ينفورماتسيا اشكەرەلەۋ: mzjubao@cnr.cn

ءتوراعا شي جينپيڭىنىڭ حابارلارى

«باس شۋجيدىڭ باسىپ وتكەن ىزدەرى» تاقىرىبىنداعى جەلىلەس حاباردىڭ «يۇننان جوعارى ساپالى دامۋدىڭ تىڭ داستانىن جازۋدا» دەگەن ٴبولىمىن تىڭدايسىزدار

来源:جۇڭگو قازاق راديو تورابى     |责编:古丽美热|     发布日期: 2022-06-22 10:33

 

ٴوز حابارىمىز. پارتيانىڭ 18-قۇرىلتايىنان بەرى، باس شۋجي شي جينپيڭ يۇننانعا 2 رەت بارىپ قىزمەت تەكسەرىپ، زەرتتەۋ جۇرگىزىپ، ٴبىر قىدىرۋ ماڭىزدى نۇسقاۋ بەرىپ، يۇنناننان ەلىمىزدىڭ ۇلتتار ىنتىماعى العاباسارلىعىنداعى ۇلگىلى رايون قۇرۋدا، ەكولوگيالىق وركەنيەت قۇرىلىسىنىڭ سەركەسى بولۋدا، وڭتۇستىك ازياعا، شىعىس وڭتۇستىك ازياعا باعىتتالعان ىقپالدى رايون بولىپ شىعۋدا ۇزدىكسىز تىڭ ىلگەرىلەۋشىلىكتەرگە قول جەتكىزۋدى تالاپ ەتتى.

باس شۋجيدىڭ تاپسىرماسىن ەستە بەرىك ساقتاعان يۇنناندىقتار جاڭا دامۋ جاعدايىنا بەلسەندى، ىرىقتى تۇردە قىزمەت وتەپ جانە ونىمەن توعىسىپ، ەلىمىزدىڭ ەكولوگيالىق وركەنيەت قۇرىلىسىنداعى كوشباسشىلاردان بولۋعا قۇلشىنىپ، جوعارى ساپالى قارىشتاپ دامۋدى تىڭعىلىقتى ىلگەرىلەتتى. «باس شۋجيدىڭ باسىپ وتكەن ىزدەرى» تاقىرىبىنداعى جەلىلەس حاباردا بۇگىن «يۇننان جوعارى ساپالى دامۋدىڭ تىڭ داستانىن جازۋدا» دەگەن ٴبولىمىن تىڭدايسىزدار.

باس شۋجي شي جينپيڭ 2015-جىلى 1-ايدا ىرحاي كولىنىڭ جاعاسىنداعى گۋشىڭ قىستاعىنا بارىپ، قىستاق تۇرعىندارىمەن اڭگىمە دۇكەنىن قۇرىپ مىنالاردى اتاپ كورسەتتى: اۋىل-قىستاق قۇرىلىسىندا تۇنىق سۋ مەن جاسىل تاۋدىڭ قالپىن بۇزباي ساقتاۋ، ەكونوميكانى دامىتۋ كەرەك، ٴبىراق وسى بارىستا ەكولوگيالىق ورتانى بۇلدىرۋگە بولمايدى. ەكولوگيالىق ورتانى قورعاۋ-ۇزاق ۋاقىتتىق مىندەت، ونى ۇزبەي جالعاستىرۋ كەرەك.

ىرحايلىقتار سودان باستاپ ورتانى قورعاۋ مەن وڭاۋدان قامال الۋ شايقاسىنا كىرىسىپ، قورعاۋ-وڭاۋ كولەمىن كول الابىنان تۇتاس اعارعا كەڭەيتتى. گۋشىڭ قىستاعىنىڭ تۇرعىنى حى ليچىڭ كەزىندە عايىپ بولعان سۋ شۇعىنىق گۇلىنىڭ بيىل جازدا ىرحايدا قايتالاي قۇلپىرا اشىلعاندىعىن كورىپ قاتتى قۋاندى. ول بىلاي دەدى: قازىر كوپشىلىكتىڭ ىرحايدى قورعاۋ تانىمى بارعان سايىن كۇشەيىپ كەلەدى، ىرحاي كولىنىڭ سۋى دا بارعان سايىن مولدىرەدى، ساياحاتشىلاردى دا باۋرادى. تۇنىق سۋ، جاسىل تاۋدى قورعاي العاندىعىمىزدى، وسى باعالى بايلىققا قول جەتكىزگەندىگىمىزدى باس شۋجيگە ماقتانىشپەن دوكلات ەتە الامىز.

تۇرعىنداردىڭ قاجىماي-تالماي وڭاۋىنىڭ جانە قورعاۋىنىڭ ارقاسىندا ىرحاي كولىنىڭ ەكولوگيالىق جۇيەسىن قايتا قۇرۋدا، قالپىنا كەلتىرۋدە بەلسەندى ىلگەرىلەۋشىلىكتەر قولعا كەلدى. 2020 ـ، 2021-جىلدارى ىرحاي كولىنىڭ سۋ ساپاسى ٴۇرتىس 2 جىل جاقسى بولىپ باعالاندى. دالي بايزۋ اۆتونوميالى وبلىسى ىرحاي كولىن باسقارۋ مەكەمەسىنىڭ باستىعى جاۋ گولۇڭ بىلاي دەدى: كول ماڭىنداعى لاستانۋدى تىزگىندەۋ، اۋىل شارۋاشىلىعىندا لاستانۋدان ساقتانۋ جانە وڭاۋ، ەكولوگيانى قورعاۋ ٴۇشىن تۇرعىنداردى كوشىرۋدەي قىزمەتتەردى مىقتى يگەرىپ، ىرحاي كولىن قورعاۋدى-وڭاۋدى تىنباي ىلگەرىلەتەمىز.

يۇننان ەكولوگيالىق وركەنيەت قۇرىلىسىن اناعۇرلىم جوعارى ولشەممەن، بارىنشا قاتاڭ تالاپپەن ىلگەرىلەتتى. يۇنناندا قازىر 166 جاراتىلىستىق قورىق رايونى قۇرىلىپ، وسى ولكەنىڭ %90 تەن استام تيپتىك ەكولوگيالىق جۇيەسى، %85 تەن استام ماڭىزدى جابايى حايۋاناتتار مەن وسىمدىك تۇرلەرى ٴونىمدى قورعالدى؛ توعىز ٴىرى ٴۇستىرت كولىن قورعاۋدا ٴبىر كولدى عانا وڭاۋدان اعاردى وڭاۋعا بۇرىلىس جاسالدى. يۇننان ولكەلىك ەكولوگيالىق ورتا مەڭگەرمەسىنىڭ ورىنباسار باستىعى ۋاڭ تيانشي بىلاي دەدى: يۇننان ولكەسى ەكولوگيانى الدىمەن ەسكەرۋگە، جاسىل دامۋعا تاباندى بولدى. كوك اسپاندى، تۇنىق سۋدى، قارا توپىراقتى قورعاۋ شايقاسىن ىشكەرىلەي جۇرگىزىپ، نىشاندىق 8 شايقاسقا بەلدى بەكەم بۋىپ كىرىسىپ، بۇكىل ەلدىڭ ەكولوگيالىق وركەنيەت قۇرىلىسىنداعى سەركەلەرىنەن بولۋعا قۇلشىندى.

يۇننان وڭتۇستىك ازيا مەن شىعىس وڭتۇستىك ازيانى تۇتاستىرىپ جاتقان ەرەكشە وڭىرلىك ابزالدىلىققا يە. باس شۋجي شي جينپيڭ 2020-جىلى 1-ايدا يۇنناندا قىزمەت تەكسەرگەن كەزىندە بىلاي دەپ باسا دارىپتەدى: قاۋىرت اشۋ ارقىلى قاۋىرت دامۋدى جەبەپ، توڭىرەكتەگى ەلدەرمەن قارىم-قاتىناس جاساۋداعى حالىقارالىق ۇلكەن ارنا قۇرىلىسى اياق الىسىن جەدەلدەتۋ كەرەك.

كۇنميڭ قالاسى بيىل 5-ايدىڭ اياق شەنىندە شيشۋاڭباننا دايزۋ اۆتونوميالى وبلىسىنىڭ مو حان قالاشىعىن باسقارۋ كولەمىنە ەنگىزدى. مو حان وتكەلى لاوس شەكارا وتكەلىمەن ٴتۇيىلىسىپ، جۇڭگو مەن لاوستىڭ بىردەن-ٴبىر مەملەكەت دارەجەلى 1-شەكارا وتكەلى. شىعىس وڭتۇستىك ازيا ەلدەرىنىڭ جەمىس-جيدەكتەرى مو حان وتكەلى ارقىلى ەلىمىزگە كىرگەننەن كەيىن، جۇڭگو-لاوس تەمىرجولىنداعى سۋىق تىزبەكتى تيەۋىش قوراپتارمەن كۇنميڭگە جەتكىزىلەدى.

سوڭعى جىلداردان بەرى يۇننان ولكەسى ٴوزارا بايلانىس نەگىزدىك قۇرىلعىلار قۇرىلىسىن جەدەلدەتتى. جۇڭگو-ۆيەتنام، جۇڭگو-لاوس، جۇڭگو-بيرما جوعارى قارقىندى تاسجولدارىنىڭ يۇننانداعى بولەكتەرى تۇگەلدەي تۇتاستى؛ جۇڭگو-لاوس تەمىر جولى سالىنىپ ٴبىتىپ ىسكە قوسىلدى؛ جۇڭگو مەن بيرمانىڭ جاڭا ارناداعى تەمىر جول، تاس جول، تەڭىز تاسىمالى ۇشتاستىرىلعان تاسىمال جارىققا شىقتى.

2021-جىلى يۇنناننىڭ سىرتقى ساۋدا يمپورت-ەكسپورت جالپى سوماسى 48 ميلليارد 659 ميلليون امەريكا دوللارىنا جەتىپ، الدىڭعى جىلعى سول تۇستاعىدان %24.4 ارتتى. يۇننان ولكەلىك دامۋ جانە رەفورمالاۋ كوميتەتىنىڭ مەڭگەرۋشىسى يۋە شيۋحۋ بىلاي دەدى: ٴبىز باس شۋجيدىڭ تاپسىرماسىن ەستە بەرىك ساقتاپ، ەلىمىزدىڭ وڭتۇستىك ازياعا، شىعىس وڭتۇستىك ازياعا باعىتتالعان ىقپال ورتالىعىن قۇرۋ ساياسي جاۋاپكەرشىلىگىن باتىل ارقالاپ، توڭىرەكتەگى ەلدەرمەن حالىقارالىق ۇلكەن ارنا قۇرىلىسىنىڭ اياق الىسىن جەدەلدەتىپ، يۇننان ەكونوميكاسىنىڭ جوعارى ساپالى قارىشتاپ دامۋىن كۇش سالا جەبەيمىز.

اۋدارعان: امانتاي مۇسايىپ ۇلى

中央广播电视总台 央广网 版权所有

«باس شۋجيدىڭ باسىپ وتكەن ىزدەرى» تاقىرىبىنداعى جەلىلەس حاباردىڭ «يۇننان جوعارى ساپالى دامۋدىڭ تىڭ داستانىن جازۋدا» دەگەن ٴبولىمىن تىڭدايسىزدار

توڭىرەكتەگى ەلدەرمەن حالىقارالىق ۇلكەن ارنا قۇرىلىسىنىڭ اياق الىسىن جەدەلدەتىپ، يۇننان ەكونوميكاسىنىڭ جوعارى ساپالى قارىشتاپ دامۋىن كۇش سالا جەبەيمىز