورعاۋعا اتسالىسۋ ٴوتىنىشىن بەردىم. جاپالى، شەت-شالعاي رايونعا بارىپ، اسكەر جاتتىقتىرىپ، سوعىسقا دايىندالۋدىڭ ٴبىرىنشى شەبىندەگى اسكەري بولىمدە ەڭبەك ٴسىڭىرىپ، ۇلەس قوسۋعا ساقاداي سايمىن.


اۋدارعان: امانتاي مۇسايىپ ۇلى

中央广播电视总台 央广网 版权所有

شي جينپيڭنىڭ قۇرلىق ارميا جاياۋ اسكەرلەر شۋەيۋانىنداعى 2022-جىلى وقۋ بىتىرەتىن كۋرسانتتارعا جازعان جاۋاپ حاتى كۇشتى اڭىس قوزعادى

سوعىسقا دايىندالۋدىڭ ٴبىرىنشى شەبىندەگى اسكەري بولىمدە ەڭبەك ٴسىڭىرىپ، ۇلەس قوسۋعا ساقاداي سايمىن