شي جينپيڭ مىنالاردى باسا دارىپتەدى: جاڭا ءداۋىر، جاڭا جورىقتا پارتيانىڭ جالپى بەتتىك باسشىلىعى مەن پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا تاباندى بولىپ جانە ونى كۇشەيتىپ، رەفورمانى اناعۇرلىم جالپى بەتتىك تەرەڭدەتۋدىڭ نەگىزگى تاقىرىبىن، كەلەلى پرينسيبىن، كەلەلى شارالارىن، ءتۇبىرلى كەپىلىن تەرەڭ ءتۇسىنىپ جانە يگەرىپ، رەفورمانى ونان ارى جالپى بەتتىك تەرەڭدەتۋدە، جۇڭگو ۇلگىسىندەگى وسىزامانداندىرۋدى ىلگەرىلەتۋدە الدا ءجۇرىپ، ۇلگى كورسەتۋ كەرەك. پارتيا ورتالىق كوميتەتىنىڭ پارتيا قۇرىلىسى جونىندەگى ماڭىزدى يدەياسىن، پارتيانىڭ وزىندىك توڭكەرىسى جونىندەگى ماڭىزدى يدەياسىن ىشكەرىلەي دايەكتىلەندىرىپ، ورتالىق پەن مەملەكەت ورگاندارىنىڭ پارتيا قۇرىلىسى قىزمەتى ءماجىلىسىنىڭ رۋحىن دايەكتى تياناقتاندىرۋدىڭ امالياتتىق تاجىريبەلەرىن ويداعىداي قورىتىندىلاپ جانە ودان ويداعىداي پايدالانىپ، پارتيا قۇرىلىسى ءتۇزىمى رەفورماسىن تەرەڭدەتىپ، «ەكىنى قورعاۋدى» باستاماشىلدىقپەن ورىنداپ، نازاريامەن قارۋلانۋدى باستاماشىلدىقپەن ىشكەرلەتىپ، نەگىزگى ساتىنىڭ نەگىزىن باستاماشىلدىقپەن بەكەمدەپ، باستاماشىلدىقپەن ستيلدى دۇرىستاپ، ءتارتىپتى قاتايتىپ، شىرىكتەسۋگە قارسى تۇرىپ، ورگان پارتيا قۇرىلىسىنىڭ ساپاسىن جالپى بەتتىك جوعارىلاتىپ، ءبىرىنشى تورتكىل شەپتە ويداعىداي ءجۇرىپ، "ۇشتە ۇلگى بولۋ"دى ويداعىداي ورىنداپ، ۇلگىلى ورگان قۇرۋ كەرەك. ورتالىق پەن مەملەكەت ورگاندارى قىزمەت كوميتەتى مىندەتىن اناعۇرلىم ويداعىداي اتقارىپ، جاۋاپكەرشىلىگىن ادا ەتىپ، تۋرا جولدان تايماي، جاڭالىق اشىپ، تياناقتاندىرۋدى مىقتى يگەرىپ، جوعارى ساپالى پارتيا قۇرىلىسى ارقىلى جوعارى ساپالى دامۋدى جەبەۋ بارىسىندا جاڭا جاۋاپكەرشىلىك ارقالاپ، تىڭ ىسكەرلىك كورسەتۋ كەرەك.

ورتالىق پەن مەملەكەت ورگاندارىنىڭ پارتيا 20 ـ كەزەكتى ورتالىق كوميتەتى ءۇشىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ، ورگان پارتيا قۇرىلىسىنىڭ جوعارى ساپالى دامۋىن ىلگەرىلەتۋ اڭگىمە ءماجىلىسى 7-ايدىڭ 31-كۇنى بەيجيڭدە اشىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق پەن مەملەكەت ورگاندارى قىزمەت كوميتەتىنىڭ شۋجيى ساي چي ماجىلىسكە قاتىناسىپ، شي جينپيڭنىڭ ماڭىزدى نۇسقاۋىن جەتكىزدى ءارى ءسوز سويلەدى. ساي چي مىنالاردى اتاپ كورسەتتى: ورتالىق پەن مەملەكەت ورگاندارى ساياسي دەڭگەيدى جوعارىلاتىپ، پارتيا 20 - كەزەكتى ورتالىق كوميتەتى ءۇشىنشى جالپى ءماجىلىسىنىڭ رۋحىن جانە باس شۋجي شي جينپيڭنىڭ ماڭىزدى نۇسقاۋىنىڭ رۋحىن ءبىر تۇتاس ويداعىداي ۇيرەنىپ، دايەكتىلەندىرىپ، ءۇشىنشى جالپى ءماجىلىستىڭ كەلەلى ءمانىن تەرەڭ تانىپ، باس شۋجي شي جينپيڭنىڭ رەفورمانى جالپى بەتتىك تەرەڭدەتۋ جونىندەگى ءبىر قىدىرۋ جاڭا يدەيالارىن، جاڭا كوزقاراستارىن، جاڭا تۇجىرىمدارىن تەرەڭ ءتۇسىنىپ، ءۇشىنشى جالپى ءماجىلىس «قاۋلىسىنىڭ» باي مازمۇنىن جەتە يگەرىپ، يدەيا مەن ارەكەتتى پارتيا ورتالىق كوميتەتىنىڭ شەشىم-ورنالاستىرۋلارىمەن شىن مانىندە بىرلىككە كەلتىرۋ كەرەك. بورىش پەن مىندەتتى امالياتتا ايگىلەپ، ساياسي بەتالىستى مىقتاپ يگەرىپ، تۇلعالىق جاۋاپكەرشىلىكتى كۇشەيتىپ، رەفورمانى تياناقتاندىرۋدى مىقتاپ يگەرىپ، عىلمي ادىسكە تاباندى بولىپ، ءار دارەجەلى پارتيا ۇيىمدارى مەن پارتيا مۇشەلەرىنىڭ، كادرلاردىڭ رەفورمانى يگەرۋ، دامۋدى جەبەۋ بەلسەندىلىگىن، ىرىقتىلىعىن، جاسامپازدىعىن تولىق جۇمىلدىرىپ، ءۇشىنشى جالپى ءماجىلىستىڭ رۋحىن كۇشتى جاۋاپكەرشىلىكپەن ويداعىداي دايەكتى تياناقتاندىرۋ كەرەك.

ساي چي سوڭعى جىلداردان بەرى ءارقايسى تاراۋلاردىڭ باس شۋجي شي جينپيڭنىڭ ورگان پارتيا قۇرىلىسى جونىندەگى ماڭىزدى ءسوزى مەن ماڭىزدى نۇسقاۋىنىڭ، بەكىتۋىنىڭ رۋحىن دايەكتىلەندىرۋدەگى ادىستەرى مەن ناتيجەلەرىن تولىق تۇراقتاندىرىپ، مىنالاردى باسا دارىپتەدى: ورتالىق پەن مەملەكەت ورگاندارىنداعى ءار دارەجەلى پارتيا ۇيىمدارى مەن قالىڭ پارتيا مۇشەلەرى، كادرلار ساياسي ادالدىقتى كۇشەيتىپ، ساياسي قابىلەتتى جوعارىلاتىپ، «ەكىنى تۇراقتاندىرۋدىڭ» شەشۋشى ءمانىن تەرەڭ ءتۇسىنىپ، "ءتورت تانىم"دى ۇزدىكسىز كۇشەيتىپ، "ءتورت سەنىم"دى بەكەمدەپ، "ەكىنى قورعاۋ"دى امالياتتا ايگىلەۋدىڭ ءبىرىنشى شەبىندە ويداعىداي ءجۇرۋ كەرەك. قىزمەت جاۋاپكەرشىلىگىمەن تىعىز بايلانىستىرىپ، نازاريامەن قارۋلانىپ، ۇيرەنۋ ارقىلى رۋحتى سومداۋ، ۇيرەنۋ ارقىلى اقىل ـ پاراساتتى ارتتىرۋ، ۇيرەنۋ ارقىلى ستيلدى دۇرىستاۋ، ۇيرەنۋ ارقىلى ىستەۋدى جەبەۋ باياندى مەحانيزمىن اقاۋسىزداندىرىپ، جاس كادرلاردى تاربيەلەۋدى، جەتەكتەۋدى كۇشەيتۋ؛ ولقىلىقتاردى تولىقتاۋدى، ءالسىز بۋىنداردى كۇشەيتۋدى ساپانى جوعارىلاتۋمەن، فۋنكتسيانى كۇشەيتۋمەن قاتار جۇرگىزۋگە تاباندى بولىپ، نەگىزگى ساتىنىڭ نەگىزىن بەكەمدەۋ؛ ستيلدى دۇرىستاپ، ءتارتىپتى قاتايتىپ، شىرىكتەسۋگە قارسى تۇرىپ، فورماشىلدىقتان، تورەشىلدىكتەن ساقتانۋ ءتۇزىمى مەحانيزمىن اقاۋسىزداندىرىپ، ۇنەمىلىك جانە شوعىرلى ءوزارا ۇشتاستىرىلعان ءتارتىپ تاربيەسى مەحانيزمىن ورناتۋ؛ ورگان پارتيا قۇرىلىسى جاۋاپكەرشىلىگىن قاتاڭ تياناقتاندىرىپ، ءتۇزىمنىڭ قاتاڭ تەجەمىن ونان ارى كۇشەيتىپ، پارتيا قۇرىلىسى ءتۇزىمى رەفورماسىن تەرەڭدەتۋ ارقىلى ورگان پارتيا قۇرىلىسىنىڭ جوعارى ساپالى دامۋىن ىلگەرىلەتىپ، رەفورمانى ونان ارى جالپى بەتتىك تەرەڭدەتۋگە، جۇڭگو ۇلگىسىندەگى وسىزامانداندىرۋدى ىلگەرىلەتۋگە پارمەندى كەپىلدىك ازىرلەۋ كەرەك.

ورتالىق ءتارتىپ تەكسەرۋ كوميتەتى، مەملەكەتتىك باقىلاۋ ـ تەكسەرۋ كوميتەتى ورگانىنىڭ، ورتالىقتىڭ شەتەلدەرمەن بايلانىس جاساۋ ءبولىمىنىڭ، مەملەكەتتىك باس جۇمىسشى ۇيىمىنىڭ، مەملەكەتتىك دامۋ ـ رەفورمالاۋ كوميتەتىنىڭ، عىلىم ـ تەحنيكا مينيسترلىگىنىڭ، مەملەكەتتىك كەڭەس كەڭسەسىنىڭ جاۋاپتى جولداستارى پىكىر اۋىستىرىپ، ءسوز سويلەدى.

 جياڭ شينجى ماجىلىسكە قاتىناستى.

 ورتالىق پەن مەملەكەت ورگاندارىنىڭ قاتىستى تاراۋلارى پارتگرۋپپالارىنىڭ شۋجيلەرى، ورتالىق پەن مەملەكەت ورگاندارىنىڭ ءارقايسى تاراۋلارى ورگان پارتكومىنىڭ شۋجيلەرى، ۇنەمىلىك ىستەرگە جاۋاپتى ورىنباسار شۋجيلەرى، ورتالىق پەن مەملەكەت ورگاندارى قىزمەت كوميتەتىندەگى جاۋاپتى جولداستار ماجىلىسكە قاتىناستى. 

 

اۋدارعان: كۇلان ىرىسباي قىزى