شي جينپيڭ مىنالاردى انىق ايتتى: ەكولوگيالىق ورتانى قورعاۋ، جاسىل دامۋدى ىلگەرىلەتۋ-شاڭحاي سەلبەستىك ۇيىمىنا مۇشە ەلدەردىڭ ورتاق تانىمى. تاياۋ جىلداردان بەرى، جۇڭگو تۇنىق سۋ، جاسىل تاۋ-باعالى بايلىق تانىمىنا تاباندى بولىپ، ءوندىرىسى دامىعان، تۇرمىسى باي، ەكولوگياسى تاماشا وركەنيەتتى دامۋ جولىمەن بۇلجىماي ءجۇرىپ، كوركەم جۇڭگو قۇرىلىسىندا دۇنيەنى جالت قاراتقان وراسان زور تابىستارعا قول جەتكىزدى. جۇڭگو وسى رەتكى تالقى ارقىلى ءار جاقپەن جاسىل دامۋ سالاسىنداعى اۋىس ـ كۇيىستى، سەلبەستىكتى كۇشەيتىپ، ءار ەلدىڭ ەكونوميكاسىنىڭ، قوعامىنىڭ باياندى دامۋىنا دەم بەرىپ، ادام مەن تابيعاتتىڭ جاراسىمدى قاتار ءومىر ءسۇرۋىن جەبەۋدى ءۇمىت ەتەدى.

شي جينپيڭ مىنالاردى باسا دارىپتەدى: شاڭحاي سەلبەستىك ۇيىمى-جاڭاشا حالىقارالىق قاتىناستىڭ جانە وڭىرلىك سەلبەستىكتىڭ ۇلگىسى. تاياۋدا جۇڭگو شاڭحاي سەلبەستىك ۇيىمىنا كەزەكتى ءتوراعا ەل مىندەتىن ۇستىنە الدى. جۇڭگو جاق ءار جاقپەن بىرلىكتە «شاڭحاي رۋحىن» اسقاقتاتىپ، ىنتىماقتى، سەلبەستىكتى كۇشەيتىپ، جاسىل دامۋدى ىلگەرىلەتىپ، ورتاق دامۋدا تىڭ تاراۋ جازىپ ، اناعۇرلىم تىعىز شاڭحاي سەلبەستىك ۇيىمى تاعدىرلاس ورتاق تۇلعاسىن قول ۇستاسا قۇرۋدى قالايدى.

 شاڭحاي سەلبەستىك ۇيىمىنىڭ مەملەكەتتىك جاسىل دامۋ تالقىسى سول كۇنى شاندۇڭ ولكەسىنىڭ چيڭداۋ قالاسىندا اشىلدى، نەگىزگى تاقىرىبى: «قول ۇستاسا جاسىل دامۋ ، ادام مەن تابيعاتتىڭ جاراسىمدى قاتار ءومىر ءسۇرۋىن ىلگەرىلەتۋ». تالقىنى شاڭحاي سەلبەستىك ۇيىمى تاتۋ كورشىلىك دوستىق سەلبەستىك كوميتەتى، ەكولوگيالىق ورتا مينيسترلىگى، شاندۇڭ ولكەلىك حالىق ۇكىمەتى، شاڭحاي سەلبەستىك ۇيىمى حاتشىلار باسقارماسى بىرلەسىپ وتكىزدى.

 

اۋدارعان: قاناتبەك جۇماباي ۇلى