ءوز حابارىمىز. ءتوراعا شي جينپيڭ 9-ايدىڭ 3-كۇنى تۇستەن بۇرىن بەيجيڭدە حالىق سارايىندا جۇڭگو-افريكا سەلبەستىك تالقىسىنىڭ بەيجيڭ باسشىلار ماجىلىسىنە قاتىناسۋ ءۇشىن جۇڭگوعا كەلگەن كەنيانىڭ زۇڭتۇڭ رۋتومەن كەزدەستى.

 

شي جينپيڭ بىلاي دەپ انىق ايتتى: جۇڭگو مەن كەنيانىڭ دوستىعى سوناۋ ارىدان باستاۋ الىپ، ۇلت ازاتتىعىنا قول جەتكىزۋ كۇرەسى بارىسىندا دامىپ، مەملەكەتتى كوركەيتۋ ساپارىندا تەرەڭدەدى. جۇڭگو مەن كەنيا باستان-اياق قول ۇستاسا وتىرىپ «ءبىر بەلدەۋ، ءبىر جولدى» ورتاق قۇرۋ سەلبەستىگىنىڭ الدىڭعى لەگىندە ءجۇرىپ، ۇلاستىرۋ-تۇتاستىرۋ، باستاماشى بولۋ نىساندارىنان ءبىر توبىن قۇرىپ، وڭىرلىك ەكونوميكالىق-قوعامدىق دامۋدى پارمەندى جەبەپ، ەكى ەل حالقىن يگىلىككە كەنەلتتى.

شي جينپيڭ ەكى جاقتىڭ «ءۇش سالادا سەرىك بولۋ» باعىتى بويىنشا جۇڭگو مەن كەنيانىڭ جالپى بەتتىك ستراتەگيالىق سەلبەستىك سەرىكتەستىك قاتىناسىن تەرەڭدەتۋدى ۇسىنىس ەتتى.ءبىرىنشى، دوستىقتى جالعاستىرا ءوزارا سەنەتىن ادال سەرىكتەر بولۋ؛ ءبىر-ءبىرىنىڭ مەملەكەتتىڭ يەلىك ۇقىعىن قورعاۋىن جانە ءوز ەلىنىڭ مەملەكەت جاعدايىنا ۇيلەسەتىن دامۋ جولىن قاراستىرۋىن باتىل قولداۋ كەرەك. ەكىنشى، تۋرا جولدان كوز جازباي جاڭالىق جاراتىپ، ءوزارا پايدا جەتكىزە ورتاق يگىلىكتەنەتىن سەلبەستىك سەرىكتەر بولۋ؛ «ءبىر بەلدەۋ، ءبىر جولدى» جوعارى ساپامەن ورتاق قۇرۋدى كەنيا جاقتىڭ «2030-جىلعا دەيىنگى ۇزاق بولاشاقتىق دامۋ جوباسىمەن» تىعىز ۇشتاستىرىپ، شىعىس بولەك افريكا ءوزارا بايلانىس تورابىن جانە دامۋ كاسىپ بەلدەۋىن قۇرىپ، سيفرلى ەكونوميكا، جاڭا ەنەرگيا، سونداي-اق ەكونوميكا-ساۋدا، كەدەيلىكتى ارىلتىپ ديقاندارعا تيىمدىلىك جاساۋ سياقتى سالالارداعى سەلبەستىكتەردى كۇشەيتۋ. ءۇشىنشى، سەنىمدى بەكەمدەپ، تەڭدىك پەن ادىلدىكتى قورعايتىن ستراتەگيالىق سەرىكتەر بولۋ؛ حالىقارالىق جانە وڭىرلىك ماسەلەلەردەگى تۇسىنىستىك پەن سايكەسۋدى كۇشەيتۋ؛ جەر شارىنىڭ وڭتۇستىگىندەگىلەردىڭ ورتاق مۇددەسىن قول ۇستاسا قورعاۋ؛ وڭىرلىك بەيبىتشىلىك پەن ورنىقتىلىقتى جەبەۋ كەرەك. 

 

رۋتو مىنالاردى ءبىلدىردى: جۇڭگو جاقتىڭ وسى رەتكى جۇڭگو-افريكا سەلبەستىك تالقىسىنىڭ بەيجيڭ باسشىلار ءماجىلىسىن ۇيىمداستىرىپ، افريكا-جۇڭگو ەلدەرىنىڭ بولاشاق دامۋدى بىرلىكتە جوسپارلاۋىنا ماڭىزدى تەكشە جانە وراي ازىرلەگەنىنە العىس ايتامىن. كەنيا-جۇڭگو قاتىناسىندا تەرەڭ دوستىق، ءوزارا قۇرمەتتەۋ، ءوزارا سەنىمدىلىك جانە ءوزارا پايدا جەتكىزە ورتاق يگىلىكتەنۋ نەگىز ەتىلەدى. ەكى جاق «ءبىر بەلدەۋ، ءبىر جولدى» ورتاق قۇرۋ جۇلگەسىندە مومباسا-نايروبي تەمىر جولى سياقتى ماڭىزدى نەگىزدىك قۇرىلعىلار قۇرىلىسى سەلبەستىك نىساندارىن ءساتتى اتقارىپ، كەنيانىڭ ەكونوميكالىق-قوعامدىق دامۋىن پارمەندى جەبەۋى كەنيا مەن جۇڭگونىڭ دوستىق، ءوزارا ءتيىمدى سەلبەستىك تىڭ تاقىرىبىنا اينالدى. كەنيا جاق تالقىنىڭ وسى رەتكى باسشىلار ءماجىلىسى ورايىندا، كەنيا مەن جۇڭگونىڭ جالپى بەتتىك ستراتەگيالىق سەلبەستىك سەرىكتەستىك قاتىناسىن ونان ارى دامىتۋدى ءۇمىت ەتەدى. جۇڭگو جاقتىڭ كەنياعا قارجى قوسۋدى ۇزدىكسىز كۇشەيتىپ، ءار سالاداعى ەكى جاقتى ناقتى سەلبەستىكتى، اسىرەسە ءوزارا بايلانىس، جاڭا ەنەرگيا، جاستار ىستەرى سياقتى سالالارداعى سەلبەستىكتى كەڭەيتۋىن قارسى الادى. ءتوراعا شي جينپيڭنىڭ جەلىلەس كەلەلى الەمدىك دارىپتەمەلەردى العا قويۋى دامۋ جولىنداعى ەلدەر مەن دۇنيە جۇزىندەگى وڭتۇستىك ەلدەردىڭ ىنتىماقتى، سەلبەستىكتى كۇشەيتۋىندە ماڭىزدى جەتەكشىلىك رول اتقارادى، كەنيا بۇعان ايرىقشا سۇيىنەدى، بەلسەنە قولدايدى. كەنيا جاق ءبىر جۇڭگو ساياساتىن باتىل اتقارادى، جۇڭگو جاقپەن كوپ جاقتى سەلبەستىكتى جيىلەتىپ، ءوزارا باتىل قولداۋ كورسەتۋدى قالايدى.

 

باسشىلار ءماجىلىسى كەزىندە جۇڭگو مەن كەنيا قارجى بىرىكتىرۋ، نەگىزدىك قۇرىلعى سياقتى سالالارداعى كوپتەگەن ەكى جاقتى سەلبەستىك قۇجاتتارعا قول قويادى.

 

ۋاڭ ي كەزدەسۋدە بىرگە بولدى.

 

اۋدارعان: قاناتبەك جۇماباي ۇلى