شي جينپيڭ جاۋاپ حاتىندا بىلاي دەدى: 2014 ـ جىلى مەن وسى ليان ـ دۇيگە ارنايى بارىپ قىزمەت تەكسەرىپ ەدىم. 10 جىلدان بەرى، سىزدەر توڭكەرىستىك رۋحتى جالعاستىرىپ، ارميانى قۇدىرەتتەندىرۋگە، قارۋ ونەرىنە جاتىلۋعا بەل بايلاپ، تيپىن وزگەرتىپ دامۋدى ءساتتى جۇزەگە اسىرىپ، ارقالاعان مىندەتتەرىڭىزدى ايتارلىقتاي ورىنداپ، كوپتەگەن جاڭا ناتيجەلەرگە قول جەتكىزدىڭىزدەر، مەن بۇعان ايىرىقشا قۋاندىم. سىزدەر سوعىسقا دايىندالۋدىڭ، سوعىس جۇرگىزۋدىڭ ءبىرىنشى شەبىندە تۇرسىزدار، جاۋاپكەرشىلىكتەرىڭىز اۋىر، بورىشتارىڭىز داڭقتى. سىزدەردىڭ اسكەري ىستەر كوميتەتىنىڭ ساياسي قىزمەت ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى ارميانى قۇدىرەتتەندىرۋ يدەياسىمەن ليان قۇرىپ، جاۋىنگەر تاربيەلەۋدەن جازباي، بورىش پەن مىندەتكە تىعىز جاناسىپ، ناقتى سوعىستىق جاتتىعۋدى كۇشەيتىپ، قارۋ ـ جاراقتى ۇشتايتىن، قابىلەتتى كۇشەيتەتىن، باتىل شايقاس جاساپ، ءسوزسىز، جەڭىسكە جەتەتىن ىسىلعان ليان ـ دۇيدى قۇلشىنا قۇرىپ، جاڭا ءداۋىردىڭ جاڭا ساپارىندا جالعاستى تاماشا ناتيجە جاراتىپ، تىڭ ۇلەس قوسۋلارىڭىزدى ءۇمىت ەتەمىن.

«ارميانى قۇدىرەتتەندىرۋ، قارۋعا جەتىك بولۋداعى قىزىل 4 ـ ليان» − تاريحى تەرەڭ، ەڭبەگى ەرەن قىزىل ارميا ليانى بولىپ، ىلگەرىندى - كەيىندى حۋاڭما كوتەرىلىسى، ياڭميڭباۋ شايقاسىندا تۇندە تۇتقيىل شابۋىل جاساۋ شايقاسى، مىڭ لياڭگۋ شايقاسى، چاڭجينحۋ شايقاسى سياقتى 100 نەشە مايدان شايقاس جۇرگىزىپ، ءبىر توپ قاھارمان ۇلگىلەردى جارىققا شىعاردى. 2014 ـ جىلى 7 ـ ايدا شي جينپيڭ وسى ليان دۇيگە بارىپ،قىزمەت تەكسەرىپ، كوماندير ـ جاۋىنگەرلەرگە ىقىلاسپەن امانداستى جانە ولاردان حال سۇرادى. 10 جىلدان بەرى، بۇل ليان شي جينپيڭنىڭ ارميانى قۇدىرەتتەندىرۋ يدەياسىنىڭ جەتەكشىلىگىندە، داڭقتى ءداستۇردى ساۋلەلەندىرىپ، تيبىن جاڭالاۋ قۇرىلىسىن جەدەلدەتىپ، قارۋ ونەرىنە جەتىلۋدىڭ ۇلگىسى بولۋعا قۇلشىنىپ، ءبىر قىدىرۋ كەلەلى مانەۆر سياقتى مىندەتتەردە كورنەكتى ناتيجە جاراتىپ، ءبىر رەت كوللەكتيۆ 1 ـ دارەجەلى ەڭبەك ءسىڭىرىپ، ورتالىق اسكەري ىستەر كوميتەتى جاعىنان بەرىلگەن «ارميانى قۇدىرەتتەندىرۋ، قارۋعا جەتىك بولۋداعى قىزىل 4 ـ ليان»دەگەن داڭىقتى اتاققا يە بولدى. لياندۇي پارتيا ياچەيكاسى ج ك پ ورتالىق كوميتەتى جاعىنان «مەملەكەتتىك وزات نەگىزگى ساتى پارتيا ۇيىمى» بولىپ ماداقتالدى. تاياۋدا بۇكىل ليانداعى كوماندير ـ جاۋىنگەرلەر ءتوراعا شي جينپيڭگە حات جازىپ، ليان ـ دۇيدىڭ قۇرىلىسى مەن قىزمەت جاعدايىنان مالىمەت بەرىپ، قولباسشىنىڭ تاپسىرماسىن ەستە بەرىك ساقتاپ، بورىشتى ادالدىقپەن اتقاراتىن بەرىك سەنىمى مەن بەكىمىن ءبىلدىردى.

 

اۋدارعان: شالقار قازەز ۇلى