توراپ ارقىلى قۋعىن سالىنعان قىلمىس كۇماندىسى ساۋان اۋدانىندا قولعا ءتۇستى
كەلۋقاينارى: |جاۋاپتى رەداكتور: | جاڭالانعان ۋاقىت:2017-07-31 12:13:00


سۋ گاڭۋي


    ول باسقالارمەن استاسىپ « اياقتى ۋقالاپ ەمدەۋگە » قىزمەت وتەۋ ورنىن اشۋدى جەلەۋ ەتىپ، استىرتىن ءتان ساتۋعا ۇيىمداستىرۋ سىندى قىلمىستىق ارەكەتىمەن شۇعىلدانعان. دەلو تۋىلعان سوڭ تۇتقىنداۋ بۇيرىعى تۇسىرىلگەنىن سەزگەن ياڭ xx شينجياڭعا قاشىپ كەلەدى ءارى كونە كاسىبىن جالعاستىرماقشى بولادى. اقشا تابۋدىڭ سارا جولىن سالماقشى بولعان ياڭ xx جوسپارىن جۇزەگە اسىرۋدان بۇرىن ساۋان اۋدانىندا قولعا ءتۇسىپ قالارىن ويلاپ تا كورمەگەن ەدى.


    جۋىقتا ساۋان اۋداندىق قوعام حاۋىپسىزدىگى مەكەمەسى اماندىق تەكسەرۋ پۋنكتىنىڭ حالىق ساقشىلارى كۇندەلىكتى مىندەت وتەۋ بارىسىندا تەكسەرۋ پۋنكتىنەن وتۋدەن بۇرىن كولىكتەن ءتۇسىپ اينالىپ وتپەكشى بولعان ەر ازاماتتى بايقاپ قالادى. تەكسەرۋ ارقىلى ءوزىن « ياڭ چاۋ » دەپ اتاعان بۇل ازاماتتا سالاۋاتىن دالەلدەيتىن ەشقانداي كۋالىكتىڭ جوق ەكەنىن بايقايدى.


    حالىق ساقشىلارى ىشكەرىلەي تەكسەرىپ-سالىستىرۋ ارقىلى بۇل ازاماتتىڭ اتى-ءجونىنىڭ ياڭ xx، ءتان ساتۋعا ۇيىمداستىرۋ دەلوسىمەن قاتىستى بولىپ، 2017-جىلى 30-ناۋرىزدا گانسۋ ولكەسىنىڭ جيايۇيگۋان قالاسىنىڭ ساقشىلارى جاعىنان توراپ ارقىلى قۋعىن سالىنعان قاشىپ جۇرگەن قىلمىس كۇماندىسى ەكەندىگىن بايقايدى.


قىلمىس كۇماندىسىنىڭ مويىنداۋىنا نەگىزدەلگەندە، 2017-جىلى اقپاندا ول چاڭ xx، يۇي xx قاتارلىلارمەن استاسىپ، جان-جاققا تانىسقى تاراتىپ قوناق قابىلداۋ ءارى پاڭ xx، لي xx قاتارلى ايەلدەردى گانسۋ ولكەسى جيايۇيگۋان قالاسىنداعى مەيحۋجۇي شاعىن رايونىندا اشىلعان « اياقتى ۋقالاپ ەمدەۋ» ورنىندا ءتان ساتۋ قيمىلىمەن شۇعىلدانۋعا ۇيىمداستىرىپ، 60 مىڭ يۋان پايدا تاپقان ەكەن.


ناۋرىز ايىندا دەلو تۋىلعان سوڭ ياڭ xx سىبايلاسىنىڭ ساقشىلار جاعىنان قولعا تۇسكەنىن ەستىگەن سوڭ، تۇندەلەتىپ گانسۋ ولكەسىنەن قاشىپ كەتەدى ءارى شينجياڭعا كەلىپ جاسىرىنىپ قالادى.


جۋىقتا ياڭ xx قولىنداعى بارىن تاقا تاۋىسىپ، كونە كاسىبىمەن قايتا شۇعىلدانباقشى بولىپ، ماڭىنداعى اۋدان، قالالارعا بارىپ، جاعداي ۇعىسپاقشى بولادى. الايدا، ويلاماعان جەردەن ساۋان اۋدانىنان وتە بەرگەنىندە ساقشىلار جاعىنان قولعا الىنادى.


كەزەكتە، ياڭ xx ساۋان اۋدانىنداعى ساقشىلار جاعىنان ۋاقىتتىق قاماۋعا الىندى، قاتىستى قايتارىپ بەرۋ قىزمەتى ورىستەتىلۋ ۇستىندە.


اۋدارعان: احات سانياز ۇلى


تارباعاتاي گازەتى اۋدارما-رەداكسيا ءبولىمى