شي جينپيڭ تەلەگرامما جولداپ، ديسساناياكتىڭ سريلانكانىڭ زۇڭتۇڭى بولعاندىعىن قۇتتىقتادى

ءوز حابارىمىز. مەملەكەت ءتوراعاسى شي جينپيڭ 9-ايدىڭ 23-كۇنى انۋرا ديسساناياكقا تەلەگرامما جولداپ، ونىڭ سريلانكا دەموكراتيالىق سوتسياليستىك رەسپۋبليكاسىنىڭ زۇڭتۇڭى بولعاندىعىن قۇتتىقتادى.

شي جينپيڭ بىلاي دەپ انىق ايتتى: جۇڭگو مەن سريلانكا ءداستۇرلى دوس كورشىلەر. جۇڭگو مەن سريلانكا ديپلوماتيالىق قاتىناس ورناتقان 67 جىلدان بەرى، ەكى ەل باستان-اياق ءبىرىن-ءبىرى ءتۇسىنىپ، ءبىرىن-ءبىرى قولداپ، تۇرلىشە ۇلكەن-كىشى ەلدەر اراسىنداعى دوس، تاتۋ-ءتاتتى، ءوزارا ءتيىمدى سەلبەستىكتىڭ ۇلگىسىن ورناتتى. مەن جۇڭگو-سريلانكا قاتىناسىن دامىتۋعا وسكەلەڭ ءمان بەرەمىن، زۇڭتۇڭ مىرزامەن بىرلىكتە قۇلشىنىپ، ءداستۇرلى دوستىقتى جالعاستىرىپ، ساياسي ءوزارا سەنىمدىلىكتى ارتتىرىپ، جۇڭگو مەن سريلانكانىڭ «ءبىر بەلدەۋ، ءبىر جولدى» جوعارى ساپامەن ورتاق قۇرۋ سەلبەستىگىنىڭ اناعۇرلىم مول جەمىس بەرۋىن ىلگەرىلەتىپ، جۇڭگو مەن سريلانكانىڭ شىنايى ءوزارا كومەكتەسەتىن، ۇرپاقتان-ۇرپاققا دوس بولاتىن ستراتەگيالىق سەلبەستىك سەرىكتەستىك قاتىناسىنىڭ ورنىقتى، باياندى بولۋىن ىلگەرىلەتۋدى، ەكى ەل حالقىنا ءتىپتى دە مول باقىت جاراتۋدى قالايمىن.