شي جينپيڭ جاۋاپ حاتىندا بىلاي دەدى: حاتتارىڭدى كورىپ، 5 جىلدىڭ الدىندا كوپشىلىكپەن قوقىر ـ قوقسىقتى تۇرگە ايىرۋ قىزمەتى جونىندە اڭگىمەلەسكەن كەزدەر ەسىمە ءتۇستى، سىزدەردىڭ الەۋمەتتىك يگىلىك ىستەرىنە قىزۋ ىنتامەن ات سالىسىپ، بۇقاراعا قىزمەت وتەۋ تەبىندەرىڭىز ماعان تەرەڭ اسەر قالدىردى. وسى بىرنەشە جىلداعى ۇگىت ارقىلى قوقىر ـ قوقسىقتى تۇرگە ايىرۋ قىزمەتىندە سىزدەر جاقتا تىڭ تابىستارعا قول جەتىپ، تۇرعىنداردىڭ وركەنيەت دەڭگەيى جوعارىلاپ، الەۋمەتتىك رايون ورتاسىنىڭ ءتىپتى دە جاقسارعانىن ەستىپ، قاتتى قۋاندىم.

    شي جينپيڭ بىلاي دەپ باسا دارىپتەدى: قوقىر-قوقسىقتى تۇرگە ايىرۋ جانە بايلىققا اينالدىرىپ پايدالانۋ جۇيەلى ينجەنەريا. ول ءار جاقتىڭ سايكەسە كۇش سالۋىن، دالمە-ءدال شارا قولدانۋىن، ۇزاق ۋاقىت كۇش سالۋىن، قالىڭ قالا-اۋىل تۇرعىندارىنىڭ بەلسەنە ات سالىسۋىن، ىرىقتىلىقپەن ناتيجە جاراتۋىن قاجەت ەتەدى. سىزدەردىڭ ەرىكتىلەردىڭ نەگىزگى ساتىنى باسقارۋداعى ەرەكشە رولىن ۇزدىكسىز ساۋلەلەندىرىپ، ۇگىتتەۋ، جەتەكتەۋ قىزمەتىن دەن قويا، ىقىلاسپەن جاقسى ىستەپ، ءتىپتى دە كوپ تۇرعىنداردى قوقسىقتى تۇرگە ايىرىپ ءبىر جاقتى ەتۋ تاماشا ادەتىن قالىپتاستىرۋعا جەتەكتەۋپ، قوقىر-قوقسىقتى تۇرگە ايىرۋدى تومەن كومىرتەكتى تۇرمىستىڭ جاڭا سالتىنا اينالدىرۋدى ىلگەرىلەتىپ، ەكولوگيالىق وركەنيەت قۇرىلىسىن ىلگەرىلەتۋگە، تۇتاس قوعامنىڭ وركەنيەت دەڭگەيىن جوعارىلاتۋعا بەلسەنە ۇلەس قوسۋلارىڭىزدى ءۇمىت ەتەمىن.

    باس شۋجي شي جينپيڭ قوقىر ـ قوقسىقتى تۇرگە ايىرۋعا جانە بايلىققا اينالدىرىپ پايدالانۋعا ەرەكشە نازار اۋدارىپ، تالاي رەت ماڭىزدى نۇسقاۋ بەردى. تاياۋ جىلداردان بەرى، ەلىمىزدىڭ قوقىر-قوقسىقتى تۇرگە ايىرۋ قىزمەتى ۇزدىكسىز ىشكەرىلەي ىلگەرىلەپ، ايماق دارەجەلىدەن جوعارى 297 قالادا تۇرمىستىق قوقىر-قوقسىقتى تۇرگە ايىرۋ شارالارى جالپى بەتتىك اتقارىلىپ، تۇرعىندار شاعىن رايونىنداعى قامتىمى ورتا ەسەپپەن %82.5 كە جەتتى. تاياۋدا شاڭحاي قالاسى حۇڭكوۋ رايونى جياشيڭ جولى كوشە باسقارماسى قوقىر ـ قوقسىقتى تۇرگە ايىرۋ ەرىكتىلەرىنىڭ ۋاكىلدەرى باس شۋجي شي جينپيڭگە حات جازىپ، جەرلىك ورىننىڭ قوقىر-قوقسىقتى تۇرگە ايىرۋ قىزمەتىندە قول جەتكەن تابىستاردان مالىمەت بەرىپ، قوقىر ـ قوقسىقتى تۇرگە ايىرۋ قىزمەتىنىڭ اناعۇرلىم كەڭ كولەمدە ورىستەپ، ناتيجەلى بولۋىن ىلگەرىلەتۋگە ۇلەس قوسۋ بەكىمدەرىن ءبىلدىردى.

اۋدارعان: قاناتبەك جۇماباي ۇلى