شي جينپيڭ جۇڭگو-ا ق ش باسشىلارىنىڭ كەڭەسىن اياقتاتىپ، ازيا-تىنىق مۇحيت ەكونوميكا سەلبەستىك ۇيىمى باسشىلارىنىڭ 30-رەتكى بەيرەسمي ماجىلىسىنە قاتىناسىپ بولىپ بەيجيڭگە قايتىپ كەلدى
来源:جۇڭگو قازاق راديو تورابى |责编：古丽美热| 发布日期: 2023-11-19 10:32
ٴوز حابارىمىز. مەملەكەت ٴتوراعاسى شي جينپيڭ ا ق ش-نىڭ سان-فرانسيسكو قالاسىندا جۇڭگو-ا ق ش باسشىلارىنىڭ كەڭەسىن وتكىزىپ، ازيا-تىنىق مۇحيت ەكونوميكالىق سەلبەستىك ۇيىمى باسشىلارىنىڭ 30-رەتكى بەيرەسمي ماجىلىسىنە قاتىناسقاننان كەيىن 11-ايدىڭ 18-كۇنى كەشتە ارناۋلى ايروپلانمەن بەيجيڭگە قايتىپ كەلدى.
جەرلىك ۋاقىت 11-ايدىڭ 17-كۇنى تۇستەن كەيىن شي جينپيڭ سان فرانسيسكو قالاسىنان اتتاناردا سان-فرانسيسكو قالاسىنىڭ باستىعى بريد قاتارلى ا ق ش جاق ۋاكىلدەرى اۋەجايعا شىعىپ اتتاندىرىپ سالدى. اۋەجايعا بارا جاتقان جولدا جۇڭگولىق مۇھاجىرلار مەن جۇڭگولىق وقۋشىلاردىڭ ۋاكىلدەرى جولدىڭ ەكى جاعىنا جينالىپ، جۇڭگو مەن ا ق ش-نىڭ مەملەكەت تۋىن بۇلعاپ، ٴتوراعا شي جينپيڭدى ىستىق كوڭىلمەن اتتاندىرىپ، ساپاردىڭ تابىستى بولعاندىعىن قۇتتىقتادى.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسەسىنىڭ مەڭگەرۋشىسى ساي چي، ج ك پ ورتالىق كوميتەتى ساياسي بيۋروسىنىڭ مۇشەسى، سىرتقى ىستەر مينيسترى ۋاڭ ي قاتارلىلار سول ايروپلانمەن بىرگە قايتىپ كەلدى.
اۋدارعان: قاناتبەك جۇماباي ۇلى
