شي جينپيڭ ج ك پ ورتالىق كوميتەتى ساياسي بيۋروسىنىڭ 18-رەتكى كوللەكتيۆ ۇيرەنۋى كەزىندە شەكارا رايونداردى باسقارۋ قىزمەتىن ىشكەرىلەي ويداعىداي ىستەپ، شەكارا رايونداردىڭ جوعارى ساپالى دامۋىن ىلگەرىلەتۋ كەرەك،-دەپ باسا دارىپتەدى

ءوز حابارىمىز. ج ك پ ورتالىق كوميتەتىنىڭ ساياسي بيۋروسى 12-ايدىڭ 9-كۇنى تۇستەن كەيىن ەلىمىزدىڭ تاريحتاعى شەكارا رايونداردى باسقارۋى جونىندە 18-رەتكى كوللەكتيۆ ۇيرەنۋ وتكىزدى. ج ك پ ورتالىق كوميتەتىنىڭ باس شۋجيى شي جينپيڭ ۇيرەنۋدى باسقارعان كەزدە بىلاي دەپ باسا دارىپتەدى: شەكارا رايونداردى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋ—جۇڭگو ۇلگىسىندەگى وسىزامانداندىرۋدا قامتىلۋعا ءتيىستى ماندىك مازمۇن. پارتيا 20-قۇرىلتايىنىڭ جانە 20-كەزەكتى ورتالىق كوميتەتتىڭ ەكىنشى، ءۇشىنشى جالپى ماجىلىستەرىنىڭ رۋحىن مۇقيات دايەكتەندىرىپ، پارتيا ورتالىعىنىڭ شەكارا رايونداردى باسقارۋ جونىندەگى ءتۇرلى شەشىم-ورنالاستىرۋلارىن تياناقتاندىرىپ، شەكارا رايونداردى باسقارۋ ءتۇرلى قىزمەتتەرىن ىشكەرلەي جاقسى ىستەپ، شەكارا رايونداردىڭ جوعارى ساپالى دامۋىن ىلگەرىلەتۋ كەرەك.

جۇڭگو قوعامدىق عىلىم اكادەمياسى عىلمي زەرتتەۋ ءبولىمىنىڭ مۇشەسى، جۇڭگو تاريح زەرتتەۋ اكادەمياسى باستىعىنىڭ ورىنباسارى لي گوچياڭ جولداس وسى ماسەلە جونىندە تۇسىنىك جاساپ، قىزمەتتىك ۇسىنىستاردى العا قويدى. ورتالىق ساياسي بيۋروداعى جولداستار مۇقيات تىڭدادى جانە تالقى جۇرگىزدى.

شي جينپيڭ تۇسىندىرمەنى جانە تالقىنى تىڭداعاننان كەيىن ماڭىزدى ءسوز سويلەدى. ول مىنالاردى انىق ايتتى: پارتيا 18-قۇرىلتايىنان بەرى، پارتيا ورتالىعى ەل باسقارۋ ستراتەگياسى جالپى جاعدايى تۇرعىسىنان كوز جىبەرىپ، «ەل باسقارۋدا ءسوزسىز شەكارا رايونداردى باسقارۋ، شەكارانى كوركەيتىپ حالىقتى اۋقاتتاندىرۋ، شەكارانى ورنىقتىرۋ-شەكارانى بەكەمدەۋ» قاتارلى ءبىر سىپىرا ماڭىزدى تۇجىرىمداردى، ماڭىزدى شارالاردى العا قويىپ، وڭىرلىك سايكەستى دامۋ ستراتەگياسىنا، وڭىرلىك كەلەلى ستراتەگيالارعا تاباندى بولىپ جانە كەمەلدەندىرىپ، شەكارا رايونداردىڭ جوعارى ساپالى دامۋىن جەدەلدەتىپ، شەكارا رايونداردىڭ بۇكىل مەملەكەتپەن بىرلىكتە كەدەيلىكتەن قۇتىلدىرۋدان قامال الۋ شايقاسىنىڭ جەڭىسىنە قول جەتكىزۋىن، دوڭگەلەك داۋلەتتى قوعامدى جالپى بەتتىك قۇرۋىن، جالپى بەتتىك سوتسياليستىك وسىزاماندانعان مەملەكەت قۇرۋ جاڭا جورىعىنا قادام تاستاۋىن ىلگەرىلەتىپ، شەكارا رايونداردى باسقارۋدا تاريحي سيپاتتى تابىستارعا قول جەتىپ، تاريحي سيپاتتى وزگەرىستەر جارىققا شىقتى.

شي جينپيڭ بىلاي دەپ باسا دارىپتەدى: پارتيانىڭ جالپى بەتتىك باسشىلىعىنا تاباندى بولۋدى شەكارا رايونداردىڭ ءار قايسى جاقتارىنىڭ تۇتاس بارىسىندا تياناقتاندىرۋ كەرەك. ستراتەگيالىق جوسپارلاۋدى ءبىر تۇتاس سايكەستىرۋدى كۇشەيتىپ، شەكارا رايونداردى باسقارۋدى ءتۇرلى جاقتارداعى ىستەردىڭ دامۋىمەن ورگانيكالى توعىستىرۋ كەرەك. قاتىستى تاراۋلار ءوز جاۋاپكەرشىلىكتەرىن اتقارۋ، باتىلدىقپەن جاۋاپكەرشىلىك ارقالاۋ، تىعىز سايكەسۋ، كۇش بىرلىك قالىپتاستىرۋ كەرەك. شەكارا رايوندارداعى ءار دارەجەلى پارتيا ۇيىمدارى ءبىر-بىرلەپ تياناقتاندىرۋدى پارتيا ورتالىعىنىڭ رۋحىنىڭ تالابىنا باستان-اياق تۋرالاپ دايەكتەندىرۋى ءارى ءار قايسى پلانداردى، زاڭ-ەرەجەلەردى، ساياساتتاردى، نىسانداردى ناقتىلى جوبالاۋ جانە اتقارۋ بارىسىندا تياناقتاندىرۋ كەرەك.

شي جينپيڭ بىلاي دەپ انىق ايتتى: جۇڭگو ۇلگىسىندەگى وسىزامانداندىرۋدى ىلگەرىلەتۋدە شەكارا رايونداردىڭ بىردە ءبىرىن قاعىس قالتىرۋعا بولمايدى. شەكارا رايونداردىڭ دامۋىن جۇڭگو ۇلگىسىندەگى وسىزامانداندىرۋ ستراتەگياسىنىڭ جالپى جاعدايىنا، وڭىرلىك سايكەستى دامۋ ستراتەگياسىنا، وڭىرلىك كەلەلى ستراتەگيالارعا ەنگىزىپ، جاڭا دامۋ تانىمىن تولىق، دالمە -ءدال، جالپى بەتتىك دايەكتەندىرۋ؛ شەكارا رايونداردىڭ ءوز شارت-جاعدايىنا سۇيەنىپ، جاڭا دامۋ ارناسىمەن توعىسۋىنا، بۇكىل ەلدەگى ءبىر تۇتاس ءىرى بازارمەن توعىسىپ، ءوزىنىڭ جوعارى ساپالى دامۋىن جۇزەگە اسىرۋىنا قولداۋ كورسەتۋ كەرەك. رەفورما جاساۋ، ەسىك اشۋ ارقىلى قوزعاۋشى كۇشتى ارتتىرۋعا، ومىرشەڭدىك كۇش قوسۋعا تاباندى بولىپ، شەكارا رايونداردىڭ تەڭىز جاعالاۋى، شەكارا جاعالاۋى سياقتى ابزالدىلىقتارىن ساۋلەلەندىرىپ، فورماسى الۋان ءتۇرلى ەسىك اشۋ بيىگىن قالىپتاستىرۋ؛ قۇرلىق-تەڭىز بىرلەسىپ قيمىلدايتىن، شىعىس پەن باتىس قوس باعىتتا ءوزارا كومەكتەسەتىن جالپى بەتتىك ەسىك اشۋ جاعدايىن قالىپتاستىرۋ كەرەك. قالا مەن اۋىلدىڭ توعىسپالى دامۋىنا تاباندى بولىپ، اۋدان قالاشىعىن ماڭىزدى دانەكەر ەتكەن جاڭاشا قالا- قالاشىقتاندىرۋ قۇرىلىسىن ورنىقتى ىلگەرىلەتۋ؛ اۋىل-قىستاقتى جالپى بەتتىك كوركەيتۋدى ىلگەرىلەتۋ؛ كەدەيلىكتەن قۇتىلدىرۋدان قامال الۋ جەتىستىكتەرىن بەكەمدەپ، ۇلعايتىپ، كەدەيلەسۋدەن، كولەمدەنگەن قايتا كەدەيلەسۋدەن ءونىمدى ساقتانۋ كەرەك. دامۋ بارىسىندا حالىق تۇرمىسىن قامتاماسىز ەتۋگە جانە جاقسارتۋعا تاباندى بولىپ، شەكارا رايونداردىڭ ءوندىرىس، تۇرمىس شارت-جاعدايىن ۇزدىكسىز جاقسارتىپ، نەگىزدىك قۇرىلعىلار جانە نەگىزگى الەۋمەتتىك قىزمەت وتەۋدەگى ولقىلىقتاردى جەدەل تولىقتاۋ كەرەك.

شي جينپيڭ بىلاي دەپ باسا دارىپتەدى: جۇڭحۋا ۇلتى ورتاق تۇلعاسى قۇرىلىسىن ىلگەرىلەتۋدى شەكاراداعى ۇلتتىق رايوندار قىزمەتىنىڭ نەگىزگى جەلىسى ەتۋگە تاباندى بولۋ كەرەك. سوتسياليستىك وزەكتى قۇن كوزقاراسىن كەڭ كولەمدە امالياتتا ايگىلەپ، شەكارا رايوندارداعى ءار ۇلت بۇقاراسىن ۇلى وتاندى، جۇڭحۋا ۇلتىن، جۇڭحۋا مادەنيەتىن، جۇڭگو كوممۋنيستىك پارتياسىن، جۇڭگوشا سوتسياليزمدى شىنايى مويىنداۋدى ۇزدىكسىز كۇشەيتۋگە جەتەكتەپ، جۇڭحۋا ۇلتىنىڭ ورتاق رۋحاني مەكەنىن قۇرۋ كەرەك. ۇلتتىق رايون اۆتونوميا تۇزىمىنە تاباندى بولىپ جانە كەمەلدەندىرىپ، ءار ۇلت بۇقاراسىنىڭ زاڭدى ۇقىق-مۇددەسىن قامتاماسىزداندىرۋ كەرەك. مەملەكەت بويىنشا ءبىر تۇتاس قولدانىلاتىن ءتىل-جازۋدى تەگىس جالپىلاستىرىپ، مەملەكەت ءبىر تۇتاس قۇراستىرعان وقۋلىقتاردى جالپى بەتتىك قولدانۋ كەرەك. ۇلتتار ىنتىماعى، العاباسارلىعىنداعى وزات ورىن قۇرۋ قىزمەتىن ۇزدىكسىز تەرەڭدەتىپ، ءوزارا توعىسقان قوعامدىق قۇرىلىم مەن الەۋمەتتىك رايون ورتاسىن بەلسەنە قۇرىپ، ۇلتتاردىڭ اناردىڭ دانىندەي تىعىز ۇيىسۋىن جەبەۋ كەرەك.

شي جينپيڭ بىلاي دەپ انىق ايتتى: مەملەكەتتىڭ حاۋىپسىزدىگى مەن قوعامنىڭ ورنىقتىلىعىن قورعاۋدى شەكارا رايونداردى باسقارۋدىڭ تومەنگى شەك تالابى ەتۋگە تاباندى بولۋ كەرەك. ورتاق قۇراتىن، ورتاق باسقاراتىن، ورتاق يگىلىكتەنەتىن قوعامدىق باسقارۋ ءتۇزىمىن كەمەلدەندىرۋ؛ نەگىزگى ساتىنىڭ نەگىزىن ۇزدىكسىز بەكەمدەۋ؛ شەكارا رايونداردىڭ قوعامدىق باسقارۋ ونىمدىلىگىن جوعارىلاتۋ كەرەك. نەگىزدىك قۇرىلعىلار قۇرىلىسىن كۇشەيتۋ؛ عىلىم-تەحنيكا قۋاتىن ارتتىرۋ؛ وتاندى قورعاۋ، شەكارانى قورعاۋ جالپى تۇلعالىق قۋاتىن كۇشەيتۋ كەرەك.

شي جينپيڭ بىلاي دەپ باسا دارىپتەدى: شەكارا رايونداردى باسقارۋدى ىلگەرىلەتۋ نازاريالىق تىرەكتى كۇشەيتۋدى قاجەت ەتەدى. شەكارا رايوندار تاريحىنا جانە شەكارا رايونداردى باسقارۋعا قاتىستى كوپ پاندىك زەرتتەۋدى كۇشەيتۋ، جۇڭگونىڭ دەربەس شەكارا ءىلىمى ءبىلىم جۇيەسىن جەدەل ورناتۋ كەرەك. شەكارا رايونداردى باسقارۋداعى كەلەلى نازاريالىق جانە رەال ماسەلەلەردى زەرتتەۋدى تەرەڭدەتىپ، ىقپال كۇشكە، يلاندىرۋ قۋاتىنا يە اناعۇرلىم كوپ زەرتتەۋ جەتىستىكتەرىن جارىققا شىعارۋ كەرەك. شەكارا رايونداردى زەرتتەۋ تابىستارىنان ويداعىداي پايدالانىپ، جاڭا داۋىردەگى جۇڭگونىڭ شەكارا رايونداردى باسقارۋ حيكاياسىن ويداعىداي بايانداۋ كەرەك. ساياسي مايدانى بەرىك، نازاريالىق تاربيە جانە جالپىلىق ساپا جاقتان ىسىلعان شەكارا رايونداردى زەرتتەۋ قوسىنىن قۇرۋ كەرەك.