موڭعوليادان تۇراتىن قانداسىمىز - ەكسپو كورمەسىنە ارناپ ەرەكشە كيىز ءۇي ازىرلەپتى
0
2017-03-17 15:29:00
|
كەلۋقاينارى:
|
جاۋاپتى رەداكتور :

 

    استانا. قازاقپارات - موڭعوليادان تۇراتىن قانداسىمىز - ەكسپو كورمەسىنە ارناپ، توسىن سىي ازىرلەدى. قوزاۋ شەبەر 8 قاناتتى ەرەكشە كيىز ءۇي ازىرلەپتى.

 

ونىڭ كەرەگەسىنەن باستاپ، شاڭىراعىنا دەيىن ۇلتتىق ناقىشتا ويىلىپتى. ونداعىسى - شەتتەن كەلگەن مەيماندارعا ۇلتىمىزدىڭ سالتىن، عۇرپى مەن ءدىلىن كورسەتۋ ەكەن. وزگەشە كيىز ءۇيدى العاش بولىپ ارىپتەسىم ءامىربولات قۇسايىن ۇلى كورىپ كەلدى.

 

مونعولياداعى قولونەر شەبەرلەرى قازاق ءۇيدىڭ 96 ۋىعىنىڭ بارلىعىنا بىردەي ويۋ-ورنەك سالىپتى. ونىڭ سىرتىندا قازاق ۇيگە كىرىپ كەلگەندە ەرەكشە كوزگە كورىنەتىن ادەمى كورىنىستەردىڭ ءبىرى - ول ارينە شاڭىراق. ارنايى بالقاراعايدان جاسالعان شاڭىراققا قازاقتىڭ قوشقار ءمۇيىز ويۋى بەدەرلەنىپتى.

 

اق بوز ءۇيدى اتامەكەندەرىنە اكەپ، العاش تىككەن قوزاۋ اعا كيىز ءۇيدى جاساتۋعا ءۇش جىلداي ۋاقىتىن جۇمساعان. سەگىز قاناتتى ءساندى ءۇي ءبىر قاراعاندا وزگە قازاق ۇيلەردەن ايىرماشىلىعى جوقتاي كورىنەدى. ءبىراق، ىشكە كىرگەن ساتتە ءاربىر زاتىنىڭ ەرەكشە ىقىلاس، ىنتامەن جاسالعانى بىردەن بايقالادى. كەرەگە تالدان، ۋىق اق قايىڭ اعاشىنان جاسالسا، ورنەكتەلگەن ويۋلى ەسىك شىرشادان جونىلىپتى.

 

«قاراشاڭىراق، ەلجۇرتىمىز. وسىنىڭ مارتەبەسىنە مەن ءوزىم موڭعوليادا تۇرسامدا وسىعان ءوزىمنىڭ ۇلەسىمدى قوسسام دەپ ەلىمىزدىڭ ورتالىعىنا ەكسپوعا اپارىپ تىكسەم دەگەن ارماندا ىستەتتىم. وزىمدە جاسادىم، وزىممەن بىرگە شەبەرلەردە جاسادى. اقشامدى، دۇنيەمدى دە ايامادىم»، - دەدى شەبەر، قوزاۋ تابەرەك ۇلى.

 

موڭعوليانىڭ قازاعى از، ىشكى ايماعىندا ءومىر سۇرگەن شەبەرلەر ءۇيدىڭ ىشىنە قوياتىن ساندىق، ىدىس سىندى وزگەدە قاجەتتى زاتتاردى قولدان ويدىق دەيدى. تىرەۋىشكە ەلتاڭبانى دا ەرىنبەي سالعىزىپتى. ەكسپوعا كەلەتىن قوناقتار قازاق تاريحىنان اقپارات الۋ ءۇشىن سيىر تەرىسىنە قازاق تاريحىنان مالىمەت- كورىنىستەردى سالعىزىپ جاتىر.

 

«قازاقستاننىڭ ەلتاڭباسى ءبىز ءۇشىن اسا قۇرمەتتى جانە دە ماقتانىشىمىز. سول ماقتانىشىمىز ءۇشىن ەلتاڭبانى قازاق ءۇيدىڭ تىرەۋىشىنە ويىپ جاسادىق»، - دەدى وڭعارگۇل قوزاۋ قىزى.

 

قوجاۋ شەبەر قازاق ءۇيدى جاساۋعا كەتكەن شىعىننىڭ از ەمەس ەكەندىگىن ايتقانمەن، ناقتى قارجىنى ەسەپتەمەپتى. تەك بەس مىڭ شاقىرىمدىق تەمىرجولعا كونتەينەر جالداپ، ۋلانباتىردان الماتىعا دەيىن جەتكىزۋ اقىسى مەن كەدەندىك سالىققا بەس مىڭ دوللار تولەپتى. ءۇش جىلدا جۇمىسىن اياقتاعان، اتامەكەنىمە كەلدىم دەگەن شەبەر ەندى ەكسپو كورمەسىنە قاتىسۋ قۇجاتتارىمەن كۇنىن وتكىزبەك.

 

كەلۋ حاينارى:
http://www.inform.kz

 

 

未标题-1.jpg
545.jpg
20160917143509.jpg
11.jpg
未标题-1.jpg