ناۋرىزدا مال سويۋ دۇرىس پا؟
0
2017-03-17 15:26:00
|
كەلۋقاينارى:
|
جاۋاپتى رەداكتور :

 

    استانا. قازاقپارات - باۋىرجان مومىش ۇلىنىڭ كەلىنى زەينەپ اپاي «ناۋرىز مەيرامىندا مال سويمايدى، جالپى قان شىعارمايدى. وسەر تولگە، كوبەيەر مالعا كەسىرى تيەدى، مال باسى كەميدى دەگەن تىيىم بار» دەگەن ەكەن. ناۋرىزدا تەك سوعىمنان ساقتالعان ءسۇر ەت داستارحانعا قويىلادى. وسى تىيىمدى ۇستانا وتىرىپ، بۇگىن ارۋلارىمىزعا ۇمىتىلىپ بارا جاتقان ۇلتتىق تاعامداردى ۇسىنعالى وتىرمىز.

 

شۇجىق

قازاق حالقىنىڭ اسا باعالى تاعامدارىنىڭ ءبىرى - شۇجىق. ونى بارلىق مالدىڭ ەتىنەن جاساۋعا بولادى. ءبىراق جىلقى ەتىنەن جاسالعان شۇجىققا ەشتەڭە جەتپەيدى. جىلقىنىڭ شيكى ەتىن، ءىش مايى تۋراپ، وعان جۋا، سارىمساق، تۇز، بۇرىش قوسىپ، ونى جىلقى ىشەگىنە تىعادى، تىعىزدايدى.

 

ىشىنە اۋا جىبەرمەيتىندەي ەتىپ، ەكى جاعىن مىقتى جىپپەن بۋادى دا ءسال توبارسىتىپ، كولەڭكەگە كەپتىرىپ الادى. ونى اۋىلدىق جەردە ۇنعا، قالادا ارينە توڭازىتقىشتا ساقتايدى. ناۋرىز مەيرامىندا داستارحانعا قويۋ ءۇشىن بابىندا قايناتىپ، پىسىرەدى.

 

بۇل تاعامدى كەي وڭىرلەر قازى دەپ اتايدى. ال الماتى وڭىرىندە جىلقى ىشەگىنە جىلقىنىڭ قابىرعا سۇيەگى مەن ەتى سالىنعان تاعامدى قازى دەپ اتايدى.

 

 

توستىك

 

سۇرلەنگەن قويدىڭ ءتوسىن تۇزى سىڭگەن سوڭ، وتقا قاقتاپ پىسىرەدى. ءتوس ەت قۇيقالى، مايلى ءارى تۇزدى، وتە ءدامدى تاعام بولىپ شىعادى. مالدىڭ باسقا مايلى ەتىندەي ەمەس، ءتوس مايى مەن ەتىنىڭ ءدامى جۇرەككە تيمەيدى. سوڭعى جىلدارى بۇل تاعام ۇمىتىلىپ بارا جاتىر.

 

قازان جاپپا

 

قازان جاپپا ۇننان يلەنىپ جاسالادى. ول ءۇشىن قازاندى ىستىق شوققا ابدەن قىزدىرىپ الادى دا، ونىڭ ىشكى جاعىنا يلەنىپ دايىن تۇرعان قامىردى جۇقا، قالىڭ دا قىلماي دوڭگەلەكتەپ جاپسىرادى.

 

 

ىستىق قازانعا جاپسىرىلعان قامىر ءتۇسىپ قالمايدى. سوسىن قازاندى شوققا قايتا توڭكەرىپ قويادى.

 

پىسكەن مەزگىلدە الگى ناندى الىپ، ىستىق كۇيىندە بەتىنە مولىراق ماي، قايماق جاعادى. ىستىق كۇيىندە جەيدى. قازاق وتباسىلارى وزدەرىنىڭ سىيلى ادامدارى مەن قۇدالارىنا، تۋىستارىنا كەي تاعامداردى سىباعا رەتىندە ساقتاپ وتىرادى.

 

قوناق بولىپ كەلگەندە ولارعا ادەيى ساقتاپ وتىرعانىن ايتىپ ماقتاناتىنى دا جاراسىمدى ادەتتەردىڭ ءبىرى. ال قوناق بولسا، بۇعان قاتتى ريزا بولىپ، العىس ايتادى.

 

Massaget.kz

 

未标题-1.jpg
545.jpg
20160917143509.jpg
11.jpg
未标题-1.jpg