تۇسكى ۇيقى تانىم قابىلەتىن كۇشەيتەدى
كەلۋقاينارى:جۇڭگو قازاق راديو تورابى |جاۋاپتى رەداكتور:داۋىلبەك | جاڭالانعان ۋاقىت:2017-03-15 16:34:00


    جۋىردا «ا ق ش نىڭ قارتتار مەديتسينا عىلمي قوعامى جۋرنالىندا» جاريالانعان ءبىر زەرتتەۋدە تۇستە ۇيىقتاۋدىڭ قارتتاردىڭ تانىم قابىلەتىمەن قاتىستى ەكەنى ايتىلعان.


    بالتيمۋر قالاسىنداعى جون حوپكينس ۋنيۆەرسيتەتىنىڭ دوكتورى لي جۇنشين مەن ونىڭ قىزمەتتەسى جۇڭگولىق 65 جاستان اسقان ەرەسەك ادامداردىڭ تۇستە ۇيىقتاۋ احۋالى مەن تانىم قابىلەتىنىڭ اراسىنداعى بايلانىستى تەكسەرگەن. زەرتتەۋشىلەر ولاردىڭ ۇيىقتاعان ۋاقىتىنىڭ ۇزىن–قىسقالىعىنا قاراي گرۋپپارلارعا بولگەن: ۇيىقتامايتىندار (ءنول مينۋت)، قىسقا ۋاقىت ۇيىقتايتىندار (30 مينۋتتان از)، ورتاشا دارەجەدە ۇيىقتايتىندار (30–90 مينۋت) جانە ۇزاق ۋاقىت ۇيىقتايتىندار (90 مينۋتتان ارتىق).


    زەرتتەۋشىلەر تەكسەرۋگە قاتىناسۋشىلاردىڭ ٪57.7 ىنىڭ ورتاشا ۇيىقتاۋ ۋاقىتى 63 مينۋت بولاتىنىن بايقاعان. ۇيىقتامايتىندار مەن ۇزاق ۇيىقتايتىنداردى سالىستىرعاندا ورتاشا دارەجەدە ۇيىقتايتىندار اناعۇرلىم تۇتاس تۇلعالىق تانىمعا يە بولاتىنى، قىسقا ۋاقىت ۇيىقتايتىندار مەن ۇيىقتامايتىنداردى سالىستىرعاندا ۇيىقتامايتىنداردىڭ تانىمى ناشار بولاتىنى، ورتاشا دارەجەدە ۇيىقتايتىنداردىڭ دەنە ساپا كورسەتكىشى، جابىعۋشىلىق جاعدايى، كۇندەلىكتى تۇرمىس ساپاسى، قوعامدىق قارىم–قاتىناس قيمىلى جانە تۇنگى ۇيقىسىنىڭ جالعاسۋ ۋاقىتى سياقتىلاردىڭ بارلىعى ۇيىقتامايتىندار، قىسقا ۋاقىت ۇيىقتايتىندار جانە ۇزاق ۋاقىت ۇيىقتامايتىندارمەن سالىستىرعاندا الدەقايدا جاقسى بولاتىنى بايقالعان.

 

حانزۋشادان اۋدارعان: نۇرمۇقامەت كامان ۇلى