ءوز حابارىمىز. 11-ايدىڭ 11-كۇنى مەملەكەت ءتوراعاسى شي جينپيڭ كاسىرين كوننولليعا تەلەگرامما جولداپ، ونىڭ يرلانديانىڭ زۇڭتۇڭى بولعاندىعىن قۇتتىقتادى.

شي جينپيڭ مىنالاردى انىق ايتتى: جۇڭگو مەن يرلانديا ديپلوماتيالىق قاتىناس ورناتقان 46 جىلدان بەرى، ءوزارا ۇيرەنۋ، ءوزارا ۇلگى الۋ، دوستىق سەلبەستىك بارىسىندا قول ۇستاسا دامىپ، كورنەكتى تابىستارعا قول جەتكىزدى. سوڭعى جىلدارى ەكى ەلدىڭ ءار دارەجەلى بارىس-كەلىسى جيىلەپ، ناقتى سەلبەستىگىندە سۇبەلى تابىستار جارىققا شىقتى. مەن جۇڭگو-يرلانديا قاتىناسىن دامىتۋعا وسكەلەڭ ءمان بەرەمىن، كاسىرين كوننوللي زۇڭتۇڭمەن بىرلىكتە قۇلشىنىپ، ساياسي ءوزارا سەنىمدىلىكتى كۇشەيتىپ، ءداستۇرلى دوستىقتى جالعاستىرىپ، كوپ جاقتىلىقتى جانە ەركىن ساۋدانى ورتاق قولداپ، جۇڭگو مەن يرلانديانىڭ ءوزارا تيىمدىلىك جاساۋ ستراتەگيالىق سەرىكتەستىك قاتىناسىنىڭ ۇزدىكسىز العا دامۋىن ىلگەرىلەتىپ، ەكى ەل حالقىن اناعۇرلىم ويداعىداي باقىتقا كەنەلتۋدى قالايمىن.