ءوز حابارىمىز. باس شۋجي شي جينپيڭنىڭ ايدى بارلاۋ ينجەنەرياسى چاڭ-ى 6-ءنومىرلى عارىش اسپابى مىندەتىنىڭ زەرتتەۋىنە، سىناق ەتۋىنە قاتىناسقان قىزمەتكەرلەردىڭ ۋاكىلدەرىن قابىلداعاندا سويلەگەن ماڭىزدى ءسوزى قالىڭ عارىش قىزمەتكەرلەرىن جالعاستى تىڭ ۇلەس قوسۋعا شابىتتاندىردى. كوپشىلىك بىلاي دەدى: ارمانعا تالپىنۋ، باتىلدىقپەن ىزدەنىس جاساۋ، سەلبەسىپ قامال الۋ، سەلبەسىپ تەڭ يگىلىككە كەنەلۋ سىندى ايدى بارلاۋ رۋحىن بارىنشا ساۋلەلەندىرىپ، عارىش ىستەرىندەگى ەگەي ەل قۇرۋعا جالعاستى تىڭ ۇلەس قوسىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋدىڭ قۋاتتى كۇشىن ۇيىستىرۋ كەرەك.

 

باس شۋجي شي جينپيڭ بىلاي دەپ اتاپ كورسەتتى: چاڭ-ى 6-ءنومىرلى عارىش اسپابى ادامزات تاريحىندا تۇڭعىش رەت ايدىڭ ارعى بەتىنەن ۇلگى الىپ قايتىپ، كوپ ءتۇرلى شەشۋشى تەحنيكادا قامال الدى، بۇل ەلىمىزدىڭ عارىش ىستەرىندە ەگەي ەل، عىلىم-تەحنيكادا ەگەي ەل قۇرۋدا قول جەتكىزگەن تاعى ءبىر بەلگى سيپاتتى تابىسى، ەلىمىزدىڭ ايدى بارلاۋ ينجەنەرياسىنداعى ماڭىزدى بەلەس سانالادى. چاڭ-ى 6-ءنومىرلى عارىش اسپابىنىڭ باس جوبالاۋشىسى حۋ حاۋ بىلاي دەدى: باس شۋجي ايدى بارلاۋ ينجەنەرياسىنىڭ 20 جىلدىق باسىپ وتكەن جولىندا قول جەتكەن تابىستاردى ايرىقشا تۇراقتاندىردى، ءبىز بۇدان ەرەكشە شابىت الدىق. پارتيا ورتالىق كوميتەتىنىڭ دۇرىس باسشىلىعىندا، قاتىستى جاقتاردىڭ زور كۇشپەن قولداۋىندا، قوسىنىمىز ىنتىماقتاسا كۇرەس جۇرگىزىپ، ۇزدىكسىز العا باسۋدا، كەيىنگى تالداۋ قىزمەتىنىڭ ۇزدىكسىز ىلگەرىلەۋىنە بايلانىستى، كوپشىلىككە ءتىپتى دە كوپ كەرەمەت ناتيجە سيلايتىندىعىمىزعا سەنەمىز.

 

مەملەكەتتىك عارىش مەكەمەسى ايدى بارلاۋ جانە عارىش ينجەنەرياسى ورتالىعىنىڭ مەڭگەرۋشىسى گۋان فىڭ بىلاي دەدى: ەرەكشە شابىت الدىم، مىندەتىمىزدىڭ اۋىر ەكەندىگىن دە سەزىندىم. ءبىز اي شارى ۇلگىسى جونىندەگى عىلمي زەرتتەۋدى ويداعىداي ۇيىمداستىرىپ، ەرتەرەك تابىسقا جەتۋگە، تەز تابىسقا جەتۋگە كۇش سالىپ، شالعاي كەڭىستىكتى بارلاۋ سياقتى كەيىنگى كەلەلى ينجەنەريالاردى ۇزدىكسىز ويداعىداي اتقارىپ، حالىقارالىق اۋىس-كۇيىستى، سەلبەستىكتى كۇشەيتىپ، ادامزات پاراساتىنا جۇڭگولىقتاردىڭ ۇلەسىن قوسۋىمىز كەرەك.

 

باس شۋجي شي جينپيڭ بىلاي دەپ باسا دارىپتەدى: جاڭا جۇڭگو قۇرىلعان 75 جىلدان بەرى، جۇڭگو كوممۋنيستىك پارتياسىنىڭ باسشىلىعىندا، ەلىمىزدىڭ نەشە ۇرپاق عارىش قىزمەتكەرلەرى ءوز كۇشىنە سۇيەنىپ ءومىر سۇرۋگە، دەربەس جاڭالىق اشۋعا تاباندى بولىپ، عارىش ىستەرىنىڭ جوقتان بار بولۋىن، السىزدەن كۇشەيۋىن، «جوبا ارقىلى ارماندى كارتينالاۋدان» «كۇرەس جاساۋ ارمانىن ورىنداۋعا» دەيىنگى تاريحي سيپاتتى، جوعارى ساپالى، قارىشتاپ دامۋدى جۇزەگە اسىرىپ، عارىش ىستەرىندە ەگەي ەل قۇرۋ قۇرىلىسىندا نىق قادام تاستادى. چاڭ-ى 6-ءنومىرلى عارىش اسپابى جەر بەتى قولدانىلمالى جۇيەسىنىڭ باس جوبالاۋشىسى زو ۋي بىلاي دەدى: ايدى بارلاۋ ينجەنەرياسىنىڭ ءساتتى اتقارىلعاندىعىنا 20 جىل بولدى، مەن وسى 20 جىلدىق زەرتتەۋ بارىسىنا قاتىناستىم. ءار رەتكى اي شارىن بارلاۋدا جۇڭگو ەرەكشەلىگى ايگىلەنىپ، ارت-ارتىنان تابىسقا جەتىپ، عارىشقا ۇشۋ ارمانىمىزدى جۇزەگە اسىرۋمەن بىرگە، حالىقاراعا تاماشا تەكشە ازىرلەپ، ادامزاتتىڭ ورتاق دامۋىن جەبەدىك، مەن جاۋاپكەرشىلىگىمنىڭ توتەنشە اۋىر ەكەنىن سەزىندىم.

 

باس شۋجيدىڭ ماڭىزدى ءسوزىن ناق مايداندا تىڭداعان مەملەكەتتىك عارىش مەكەمەسى ايدى بارلاۋ جانە عارىش ينجەنەرياسى ورتالىعىنىڭ ينجەنەرى حۋ حاۋ ەرەكشە اسەرلەندى، ول بىلاي دەدى: 90-جىلداردىڭ تۇلەگى رەتىندە وسىنداي كەلەلى ينجەنەرياعا قاتىناستىم، بۇل ومىرىمدەگى تۇڭعىش رەتكى ەرەكشە مىندەت سانالادى. بۇل كۇردەلى دە ءىرى جۇيەلى ينجەنەريا، مۇندا جەكە ادامنىڭ كۇشى ماردىمسىز، الايدا بىزدە كەمەلدى قوسىن بار، بارلىعىمىز بىرگە قۇلشىنىپ، بۇگىنگى تاڭدا وسىنداي جويقىن كۇشكە اينالدىق.

 

باس شۋجي شي جينپيڭ بىلاي دەپ اتاپ كورسەتتى: ءبىز ۇزدىكسىز دارقان پەيىلدە بولىپ، كوپ ءتۇرلى فورماداعى عارىش حالىقارالىق اۋىس-كۇيىسىن، سەلبەستىگىن ىشكەرىلەي ىلگەرىلەتىپ، ءار ەلمەن دامۋ جەتىستىكتەرىنەن بىرگە يگىلىكتەنىپ، سىرتقى كەڭىستىكتى باسقارۋدى كەمەلدەندىرىپ، عارىش عىلىم-تەحنيكا جەتىستىكتەرىنىڭ ادامزاتقا ءتىپتى دە زور باقىت جاراتۋىنا مۇمكىندىك جاساۋىمىز كەرەك. چاڭ-ى 6-ءنومىرلى عارىش اسپابى مىندەتى باس جوبالاۋشىسىنىڭ ورىنباسارى ۋاڭ چيۇڭ بىلاي دەدى: ءبىز باستان-اياق اشىق سەلبەستىك پوزيتسياسىن ۇستانىپ، بۇكىل دۇنيە جۇزىندەگى عىلمي زەرتتەۋ قۇرىلىمدارىنىڭ ات سالىسۋىن قارسى الامىز، سوندىقتان ايدى بارلاۋ ينجەنەرياسى ءىس جۇزىندە جۇڭگونىكى ءارى بۇكىل ادامزاتتىكى. باس شۋجيدىڭ بىزگە دەگەن شىنايى ءۇمىتى مەن تاپسىرماسىن سەزىندىك، ءبىز، ءسوز جوق، كەيىنگى قىزمەت بارىسىندا باس شۋجيدىڭ تالابىن ناقتاپ تياناقتاندىرۋىمىز كەرەك.

 

 باس شۋجي شي جينپيڭ بىلاي دەپ باسا دارىپتەدى: عارىش بارلاۋ ماڭگى تولاستامايدى. عارىش شەبىندەگى جولداستاردىڭ تىنباي كۇش قوسىپ، ەكپىندەي العا ۇمتىلىپ، اي شارى ۇلگىسى جونىندەگى عىلمي زەرتتەۋدى دەن قويا ورىستەتىپ، شالعاي كەڭىستىكتى بارلاۋ سياقتى عارىش كەلەلى ينجەنەريالارىن ۇزدىكسىز ويداعىداي اتقارىپ، كەڭىستىك عىلىمىنان، كەڭىستىك تەحنيكاسىنان، كەڭىستىكتەن پايدالانۋدىڭ جاپپاي دامۋىن ىلگەرىلەتىپ، عارىش ىستەرىندە ەگەي ەل قۇرۋعا جالعاستى تىڭ ۇلەس قوسۋىن ءۇمىت ەتەمىن. عارىش عىلىم-تەحنيكا توبى چاڭ-ى 6-ءنومىرلى بارلاۋ مىندەتى باس جوبالاۋشىسىنىڭ ورىنباسارى دىڭ شياڭجين بىلاي دەدى: باسىپ وتكەن جولىمىزعا قايىرىلا قارايتىن بولساق، شەتەلدىكتەر ىستەي الماعان ىستەردى ءبىز دە وتە جاقسى ىستەي الامىز، مىنە بۇل جۇڭگولىقتاردىڭ سەنىمى. عارىش ىستەرىندەگى ەگەي ەل، عىلىم-تەحنيكادا ەگەي ەل بولۋ جونىنەن العاندا، ىستەۋگە ءتيىستى قىزمەتتەر ءالى دە بارشىلىق، ءبىز، ءسوز جوق، تاپسىرمانى ەستە بەرىك ساقتاپ، كەيىنگى قىزمەتتەردە ونى ءتىپتى دە جاقسى، ءتىپتى دە ەگجەي-تەگجەيلى ىستەيمىز.

 

مەملەكەتتىك عارىش مەكەمەسىنىڭ ورىنباسار باستىعى بيان جىگاڭ بىلاي دەدى: ءبىز اناعۇرلىم پارمەندى شارالار قولدانىپ، عىلىم-تەحنيكادا جاڭالىق اشۋدى جەبەپ، باس شۋجي جاساعان عارىش ىستەرىن دامىتۋ جوباسى بويىنشا، كۇش ۇستىنە كۇش قوسىپ، ەكپىندەي العا ۇمتىلىپ، نىسانامىزعا بىرتىندەپ قول جەتكىزىپ، عارىش ىستەرىندەگى ەگەي ەل، عىلىم-تەحنيكادا ەگەي ەل قۇرۋعا عارىش قىزمەتكەرلەرىنىڭ كۇش-قۋاتىن ارنايمىز.